LALPA nih, “Tual tlûnah siatnâk ka hawng tlungtir lai le, an sual ruangah mi sual tla zawzawng ka rêp na awt. Mi zûm tla chu ka nâutir lai le, zauhnawmh mang tla leh mi ṭhalo tla chu ka rêp na lai.
Philistia mi tla, an vuak na mi nan vuakfung chu a kiak rawh le, sikhawmsele, lâwm ding asi khawm nan theih loh. Rûl pakhat a thi le, a ruangrûl ah rûl ṭhalo dauh a hawng suak. Rûl tî chu dragon zuang kho mi ah a keuh.
LALPA nangnih lâwmnâk rokual tak na pêk na le; Lâwptlo hen na siam na. Mi tla an fângzûn liauah anna lâwm mi hâwi hen mawh râltuknâk ah an kal mi neih anna ṭhen liauah anna lâwm mi hâwi hen thil na ti mi lakah anna lâwm.
An dâr ah vuaknâk fung tla leh an ngâwng khimh rit tak tla na khiak piak na. A lânah Midian kawrsen tla na neh na mi hâwi hen na mi tla nehsawhtu leh naunehtu phun chu na neh rawh.
“Âukhawm thlangamhtu umlo hen; ka rûm mi hi ngâi. Ka lakah siatnâk na hawng tlungtir mi ruangah Ka mêlma tla chu anna lâwm. Thu na tiam mi ni hawng tlungtir le; Ka tuar mi hâwi hen ka mêlma tla tuartir na.
