ISAI 13:9 - Bawm Common Language Bible Version

⁹ LALPA thinthawknâk ṭihnungkâi tak leh a thinrunhnâk ni chu a nâi rawh. Tual chu ramkaro hâwi hen siam asi lai le, misual zawzawng chu veih an si lai.

ISAI 13:9 ပူးပေါင်းရင်းမြစ်များ

SAM 104:35

Tual ah mi misual tla chu veih hen um seh; mi ṭhalo chu um lah rawh seh. LALPA chu sawr u!

THUFING LASUIBU 2:22

Sikhawmsele, Pathian nih misual tla chu ram lakah mi a tleih lai le, tual ah belh a phâwi mi hâwi hen ram lakah mi chu a lâk ving na lai.

ISAI 13:6

Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

ISAI 2:12

Chu ni ah chun LALPA zeizawng tikho nih mikip thiltikho tla, mi puar tla, mi zûm tla a nâutir na lai.

ISAI 34:8

Hi hi LALPA nih Zion ruang a suahnâk leh a mêlma tla phû a lam ding mi tik chu asi.

ISAI 63:4

Ka mi le tla ruangsuah ding hen ka ruat mi tik chu a tlung rawh; an mêlma tla rêp tik asi rawh.

ISAI 66:17

LALPA nih, “Lunglotu tla sawnhnâk lakah anna thiangtir mi tla, dûm thenhlimh leiah kal hen vawksa eitu, châichîm sa leh tî-râwl fihnungkâi dang eitu tla dawnghnâk chu a nâi rawh.

ISAI 9:19

LALPA Zeizawng tikho chu a thinthawk ruangah, a rêpnâk nih chun ram pumpi mei hâwi hen a khangh le, mi zapi tla a veih na, mikip mah rang chiau asi.

EZEKIEL 13:5

Kulh a râwknâk tla khawm an zauhkhenh hen an remh lo, churuangah LALPA ni ah râltuknâk a hawng um khawm ah Israel chu anna vêng kho ding asi lo rawh.

EZEKIEL 30:3

LALPA nih thil a ti ding mi ni chu a nâi rawh, Phun tla rangah sûm zîngnâk ni leh lawksawngnâk asi.

JOEL 1:15

LALPA ni chu a nâi rawh, Zeizawng tikho nih siatnâk a hawng tlungtir ding mi ni chu: Chu ni ah thil a hawng tlung ding mi chu ṭihnung a kâi a!

JOEL 2:1

Pathian tlâng thenhlimh Zion ah tâwtawrâwt râlringnâk hâu suah u. Juda mi tla, thir u. LALPA ni a hawng tlung awt rawh.

JOEL 2:31

LALPA ni rokual ṭihnungkâi tak leh rokual tak tlung lânah nî chu a thim lai rawh le, thlâ chu thisen hâwi hen a sen lai. Sikhawmsele LALPA sinah ṭangpi deihtu tla chu an him lai.

NAHUM 1:2

LALPA Pathian nih heltu a sâithiam lo le, Amah dotu tla chu a rêp na, a thinthawknâk hen lehrûl a sam na.

NAHUM 1:6

A thinthawk tikah âu me him kho lai? A thinrunhnâk ṭihnungkâi lakah âu a âwl kho lai? A thinthawknâk meialh chu a thlêt le, lungpi tla a mâika ah valeidip hâwi hen an nek dip.

NAHUM 1:8

Tîlian rokual tak a luang mi hâwi hen a mêlma tla chu a veih phin na le; amah dotu tla chu an thihnâk leiah a kaltir na.

ZEPHANIAH 1:15

Chu ni chu thinthawknâk ni, lawksawngnâk leh hamhnâk, siatnâk leh râwknâk ni, mûinâk leh thimnâk ni, vândâwm thim pang ni,

ZEKARIA 14:1

Lâirêlnâk ah LALPA a to ding ni a nâi rawh. Jerusalem chu râwk hen a um lai le, an thil lâk tla chu ṭhenh zâr hen a um lai.

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

THUPHUANG 18:8

Churuangah ni khat lakah amah rêpnâk chu a hawng tlung lai le, amah lâirêl piaktu, Lalpa Pathian chu a rokual ruangah, anih chu râi tla, ngaihsiatnâk leh pâm nih a tlunh lai le,