ISAI 13:6 - Bawm Common Language Bible Version

⁶ Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

ISAI 13:6 ပူးပေါင်းရင်းမြစ်များ

JOB LASUIBU 31:23

Pathian rêpnâk ka ṭih ruangah chu hâwi thil chu ka ti dahlo.

ISAI 10:25

Tam sâwt lo hen kan rêp na mi â lîm chun anmah ka veih na awt.

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 13:9

LALPA thinthawknâk ṭihnungkâi tak leh a thinrunhnâk ni chu a nâi rawh. Tual chu ramkaro hâwi hen siam asi lai le, misual zawzawng chu veih an si lai.

ISAI 14:23

Babulon chu nêngthû ah ka siam lai le, chunah chun sûmbuh tla an um lai. Zeizawng phiat pengnâk munphiah hen Babulon chu ka phiat awt. Kei, LALPA Zeizawng tikhotu nih ka sim asi,” a ti.

ISAI 14:31

Nannih Philistia khuapi zawzawng tla, ṭangpi ngiar hen âu u! Ningṭih tak hen nan ektê hen um u! Marlei thawk hen valeidip khû a hawng, an sinâk chiauah kawrsen râlṭha an si.

ISAI 2:12

Chu ni ah chun LALPA zeizawng tikho nih mikip thiltikho tla, mi puar tla, mi zûm tla a nâutir na lai.

ISAI 23:1

Hi hi Tura thu ah thuchah asi. Nang tisumsumriat ah lawng khalhtupa, ngaihsia hen âu rawh! Na dînnâk lawng mun Tura chu râwk asi rawh; a in leh a lawng dinhnâk khawm râwk asi rawh. Kupra thawk hen na lawng a hawng kîr liauah thâwng na theih rawh.

ISAI 34:2

LALPA chu phun zawzawng leh an kawrsen zawzawng lakah a thin a run. Siat leh râwk ding hen a mawhtir na.

ISAI 34:8

Hi hi LALPA nih Zion ruang a suahnâk leh a mêlma tla phû a lam ding mi tik chu asi.

ISAI 47:11

Siatnâk na lakah a hawng tlung lai le, na dâwithiamnâk nih a kham kho lai lo. Mawhsareh hen na lakah siatnâk a hawng tlung lai le, chu siatnâk chu na dawn dahlo mi asi!

ISAI 52:5

Tuah Babulon ah chu hâwitê hen thil a hawng um, sal nan si mi lakah a man zeikhawm pêk asi lo. Nan tlûnah lâirêltu tla chu anna zûm hen anna khâwng le, thungâi hen ka tlûnah an ka zauhnawmh zia an langh.

ISAI 61:2

LALPA nih a mi tla ruang a suah na ding mi leh Mêlma tla a neh piak ding mi tik a tlung rawh Ti sim ding hen hawng ka fial. Mi ngaihsia tla sinah thlangamh ding hen hawng ka fial.

ISAI 63:4

Ka mi le tla ruangsuah ding hen ka ruat mi tik chu a tlung rawh; an mêlma tla rêp tik asi rawh.

ISAI 65:14

Annih chu lâwm ruangah la an sak lai le, sikhawmsele nannih chu thinlung fâk tak hen nan ṭap lai.

JEREMIA 25:34

Nannih ruitu tla, ṭap u, nannih ka mi vêngtu tla, hâu fâk hen ṭap u! Ulh ule, valei lakah rîl u. Nanmah an thah na ding mi tik a tlung rawh, dawrâ chal tla hâwi hen thah nan si lai.

JEREMIA 49:3

Hesbon mi tla, ṭap u! Ai khua chu râwk hen a um rawh! Rabah ah mi nunau tla, lungfâk tak hen um u! Salâpuan a aih ule, ulh u. Nawk ruangah tek u. Nan pathian Milkom chu a lal leh a bâwlpu tla hen sal ah kalpi hen an um lai.

JEREMIA 51:8

Babulon chu a tlû sâwm le, a vei rawh! Lungfâkpi u! Turpang hâwl piak u, a dam kekkawk lai mawh.

EZEKIEL 13:5

Kulh a râwknâk tla khawm an zauhkhenh hen an remh lo, churuangah LALPA ni ah râltuknâk a hawng um khawm ah Israel chu anna vêng kho ding asi lo rawh.

EZEKIEL 21:12

Thikho mi minung, lawksawng hen âu; hi nâmsâu hi ka mi tla leh Israel ruitu zawzawng thahnâk ding asi. Ka mi tla zawzawng hen thah hep an si lai. Thinlung dawng tak hen na thinmakâ chumh.

DANIAL 5:26

A umzia chu hi hi asi: Mene, Mene,(Number) Pathian nih na lalnâk ni tla a rêl le, a dawngtir rawh;

DANIAL 5:9

A lawksawng tuk ah lal Belsazar chu a dâng dadauh, a milian tla khawm nih a ti zia an theih lo.

JOEL 1:11

Nannih phâisen tuahtu tla, ngaihsia tak hen um u. Nannih grep dûm zauhtu tla, wheat leh barley tla, thlâi zawzawng â râwk ver ruangah ṭap u.

JOEL 1:13

Nannih bâwlpu, mâichâm rianṭuantu tla, salâpuan a aih ule, ṭap u. Nan Pathian sinah ap ding hen fâng leh uain a um lo rawh.

JOEL 1:15

LALPA ni chu a nâi rawh, Zeizawng tikho nih siatnâk a hawng tlungtir ding mi ni chu: Chu ni ah thil a hawng tlung ding mi chu ṭihnung a kâi a!

JOEL 1:5

Nannih zurî tla leh uain rî tla, meng ule, ṭap hen âu u; uain thar suahtu ding grep chu a râwk rawh.

JOEL 2:1

Pathian tlâng thenhlimh Zion ah tâwtawrâwt râlringnâk hâu suah u. Juda mi tla, thir u. LALPA ni a hawng tlung awt rawh.

JOEL 2:11

LALPA nih a kawrsen tla chu khuarît hâu hâwi hen thu a pêk na. Chu kawrsen ê-aw ngâitu tla chu an tam hen thungâi an chak. LALPA ni chu ṭihnung a kâi a! Âu me âwl kho lai!

JOEL 2:31

LALPA ni rokual ṭihnungkâi tak leh rokual tak tlung lânah nî chu a thim lai rawh le, thlâ chu thisen hâwi hen a sen lai. Sikhawmsele LALPA sinah ṭangpi deihtu tla chu an him lai.

AMOS 5:18

LALPA ni mawhlahtu tla rangah ṭihnung a kâi awt chiam e! Chu ni chu nan rangah zei a ṭhatnâk a um awt? Nan rangah chu ni chu chêu ni silo hen mûinâk ni asi lai.

ZEPHANIAH 1:14

LALPA ni rokual chu a nâi thlo rawh, a tlung tuan lai! Chu ni chu ni hamhkâi tak asi lai le, kawrsen râlṭha chem tla men lungdawng tuk ruangah an ṭap lai!

ZEPHANIAH 1:7

LALPA ni, Pathian nih thil a ti ding mi ni chu a nâi rawh; churuangah a mâika ah dâisip hen um u. Bâwlnâk ah mang mi hâwi hen a mi tla chu LALPA nih thah ding hen a timhtuah.

ZEKARIA 14:1

Lâirêlnâk ah LALPA a to ding ni a nâi rawh. Jerusalem chu râwk hen a um lai le, an thil lâk tla chu ṭhenh zâr hen a um lai.

MALAKI 4:5

Sikhawmsele LALPA ni ṭihnungkâi leh rokual tak a hawng tlung lânah nan sinah khuavâng Elija ka hawng fial lai.

JEM 5:1

Chun, tuah nannih mi nei tla, ngâi u! Nan tlûnah hamhnâk a hawng tlung ding mi ruangah chun ṭap ule, râk chiam u!

THUPHUANG 18:10

a rêpnâk ṭih ruangah lât takah an dîr mi tla nih chun, “Babulon khua rokual tak chu ṭihnung a kâi hen a tlûn a pit! Dârkar khat lak ko ah hi Babulon khua rokual tlûnah hin rêpnâk a hawng tlung ngâk chu!” an ti.