ISAI 14:1 - Bawm Common Language Bible Version

¹ LALPA nih a mi Israel tla lakah khua a ruat nawlh lai le, amah mi ah a thîm na lai. Anmah ram ah a umtir nawlh na lai le, ramdang mi tla khawm an hawng lai le, chunah chun an sinah an um lai.

ISAI 14:1 ပူးပေါင်းရင်းမြစ်များ

ESTHER 8:17

Lal thusuah a tlengnâk ram ṭhen kip ah Juda tla nih lâwmnâk puai an tuah le, thungâi an lâwptlo. Chu hâwi a hawng si ruangah mi tam tak anmah ṭih ruangah Juda phun ah anna siam.

SAM 102:13

Na thawk lai le, Zion chu na lungkham lai; amah khua na ruat tik a tlung rawh; hi hi a tik tak asi.

SAM 102:14

Na to-aw tla nih an dâwt, siat leh râwk hen um menza khawmsele; a lakah lungkhamnâk an nei, râwk hen um menza khawmsele.

SAM 143:12

Ka rangah dâwtnâk na nei ruangah, ka mêlma tla chu thah na le, na to-aw kasi ruangah hawng ka nehsawhtu zawng chu veih na.

SAM 98:3

A diknâk leh a dâwtnâk dawnglo hen Israel mi zapi le tla sinah a thutiam chu a kil thlir. Kan Pathian nehnâk chu munkip mi zawng nih an muh.

ISAI 19:18

Chu tik chun, Hebrai hawlh chu Aigupta khuapi panga ah mang asi lai. Chunah mi tla nih LALPA Zeizawng tikho min hen siat an tleih lai. Chu khuapi tla lakah pakhat chu “Nî khuapi” an ti lai.

ISAI 21:1

Hi hi Babulon thu ah thuchah asi. Thlihêl hâwi hen ramkaro chu a phiat le, siatnâk chu ram ningṭihkâi thawk hen a hawng lai.

ISAI 27:6

Ni a hawng tlung ding mi lakah Jakob thlâk Israel mi tla nih thing hâwi hen ram an thlâk lai le, a pâr a ên hen a kukulul a tuah lai. An rah suah nih tual a khattir lai.

ISAI 41:8

“Sikhawmsele, nannih Israel ka to-aw tla, ka hâwipa Abraham thlâk ka nan thîm na mi nan si.

ISAI 41:9

Tual dawnghnâk ah mi ka nan put na le, a ken ah a lât chemnâk ah mi ka nan kawh na le, nan sinah, ‘Nannih chu ka to-aw tla nan si,’ ka nan ti na. Ka nan nawng na lo, ka nan thîm na mi nan si.

ISAI 44:1

LALPA nih, “Ka to-aw, Israel, Jakob thlâk ka mi thîm tla, tuah ngâi u.

ISAI 45:14

LALPA nih Israel sinah, “Aigupta leh Sudan neihnâk chu na tâ asi lai le, Seba ram ah mi sâng tla chu na sal an si lai; rêng khimh bû hen a nan zûl lai. Na sinah an hawng kûn lai le, ‘Pathian na sinah a um, Amah cho chu Pathian chu asi,’ ti hen thutluang an vâwr lai.

ISAI 47:1

LALPA nih, “Babulon, na laltophah ah mi chu ṭum le, tual tlûnah valeidip lakah to rawh. Veikhat chu nungâk thenhlimh hâwi hen neh kho lo mi khuapi na si le, sikhawmsele na nêm hen na no kumza lai lo rawh! Tu chun sal na si rawh.

ISAI 49:10

an sungvâng hen an tî a hâl lai lo rawh. Nî sa leh ramkaro linhnâk nih nganfâk a pêk lai lo rawh, anmah dâwttu pakhat nih a rui na lai rawh. Tinungva leiah a kalpi na lai.

ISAI 49:13

Vân tla, la sak u! Tual, lâwm hen âu rawh! Tlâng tla chu la sak hen hâu suah na seh! LALPA nih a mi tla chu thla a ngamh na lai le; a mi tla nih nganfâk an tuar mi chu a siherh na lai.

ISAI 49:15

Churuangah LALPA nih a sâng le, “Nunau nih a fa a philh hen a pâwi mi fasêm dâwt lo hen a um mazei? Nunau nih a fasêm a philh menza khawmsele kei chu ka nan philh dah na awtlo.

ISAI 49:25

LALPA nih, “Chubang tla chu a hawng um ding rêng asi. Kawrsen nih an tleih mi tla chu suh ving asi lai le misual tla nih thil an lâk mi tla chu tleih piak asi lai. Nangmah an dotu chu ka do lai le, na fa tla chu ka hum na lai.

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

ISAI 54:3

Na ramri tla na kauh lai le, tuah phundang tla nih an luah mi ram tla chu na mi tla nih anna ting nawlh lai. Khuapi kaltâk rawh mi chu minung hen an khat lai.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

ISAI 56:3

Ramdang minung, LALPA mi tla sinah teltu tla nih chun, “LALPA nih a mi tla hen amah sawnh ding hawng ka siang lai lo ti lah na seh,” a ti. Mi tilkhei nih chun, fa tla a nei kho lo ruangah Pathian mi tla sinah mi kasi lai lo ti ruat lah seh.

ISAI 60:10

LALPA nih Jerusalem sinah, “Ramdang mi nih na kulh tla chu a siam lai le, An lal tla nih na nâwl an zulh lai. Ka thinthawk ruangah ka nan rêp le, Sikhawmsele tu lam chun ka nan sunhsaknâk leh Khua ka ruatnâk kan zauhtir lai.

ISAI 60:14

Nangmah a nan nehsawhtu fapa tla an hawng lai le, An zah ti theihnâk ding hen na mâika ah an kûn lai. A nan zauhnawmhtu tla nih na kezaphah bul ah an mâimûk lai. ‘LALPA khuapi’ ‘Zion, Israel Pathian Thenhlimh khuapi’ a nan ti lai.

ISAI 66:20

Chubang phun tla thawk hen nan ram mi minung tla ka rangah thilpêk hâwi hen an hawng kîrpi lai. Ka tlâng thenhlimh Jerusalem ah rang tlûnah leh sanatung tlûnah to hen sangâwngsâu tla leh rang kari leh chawpê kari tla hen Israel tla nih fâng thil ap Biakin ah a siahnâk thenhlimh ah an hawng put mi hâwi hen an hawng put na lai.

JEREMIA 16:15

Chu ngâk hen, Kei, Pathian nung, Israel mi tla marlei kâng ram ah mi suakpitu leh ram dang zawzawngah ka rekrâwitir na nâkah mi suakpitu keimah min hen thutiamnâk an nei lai. An thlâktu tla sinah ka pêk na mi ram, anmah ram ngelchel ah ka kîrtir na lai. Kei, LALPA nih ka sim asi,” a ti.

JEREMIA 29:14

Asi, nan ka tawng lai le, nan ram ah ka nan umtir nawlh na lai. Ka nan rekrâwitir na nâk ram leh munkip thawk hen ka nan pumh na lai le, sal ah kan kal tâktir na mi ram ah kan kîrpi nawlh na lai. Kei, LALPA nih ka sim asi,’ a ti.

JEREMIA 30:8

LALPA, Zeizawng tikho nih: “Chu ni a hawng tlung tik chun, an ngâwng ah mi liangbat chu ka khiak lai le, an rêngkhimh ka sût piak na lai le, ramdang mi sal an si lai lo rawh.

JEREMIA 31:4

Veikhat chu ka nan dirh nawlh na lai. Veikhat chu nan khuang tla put hen lâwm hen nan lâm nawlh lai.

JEREMIA 50:33

LALPA Zeizawng tikho nih, “Israel mi leh Juda mi chu nâuneh hen an um. Anmah tleihtu tla nih nâi tekah an vêng na le, an suaktir na lai loh.

JEREMIA 51:51

‘Ramdang mi tla nih Biakin ah mi mun thenhlimh chu an lâk rawh ruangah ningzak saih leh mualpho tak hen kan um le, kan kawng a dawng thlo rawh,’ nan ti.

EZEKIEL 16:60

Sikhawmsele, na ngâksia liauah na sinah thudântuk ka siam mi chu ka theihkumza lai le, thudântuk um kumza rawh ding mi na sinah ka siam awt.

EZEKIEL 47:22

chu chu nanna ting pawt ding mi asi rawh. Nan ṭhenh na tikah nan sinah ramdang mi minung nan sinah um mi fa tla rang khawm an vo nan siam piak na bâk ding asi. Israel mi tatak hâwi hen nan ti na bâk ding asi, ram lakah tingvo thîm tik khawm ah Israel phun hâwi hen tingvo thîmnâk an nei bâk ding asi.

ZEKARIA 1:17

Chu vânmifial nih thu sim ding mi hawng ka simh, “LALPA Zeizawng tikho nih khuapi chu sul-le-lam tluang tak hen a um nawlh lai le, Jerusalem khawm chu ṭangpi nawlh hen amah khuapi ah a ruat nawlh lai,” a ti.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

LUK 1:54

Kan thlâktu sinah a sim hâwi khan, Abraham leh a thlâk tla chu zungzâl hen khua a ruat ding zia theihkumzanâk ding hen, a to-aw Israel tla chu a ṭangpi rawh,” a ti.

LUK 2:32

Phundang tla sinah langhtirnâk chêu leh na mi Israel tla rokualnâk ding chu,” a ti.