ISAI 14:6 - Bawm Common Language Bible Version

⁶ thinthawk tak hen mi tla nehsawhtu, a neh na mi phun tla nehsawh bâng duh lo mi thiltikhonâk chu a dawngtir rawh.

ISAI 14:6 ပူးပေါင်းရင်းမြစ်များ

2 CHRONICLES 36:17

Churawhchun, Babulon lal chu anmah a dotir na. An tlangvâl tla chu Biakin ah mi tiang a thah na. Âu lak khawm ah upa leh ngâksia, nunau, mipa, a dam leh damlo mi tlûnah khuaruatnâk a nei lo. Pathian nih a kut lakah a pêk hep na.

JOB LASUIBU 9:13

Pathian thinthawknâk chu a um kumza, a mêlma tla, Rahab bawmhtu leh tipi ah thilnung lian nih amah an do.

THUFING LASUIBU 21:30

Minung finghnâk leh chaknâk leh muh khonâk hi LALPA a um lo chun zeikhawm asi lo.

THUFING LASUIBU 28:15

Mipâm tla chu lâirêltu sual lakah ṭangpi an herh le, chakeibaknei a hûk mi leh vawm â sawk mi hâwi hen ṭihnung a kâi.

ISAI 10:14

Laikulh phun tla chu va bû hâwi cho an si, va ti tla lâk piak na mi hâwi hen an neih tla chu awldek hen ka lâk piak na. An thla hen khawm an hawng ka khâwng nawh lo; an kâ âng hen khawm an hawng ka râk nawh lo,” ti hen â khâwng.

ISAI 14:5

LALPA nih chun lâirêltu sual,

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

JEREMIA 25:9

‘Marlei mi minung tla zawzawng leh ka to-aw Babulon lalchem Nebukadnezar ka fial na awt. Juda leh a ram sungah mi tla leh a kiangkam ah mi phun zawzawng tla do ding hen ka hawngpi na awt. Hi phun tla leh a kiangkam ah mi tla ka râwk na lai le, sia dep hen ka mâk na lai le, ṭihnungkâi leh lâu khit ding hen a um lai. Kei, LALPA nih ka sim asi.

JEREMIA 48:17

A kiangkam ah umtu, a minthangnâk theihtu tla, chu phun tla chu lungfâkpi na u. A lâirêlnâk thiltikhonâk chu â râwk rawh; a rokualnâk leh a chaknâk khawm a um lo rawh,’ ti u.

JEREMIA 50:31

“Babulon mi tla, thungâi nanna zûm le, churuang chun, Kei, LALPA Zahkâi, Zeizawng tikho nih ka nan do asi! Ka nan rêp ding mi tik a tlung rawh.

LUNGFÂKNÂK 1:21

“Âukhawm thlangamhtu umlo hen; ka rûm mi hi ngâi. Ka lakah siatnâk na hawng tlungtir mi ruangah Ka mêlma tla chu anna lâwm. Thu na tiam mi ni hawng tlungtir le; Ka tuar mi hâwi hen ka mêlma tla tuartir na.

DANIAL 4:35

Tual tlûnah mi tla chu zeikhawm ah a ruat na lo le; vân ah mi vânmifial tla leh tual tlûnah mi tla chu amah thu thu hen an um. Amah dotu leh a thilti sâwi khotu âukhawm an um lo.

HABAKUK 1:17

An nâmsâu tla an mang kumza hen, phun tla chu khuaruatnâk nei lo hen an veih kumza na lai ma?

HABAKUK 2:5

Neihnâk hi bumtu asi. Mi hamkah tla anna zûm le, an um ziar kho lo. Thihnâk nih tâwk ti a nei lo mi hâwi asi. Churuangah asi, a phun phun hen mah rangah an neh mi chu.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.