ISAI 16:12 - Bawm Common Language Bible Version

¹² Moab mi tla chu an tlâng thenhlimh leiah leh an biakin leiah thlacham ding hen neng rê hen an kal le, sikhawmsele, chu nih chun zeikhawm a ṭhattir na lêm lo.

ISAI 16:12 ပူးပေါင်းရင်းမြစ်များ

1 Lal 11:7

Jerusalem saklei tlâng tlûnah Kemos Moab pathian fihnungkâi sawnhnâk leh Amon pathian fihnungkâi Milkom sawnhnâk mun a siam.

1 Lal 18:29

Sûnnilei nî phei khet tiang a rual hen an âu le, an tlawk chur; sikhawmsele zei sângnâk khawm a um lo, zei hâu khawm â thei lo.

2 Lal 19:12

Hawng ka thlâktu tla nih, Gozan, Haran leh Rezeph khuapi tla an râwk le, Betheden leh Telasar ah um mi tla an thah na le, an pathian tla nih âukhawm a hum kho na lo.

2 Lal 3:27

Churawhchun, a fapa upachem, amah ruangrûl ah lal ding mi chu Moab pathian sinah khuapi tlûnah bâwlnâk ah a ap. Israel tla chu an lâu le, anna nâwp le, an ram leiah an kîr rawh.

THUFING LASUIBU 1:28

Chu tikah finghnâk na auh lai le, sikhawmsele kei nih kan sâng ding asi lo. Mun kip ah hawng ka hâwl khawm le, na ka tawng ding asi lo.

ISAI 15:2

Dibon mi tla chu tlâng mi, mi thenhlimh thlân leiah ṭap ding hen an kâi. Moab mi tla chu Nebo leh Medeba khua ruangah thungâi an lung a fâk; an lungfâk ruangah an lû leh an khamul tla an mêt hep.

ISAI 16:13

Chu chu Moab thu ah LALPA thuchah masa asi.

ISAI 26:16

LALPA, na mi tla chu na rêp na le, ngaihsia tak hen na sinah thla an cham.

ISAI 37:38

Ni khat chu a pathian Nisrok a sawnh liauah a fapa Adramelek leh Sharezer nih an nâmsâu hen an thah le, Ararat ram ah an tek ving. A fapa dang Esarhadon chu a ruangrûl ah a lal.

ISAI 47:13

Zeitin tal hen ngaihdân lâk khawm le, thiltikhonâk na nei lêm lo. Na mifing tla, ârfi lei sîntu tla, vân lem siamtu tla leh a thla thla hen zei a hawng tlung awt ti a nan simhtu tla chu hawng na hen an hum seh.

JEREMIA 10:5

Chubang hâwi milem tla chu chawngmazil phâisen ah langâk tla ṭih ding hen siam mi hâwi asi; an hawlh kho lo; an kal kho lo ruangah put an ngâi. Chubang tla chu ṭih na lah u: Zei nganfâk khawm an pêk na kho ding asi lo, ṭhat khawm an ṭhattir kho na ding asi lo,” a ti.

JEREMIA 48:13

Churawhchun, Moab mi tla chu Israel mi tla nih Bethel a mi pathian an rinhsanh mi hen anna ṭângziak lo hâwi hen an pathian Kemos hen anna ṭângziak lai lo rawh.

JEREMIA 48:35

Moab tla nih an pathian sawnhnâk mun ah duahphung thil ap an siam mi leh an pathian tla sinah bâwlnâk an ap mi chu ka bângtir awt. Kei, LALPA nih ka sim asi.

JEREMIA 48:46

Moab mi tla, pawi tipi na u! Kemos sawnhtu tla chu an vei rawh le, an fapa leh an fanu tla khawm sal ah an put na rawh.

JEREMIA 48:7

“Moab, na neih leh na chaknâk na rinhsanh, sikhawmsele, tu lam chun nangmah khawm neh hen na um lai le; na pathian Kemos chu a lal leh a bâwlpu tla hen sal ah put hen an um lai.

NUMBER 21:28

Hi khuapi Hesbon thawk hen veikhat chu Sihon kawrsen tla chu mei hâwi hen an suak; Moab ram ah mi Ar khuapi chu a râwk dep, Arnon tlûnlei mi tlâng tla khawm a veih dep.

NUMBER 22:39

Churawhchun, Balaam chu Balak hen Huzoth khuapi ah an kal le,

NUMBER 22:41

A thâituan ah chun Balaam chu Balak nih Bamoth Baal ah Israel mi tla muh khonâk ah a kâipi rawh.

NUMBER 23:14

Zophin phâisen leiah mi Pisgah Tlâng tlûnah a kalpi. Chunah khawm chun mâichâm pasarih a siam le, mâichâm kip ah dawrâ chal pakhat leh chawchal pakhat a ap.

NUMBER 23:28

Churawhchun, Balaam chu ramkaro chuanhnâk Peor Tlâng tlûnah a kalpi rawh.

NUMBER 24:17

Mâilei thil um ding mi ka zauh le, Israel phun ka muh. Lalchem ârfi chêu tak hâwi hen Chu phun lakah mi a hawng suak lai. Israel thawk hen ârfi zuang hâwi hen a hawng kal lai. Moab ruitu tla chu a vuak na lai le, Seth mi tla zawzawng chu a thlûk phin lai.