ISAI 15:2 - Bawm Common Language Bible Version

² Dibon mi tla chu tlâng mi, mi thenhlimh thlân leiah ṭap ding hen an kâi. Moab mi tla chu Nebo leh Medeba khua ruangah thungâi an lung a fâk; an lungfâk ruangah an lû leh an khamul tla an mêt hep.

ISAI 15:2 ပူးပေါင်းရင်းမြစ်များ

2 SAMUEL 10:4

Hanun nih David mifial tla chu a tleih na le, an khamul sîr khatlei a mêt piak na le, an nipuan tla an tawkâwng tiang a ât piak na le, a tlungtir na.

1 CHRONICLES 19:4

Hanun nih David mifial tla chu a tleih na le, an khamul tla a mêt piak na, an tawkâwng ri hen an nipuan a tan piak na le, a kîrtir na.

JOB LASUIBU 1:20

Job chu a thawk le, a ngaihsia tukah a nipuan tla a thlêk, a lû a mêt rel le, tual ah a rîl thlo.

ISAI 14:31

Nannih Philistia khuapi zawzawng tla, ṭangpi ngiar hen âu u! Ningṭih tak hen nan ektê hen um u! Marlei thawk hen valeidip khû a hawng, an sinâk chiauah kawrsen râlṭha an si.

ISAI 15:3

Tual lâi ah zapi tla nih salâpuan anna aih le; khuapi kulh leh in tlûnah mi zapi tla chu an lungfâk le an ṭap.

ISAI 16:12

Moab mi tla chu an tlâng thenhlimh leiah leh an biakin leiah thlacham ding hen neng rê hen an kal le, sikhawmsele, chu nih chun zeikhawm a ṭhattir na lêm lo.

ISAI 16:7

Moab mi tla chu lawksawngnâk an tuar mi ruangah an ṭap lai. Kir Heres khuapi ah buh thaw an ei mi tla an theih lai le, an ṭap lai. Lungdawng kâi tak hen nar an si lai.

ISAI 22:12

LAPA zahkâi, Zeizawng tikho nih chun, ṭap ding leh ulh ding hen nan lû mêt ding leh salâpuan aih ding hen a nan kawh na.

ISAI 3:24

Rimthâw mang ding ngâk hen an rim lam a sia lai; tâisâwm ṭha sâwm ding ngâk hen rirual hen tâi anna sâwm lai; sam dawh nei ngâk hen an lû lam a kâwng lai; puan ṭha aih ngâk hen salâpuan anna aih lai. Anna dawhnâk chu ningzakkâi hen a hawng um lai.

JEREMIA 3:21

Tlâng tlûnah hâu theih hen a um: Israel mi tla nih LALPA an Pathian philh hen sual tak hen an um ruangah ṭap hen an ngiar mi asi.

JEREMIA 47:2

Anih nih, “Zauhnik! Mârlei ah tî a lian le, tîlian hâwi hen a hawng luang lai. Ram leh a tlûnah thil um tla, khuapi tla leh minung a sungah um mi tla a khuh hep lai. Mi tla chu ṭangpi deih hen an âu lai le, tual tlûnah mikip ngaihsia hen an ṭap lai.

JEREMIA 47:5

Gaza mi tla sinah ngaihsiatnâk rokual tak a hawng tlung, Askelon mi tla chu an dâisip. Philistia um rih mi tla nih zeitiang an ulh awt?

JEREMIA 48:1

Hi hi LALPA Zeizawng tikho nih Moab thu a sim mi chu asi: “Nebo mi tla chu pawi tipi na u, an khuapi tla â râwk rawh! Kiriathaim lâk hen a um le, a khua kulh bir tla khawm siat hen a um le, a mi tla khawm ningzak saih hen an um; Moab rokualnâk chu a vei rawh.

JEREMIA 48:18

Nannih Dibon ah um mi tla, nan mun zahkâi tak a mi hawng ṭum ule, tual ah mi valeidip ah to u; Moab râwktu tla chu hinah a um le, a kulh tla chu râwk dep hen mâk asi rawh.

JEREMIA 48:31

Moab ram ah mi tla leh Kir Heres mi tla ruangah ka ṭap lai.

JEREMIA 48:35

Moab tla nih an pathian sawnhnâk mun ah duahphung thil ap an siam mi leh an pathian tla sinah bâwlnâk an ap mi chu ka bângtir awt. Kei, LALPA nih ka sim asi.

JEREMIA 49:3

Hesbon mi tla, ṭap u! Ai khua chu râwk hen a um rawh! Rabah ah mi nunau tla, lungfâk tak hen um u! Salâpuan a aih ule, ulh u. Nawk ruangah tek u. Nan pathian Milkom chu a lal leh a bâwlpu tla hen sal ah kalpi hen an um lai.

JEREMIA 7:29

“Jerusalem mi tla, ngaihsia tak hen um u; nan sam tan ule, lawnh ving u. Kei, LALPA, ka thinthawk le, ka mi tla ka nawng na ruangah tlâng tlûnah mithi vûinâk la sak u.

EZEKIEL 27:31

Nangmah ruangah an lû tla an mêt le, Salâpuan anna aih. An lung a fâk tuktarâi ruangah thungâi an ṭap.

EZEKIEL 30:2

“Thikho mi minung, kei LALPA Zahkâi nih ka sim mi hi simkan le, phuang rawh. Hi bang thu tla hi sim rawh: Ni ṭihnungkâi a hawng tlung awt!

EZEKIEL 7:18

Salâpuan anna aih lai le, an thir lai. An lû tla an mêt lai le, ningzakkâi tak hen an um hep lai.

LEVITICUS 13:40

Mi a lubik mawh a chal mawh a sam a kawlh chun a thenhlimh lo tir lêm lo.

LEVITICUS 21:5

“Bâwlpu âukhawm mithi zûn phurh hen a lû mawh a khamul mawh a mêt hen a taksa a rawi ding asi lo.

AMOS 8:10

Nan kût ni tla chu mithi vûi ni ah ka changtir lai le, nanna lâwmnâk la chu ngaihsia hen âunâk ah ka changtir lai. Nan lû ka mêt lai le, salâpuan kan aihtir na lai. Nu leh pa nih an fapa an neihlem mi thihnâk ruangah an lungfâk mi hâwi asi lai. Chu ni chu khâtîk hen a dawng lai.

NUMBER 21:28

Hi khuapi Hesbon thawk hen veikhat chu Sihon kawrsen tla chu mei hâwi hen an suak; Moab ram ah mi Ar khuapi chu a râwk dep, Arnon tlûnlei mi tlâng tla khawm a veih dep.

NUMBER 21:30

Sikhawmsele tuah an thlâk tla chu an vei rawh le, Hesbon thawk hen Dibon tiang hen, Nasim thawk hen Medeba kiangah mi Nophah tiang hen an veih hep na,” an ti mi chu.

NUMBER 32:3

“LALPA nih Israel mi tla rangah luahtir na ding hen a ṭangpi na mi khua tla - Atarot, Dibon, Jazer, Nimrah, Hesbon, Elealeh, Sibmah, Nebo leh Beon tla hi ran rangah ram ṭha tak asi le, kannih tâ nih ran thungâi kan chawng.

NUMBER 32:38

Nebo, Baal Meon (hi min hi an thleng), leh Sibmah an sak nawlh. An sak nawlh mi khua tla min thar an sak.

DEUTERONOMY 14:1

“LALPA nan Pathian mi nan si le, mithi ruangah lungfâk tuk ah nan taksa ât hen nan khamul tla midang nih an ti hâwi hen mêt lah u.

DEUTERONOMY 34:1

Mosi chu Moab phâi thawk hen Nebo Tlâng, Jeriko saklei Pisga Tlâng tlûnah a kâi le, chunah chun ram pumpi LALPA nih a zauhtir: Gilead ram marlei mi Dan khua tiang hen;