ISAI 14:2 - Bawm Common Language Bible Version

² Phun tam tak nih Israel mi tla LALPA nih a pêk na mi ram leiah kîr ding hen an ṭangpi na lai le, chunah chun phundang tla nih sal hâwi hen Israel tla chu an rian an ṭuan piak na lai. Israel rangah nehtu tla chu, Israel nih an neh rûl bâk lai rawh le, anmah nehsawhtu tlûnah Israel tla nih lâi an rêl bâk lai rawh.

ISAI 14:2 ပူးပေါင်းရင်းမြစ်များ

SAM 68:18

Tlûnlei a sângnâk ah a sal tleih tam tak put hen a kâi le, thilpêk tla chu mi hel tla thawk hen a tawng. LALPA chu chunah chun a um lai.

ISAI 18:7

LALPA Zeizawng tikho nih hi bang tiva tla nih a ṭhen mi ram, phun chak tak leh thiltikho tak, mi sâng leh taksa tlawr tla, laikulh pumpi nih an ṭih na mi thawk hen thil ap a tawng ding mi tik chu a tlung awt rawh. LALPA Zeizawng tikho sawnhnâk, Zion Tlângah an hawng lai.

ISAI 31:8

Asiria chu tuknâk lakah veih hen a um lai le, sikhawmsele minung thiltikhonâk hen asi lai lo. Asiria mi tla chu râltuknâk lakah mi chu an tek lai le, an tlangvâl tla chu sal ah siam an si lai.

ISAI 45:14

LALPA nih Israel sinah, “Aigupta leh Sudan neihnâk chu na tâ asi lai le, Seba ram ah mi sâng tla chu na sal an si lai; rêng khimh bû hen a nan zûl lai. Na sinah an hawng kûn lai le, ‘Pathian na sinah a um, Amah cho chu Pathian chu asi,’ ti hen thutluang an vâwr lai.

ISAI 49:22

LALPA zahkâi nih a mi tla sinah “Phun tla rangah theihtirnâk ka pêk na lai le, na fa tla chu in leiah an hawngpi na lai.

ISAI 49:23

Lalchem tla chu na rangah pa hâwi an si lai le; lalnu tla chu nu hâwi an si lai. Na mâika ah an hawng kûn hen a nan zah lai; thinlung nâu tak hen a nan zah zia an langh lai. Chu tikah kei LALPA kasi mi leh keimah ṭangpinâk ngâktu tla chu pakhat khawm lungdawng hen an um lai lo ti na theih lai,” a ti.

ISAI 49:25

LALPA nih, “Chubang tla chu a hawng um ding rêng asi. Kawrsen nih an tleih mi tla chu suh ving asi lai le misual tla nih thil an lâk mi tla chu tleih piak asi lai. Nangmah an dotu chu ka do lai le, na fa tla chu ka hum na lai.

ISAI 54:3

Na ramri tla na kauh lai le, tuah phundang tla nih an luah mi ram tla chu na mi tla nih anna ting nawlh lai. Khuapi kaltâk rawh mi chu minung hen an khat lai.

ISAI 60:14

Nangmah a nan nehsawhtu fapa tla an hawng lai le, An zah ti theihnâk ding hen na mâika ah an kûn lai. A nan zauhnawmhtu tla nih na kezaphah bul ah an mâimûk lai. ‘LALPA khuapi’ ‘Zion, Israel Pathian Thenhlimh khuapi’ a nan ti lai.

ISAI 60:4

Na kiangkam zei thil a hawng tlung zauh rawh; Na mi tla chu in leiah hawng tlung ding hen anna pûm liau, Lât tak thawk hen na fapa tla an hawng lai le; Na fanu tla chu ngâksia tla hâwi hen hawngpi an si lai.

ISAI 61:5

Ka mi tla, ramdang mi tla nih Nan nâwl an zulh na lai. Nan ranrual tla an zauhkhenh lai le, Nan ram tla lakah phâisen na tuah lai le, Nan grep tla an bulsan piak na lai.

ISAI 66:12

LALPA nih, “Sul-le-lam tluangnâk sâwt tak nan lakah ka hawng tlungtir lai le; tiva a kang dahlo mi hâwi hen phun tla neihnâk chu ka hawng luangtir lai. Ngâksia a nu nih a zauhkhenh le, a bân hen a pawm le, a dâwt mi hâwi nan si lai.

JEREMIA 30:16

Sikhawmsele, tuah a nan veih natu tla chu veih hen an um lai le, nan mêlma tla zawzawng chu sal ah put hen an um lai. A nan nehsawh natu zawzawng chu nehsawh hen an um lai le, a nan rûn natu chu rûn hen an um lai.

JEREMIA 49:2

Sikhawmsele Rabah khuapi mi tla chu râltuknâk hâu ka theihtir na lai le, râwk dep hen mâk hen a um lai le a khua tla duah hen a um ding mi tik chu a tlung rawh. Israel tla nih an ram lâktu lakah mi chu an suh nawlh na lai.

EZEKIEL 39:10

Râlthuam an mâk mi tih ding an nei ruangah phâisen ah tih ding thing an khawmh lai lo le, tumun ah mi thing khawm an hâu lai lo. Anmah râwktu leh rûntu tla chu an râwk hen an rûn bâk na lai,” a ti. LALPA Zahkâi nih a sim asi.

DANIAL 7:18

Chungnungchem Pathian mi tla nih lal thiltikhonâk anna ting kumza lai rawh,” a ti.

JOEL 3:8

Nan fapa leh nan fanu tla chu Juda mi tla sinah zuar hen ka umtir na awt; ram lât takah Sabe mi tla sinah an zuar na lai. Kei, LALPA nih ka sim mi asi.

LEVITICUS 25:44

Sal nan duh asi âwk leh nan kiangkam phun lakah mi châwk u.

OBADIAH 1:17

“Zion ah chun mi zeimaw mi an him lai le, tlâng thenhlimh asi lai. Ting dân asi hâwi hen Jakob mi tla nih anna ting lai.

ZEKARIA 2:13

LALPA chu a mun thenhlimh thawk hen a hawng awt ruangah mikip a mâika ah dâisip hen um u.

ZEKARIA 2:9

“LALPA amah tak chu nanmah dotu asi lai le, nan to-aw si rawh mi tla nih an rûn na lai,” a ti. Hi bang tla hi a hawng tlung tikah mikip nih LALPA Zeizawng tikho fial mi kasi ti an theih lai.

LUK 12:45

Sikhawmsele, chu to-aw nih chun a thinlung hen, ‘Ka pu tu ah a hawng tlung tuan lai loh,’ ti hen; to-awnu tla, to-awpa tla vuak sele, din leh ei hen rî sele,

ROM 15:27

Asi, lungâwi tak hen an ti asi, an lakah anna bat rêng asi, Phundang tla nih an thlarau lei thilti tla an bâwmpi na asi chun, laikulh lei thil hen anmah tla ṭangpi bâk rûl a herh rêng asi.

2 KORIN 10:5

êlnâk tla leh thil sâng kip Pathian theihnâk kham ding hen sâng tak a siam mi tla chu siat hen, ruatnâk kip Krist thu ngâinâk sal ah kan rui le;

GALATIA 5:13

Unau tla, sal silo ding hen kawh nan si; sikhawmsele, sal nan si lonâk chu taksa rangah dêngkhâwngnâk ah mang lah ule, zângfahnâk hen rian a ṭuan piak tawnh chiau u.

EPHESI 4:8

Pathian lasui thu nih, “Tlûnlei ah a kâi liau khan tleih tla tam tak a put na; minung tla sin khawm ah thilpêk tla a pêk na,” ti hen, a sim hâwi khan.

THUPHUANG 3:9

Ngâinik, Setan pumhnâk in tla lakah mi, Juda tak silo hen Juda anna ti mi tla chu ka hawng fial lai le, na kê bul ah kan mâimûktir lai le, âuzawng nih ka nan zângfah ti an theih lai rawh.