ISAI 14:4 - Bawm Common Language Bible Version

⁴ Chu hâwi hen a ti tikah chun, Babulon lal chu an zauhnawmh lai rawh le: “Lalchem sual chu a tlû rawh! Âukhawm a nehsawh na lai lo rawh!

ISAI 14:4 ပူးပေါင်းရင်းမြစ်များ

2 CHRONICLES 36:18

Babulon lal nih Biakin ah mi sum-le-pâi, lal neih-le-siah, a rianṭuantu tla thilneih zawzawng chu Babulon leiah a put hep.

ISAI 13:1

Hi hi Babulon thu Amoz fapa Isai nih Pathian sin thawk hen a theih mi chu asi.

ISAI 13:19

Babulon chu lalram zawzawng lakah â dawh chem mi asi; a minung tla khawm anna zûm phah. Sikhawmsele Kei, LALPA nih Sodom leh Gomorah tlûnah ka ti mi hâwi hen Babulon chu ka nautir lai.

ISAI 14:17

Hi minung hi ma khuapi tla râwk hen ramkaro ah siamtu chu? Hi minung hi ma rêngtlâ mi suah duh lo hen in leiah tlungtir na lotu chu?’ an ti lai.

ISAI 14:5

LALPA nih chun lâirêltu sual,

ISAI 14:6

thinthawk tak hen mi tla nehsawhtu, a neh na mi phun tla nehsawh bâng duh lo mi thiltikhonâk chu a dawngtir rawh.

ISAI 16:4

Nan ram ah kan um lai. Thah ding hen hawng kan tumtu lakah mi hawng kan hum u,” an ti. (Nâunehnâk leh siatnâk chu a dawng lai le, ram râwktu khawm an kal lai rawh.

ISAI 21:2

Thil ṭhalo tak a hawng tlung ding mi langhnâk ka muh le, tleihnâk leh siat leh râwknâk ding mi asi. Elam kawrsen tla, do u! Media kawrsen tla, khuapi tla chu hual u! Babulon nih tuarnâk a tlungtir mi chu Pathian nih a dawnghnâk a siam awt rawh.

ISAI 47:5

LALPA nih Babulon sinah, “Mun king leh a mûinâk ah va to le; phun tla lalnu an ti lai lo rawh!

ISAI 49:26

An nehsawhtu tla chu anmah leh anmah ka thahtir na lai; mi thah duhnâk leh thinthawknâk thinlung an put lai. Churawhchun, minung zawzawng nih Kei LALPA kasi mi leh a nan humtu leh thawsuak tak hen a nan suahtu kasi ti an theih lai. Israel Pathian thiltikho tak kasi zia an theih lai rawh,” ti hen a sâng.

ISAI 51:13

LALPA a nan siamtu vân pharhtu leh tual lungphûm phûmtu na philh rawh na maw? A nan veih ding hen a timhtuah mi leh a nan nehsawhtu thinrunhnâk ṭih kumza hen zei rangah na um? An thinthawknâk nih a nan tawngh kumza kho lai lo.

ISAI 51:23

Nannih a nan nehsawh natu, khuadung ah a nan rilh phut na le nâwm hâwi hen nan tlûnah an lamh natu sinah ka pêk na awt rawh,” a ti.

ISAI 54:14

Diknâk leh repnâk nih a nan chaktir lai. Nehsawhnâk leh ningṭihnâk lakah mi chu na him lai rawh.

ISAI 9:4

An dâr ah vuaknâk fung tla leh an ngâwng khimh rit tak tla na khiak piak na. A lânah Midian kawrsen tla na neh na mi hâwi hen na mi tla nehsawhtu leh naunehtu phun chu na neh rawh.

JEREMIA 24:9

An tlûnah chubang hâwi rêpnâk chu ka tlungtir lai le, laikulh ah phun kip tla an lâu lai. Mi nih an nihsanh na lai le, an pangpi na lai le, an tluktlak na lai, ka rekrâwi na mi mun kip ah an min ah siatbarh mi an ti na lai.

JEREMIA 48:17

A kiangkam ah umtu, a minthangnâk theihtu tla, chu phun tla chu lungfâkpi na u. A lâirêlnâk thiltikhonâk chu â râwk rawh; a rokualnâk leh a chaknâk khawm a um lo rawh,’ ti u.

LUNGFÂKNÂK 4:1

Kan ngûn a tlêu mi tla khawm a nawh rawh; Biakin lung tla khawm zawllâi ah rek thu hen a um.

EZEKIEL 5:15

“Ka thinrunh leh ka rothawknâk hen ka nan rêp tik chun, nan kiangah phun zawzawng tla an lâu lai. An fih na lai le, an nihsanh na lai.

DANIAL 2:38

Tual tlûnah um mi zawzawng ramsa leh va tla tlûnah lâirêltu ah a nan siam. Nang chu ngûn lû chu na si.

HABAKUK 2:17

Lebanon tlângah mi thing mun chu na hâu le; nang khawm hâu hen na um lai. Chunah ramsa tla na thah le, tu chun ramsa tla nih an lâutir lai rawh. Mi tla na thah na ruangah leh laikulh minung tla leh an khuapi na râwk na ruangah chubang tla na tlûnah a hawng tlung lai.

THUPHUANG 17:6

Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.

THUPHUANG 18:16

‘’Khua rokual, puan mangṭhia leh puan senduk leh sen lâr aih hen, ngûn leh lungmantam leh âitikep lung hen â thuam mi chu a tlûn a pit!

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.