ISAI 15:3 - Bawm Common Language Bible Version

³ Tual lâi ah zapi tla nih salâpuan anna aih le; khuapi kulh leh in tlûnah mi zapi tla chu an lungfâk le an ṭap.

ISAI 15:3 ပူးပေါင်းရင်းမြစ်များ

2 SAMUEL 3:31

Churawhchun, David nih Joab leh a mi tla chu an puan thlêk hen Abner sûnnâk salâ aih ding hen thu a pêk na. A vûi nâkah lalchem David khawm lâng dung leiah a kal bâk.

2 Lal 6:30

Churawhchun, lalchem nih chu thu a theih rawh chun a puan a thlêk le, amah naih ah vâm kiangah um mi tla nih muh kho ding hen a nipuan tangah salâpuan â aih.

ISAI 15:2

Dibon mi tla chu tlâng mi, mi thenhlimh thlân leiah ṭap ding hen an kâi. Moab mi tla chu Nebo leh Medeba khua ruangah thungâi an lung a fâk; an lungfâk ruangah an lû leh an khamul tla an mêt hep.

ISAI 22:1

Hi hi Tivakuam ah Muhnâk thu ah thuchah asi. Zei a hawng tlung? Zei rangah khuapi minung tla nih in tlûnah zei lâwmnâk me an mang?

ISAI 22:4

Ka mi le thi mi zawzawng tla ngaihsia tak hen ṭappi na ding hen tuah keimah lâwng hen hawngka kaltâk ko. Thla hawng ka ngamh ding a tum lah.

ISAI 3:24

Rimthâw mang ding ngâk hen an rim lam a sia lai; tâisâwm ṭha sâwm ding ngâk hen rirual hen tâi anna sâwm lai; sam dawh nei ngâk hen an lû lam a kâwng lai; puan ṭha aih ngâk hen salâpuan anna aih lai. Anna dawhnâk chu ningzakkâi hen a hawng um lai.

JEREMIA 19:13

Jerusalem a mi in tla, Juda lalchem in tla, ârfi sawnhnâk ding hen a in tlûnah rimthâw duahtu tla zawzawng leh pathian dang tla sinah ap hen uain tawihtu tla zawzawng chu Tophet hâwi hen an nâwm ver lai” a ti.

JEREMIA 48:37

An ektê hen an lû leh an khamul an mêt hep. An kut tla an ât le, mikip nih salâpuan anna aih.

LUNGFÂKNÂK 2:10

Jerusalem ah tarpa tla chu dâisip hen tual ah an to le, An lû ah valeidip an phulh le, an tak lakah salâpuan anna aih, Nungâk tla khawm tual leiah an buk.

EZEKIEL 7:18

Salâpuan anna aih lai le, an thir lai. An lû tla an mêt lai le, ningzakkâi tak hen an um hep lai.

AMOS 8:10

Nan kût ni tla chu mithi vûi ni ah ka changtir lai le, nanna lâwmnâk la chu ngaihsia hen âunâk ah ka changtir lai. Nan lû ka mêt lai le, salâpuan kan aihtir na lai. Nu leh pa nih an fapa an neihlem mi thihnâk ruangah an lungfâk mi hâwi asi lai. Chu ni chu khâtîk hen a dawng lai.

MATHAI 11:21

“Korazin, na tlûn a pit, Betsaida, na tlûn a pit, nan lakah thilchê ti mi tla kha Tura leh Sidon ah ti si sele, salâpuan aih hen valeidip nâwngah to hen an rim ving lai rawh.

DEUTERONOMY 22:8

“Inthar nan sak tikah in tlûn dâi nan siam ding asi. Mi âumawh chunah tlasual hen thi na khawmsele, nan mawhlonâk ding hen.

JEM 5:1

Chun, tuah nannih mi nei tla, ngâi u! Nan tlûnah hamhnâk a hawng tlung ding mi ruangah chun ṭap ule, râk chiam u!

1 SAMUEL 5:12

A thi lo mi tla khawm an ngawr hep le, zapi tla chu an pathian ṭangpi ding hen an auh.