ISAI 15:5 - Bawm Common Language Bible Version

⁵ Moab ruangah ka thinlung a fâk a! Mi tla chu Zoar khuapi ah leh Eklath Selisiah ah an tek. A zeimaw mi chu ṭap bû hen Luhith lam leiah an kal; a zeimaw mi chu lungzûr bû hen Horonaim leiah an tek.

ISAI 15:5 ပူးပေါင်းရင်းမြစ်များ

GENESIS 13:10

Lot nih a kiangkam Jordan Vakuam zawzawng chu a zauh le, Zoar lei kalnâk tî tamnâk lei tla, LALPA DÛM mawh Aigupta ram ah mi hâwi chu a muh. (chu chu Sodom leh Gomorah khuapi LALPA nih a râwk lânah mi chu asi.)

GENESIS 14:2

chu lalchem dang panga tla: Sodom lalchem Bera, Gomorah lalchem Birsa, Admah lalchem Shinab, Zeboim lalchem Semeber leh Bela (mawh Zoar) lalchem tla chu do ding hen an suak rawh.

GENESIS 19:22

A nam rereh! tek rawh, chu mun na tlung lânlo chu zeikhawm ti ding â tawng lo,” a ti. Lot nih khua fatê a ti ruangah a min ah Zoar a ti.

2 SAMUEL 15:23

David leh a hâwi tla an kal ruangah mipi tla chu hâu fâk tak hen an ṭap. Churawhchun, lalchem nih Kidron Va a kanh le, a minung tla nih an zûl le, ramkaro tiang hen an kal.

2 SAMUEL 15:30

David chu kê karo leh ngaihsia zauhtirnâk lû khuh bû leh ṭap bû hen Oliv Tlâng chu a kâi. A zûltu tla khawm lukhuh hep leh ṭap bû hen an zûl.

ISAI 16:14

Tu lam chun LALPA nih, “Kum thum kar ko ah Moab tla neih rokual tak chu muh asi lai lo rawh. Mi tam tak lakah mi a thibang tâwmtê cho an um lai le, chak lo tak an si lai,” a ti.

ISAI 22:5

Tu hi ningṭih tik, neh tik leh tivakuam ah langhnâk lakah nawknâk LALPA Zeizawng tikho nih kan lakah a hawng fial mi tik chu asi. Kan khuapi kulh tla chu chim rel hen an dêng le, ṭangpi duh hen âu hâu nih tlâng tla a râwng.

ISAI 59:7

Thilsual karo nan dawn kumza le, ti ding hen nan ngâk rarâm. Sualnâk nei lo mi tla chu thah ding hen nanna sûm dahlo. Nan kalnâk kip ah siat leh râwk hen nan kaltâk le,

JEREMIA 13:17

Nan ngâilo mi asi chun, nanna zûm mi ruangah a thuptê hen ka ṭap lai le; LALPA mi tla sal ah kalpi hep an si ruangah lungfâk tak hen ka ṭap lai le, ka mitthli a luang lai.

JEREMIA 17:16

Sikhawmsele, LALPA, an lakah siatnâk na tlungtir ding hen ka nan fawrh lo, an rangah nawknâk tik hawng tlung ding khawm ka duhpi na lo. LALPA, chu chu nangmah nih na theih le, thu ka sim mi tla khawm na theih.

JEREMIA 4:19

A fâk a! A fâk ka tuar kho lo. Ka lung a fâk a! Ka thinlung a fâk chiam e! Tâwtawrâwt hâu leh râltuk hâu ka theih le, ka dâisip kho lo.

JEREMIA 4:20

Siatnâk nûnah siatnâk dang nih a hawng zûl le; ram pumpi chu râwk dep hen a um rawh. Kan puanin tla chu a râwk sawm le; a puanzâr tla chu a tlêk dip rawh.

JEREMIA 48:3

Horonaim khua mi tla chu, ‘Siatnâk! Râwknâk!’ ti hen an âu.

JEREMIA 48:5

Luhith lei kalnâk lampi ah an phu-ûk mi hâu leh Horonaim lei kalnâk lampi ah an tuarnâk ruangah an ṭap mi hâu ngâi.

JEREMIA 50:46

Babulon a tlûk tik chun an hâu nih tual pumpi a tlirh lai le, ṭap hâu chu phun dang tla nih an theih lai,” a ti.

JEREMIA 9:10

Kei nih, “Tlâng sâng tla leh ram ningno tla chu an châr hep le, pakhat khawm chu lakah mi velvâ an um lo ruangah ka lungfâk tukah ka ṭap. Ranrual tla hâu khawm theih asi lo rawh; va leh ramsa tla khawm an tek phin,” ka ti.

NUMBER 21:29

Moab mi tla, nan rang ṭihnung a kâi chiam e! Nannih Kemos sawnhtu tla, nan vei rawh! Nan pathian nih ramdang ah an dawrtir na, Nan nunau tla chu Amor lalchem sal ah an lût rawh.