ISAI 13:4 - Bawm Common Language Bible Version

⁴ Tlângah mi zapi minung rokual tak âu hâu, phun tla leh lalram tla anna pûm mi hâu chu ngâi u. Kawrsen tla, LALPA chu râltuk ding hen a kawrsen rual a timhtuah liau asi.

ISAI 13:4 ပူးပေါင်းရင်းမြစ်များ

ISAI 17:12

Phun thiltikhonâk tla chu tipi rihâu hâwi hen leh tî tlingtlawk fâk tak mi hâwi hen hâu an suah lai.

ISAI 48:14

“Nan ektê hen a pûm ule, ngâi u! Zei pathian khawm nih Babulon do ding hen ka thîm mi minung chu an simkan kho lo; Ti tir ding hen ka duh mi chu a ti lai.

ISAI 5:26

Lât tak a um mi phun tla chu kawh ding hen LALPA nih theihtirnâk a pêk. Tual dawnghnâk ah mi tla hawng ding hen sûrsîk hen a kawh na. Chun hinah chak tak leh rang tak hen an hawng!

ISAI 5:30

Chu ni a hawng tlung tik chun, Israel tlûnah tipi rihâu hâwi hen hâu an suah lai. Hi ram hi zauhnik! Mûinâk leh hamhnâk! Chêu chu mûi nih a dawlh hep.

JEREMIA 21:4

“Zedekiah, Babulon lal leh a kawrsen tla dotu na kawrsen chu keimah nih ka neh awt. Na kawrsen tla râlthuam chu khuapi lâi ah ka pawng lai.

JEREMIA 25:14

Babulon mi tla chu thil a ti mi lehrûl ka sam lai le, phun zawzawng tla leh lal rokual tla nih sal ah an mang na lai,’ ” a ti.

JOEL 2:25

Khâubawk rual tla nih nan thlâi an ei le, an veih mi tla ka nan pêk nawlh na lai. Nan lakah kawrsen hawng tlungtirtu chu keimah kasi.

JOEL 3:14

A sang sang hen Lâirêlnâk (Jehoshaphat) Vakuam ah an um. Chunah chun LALPA ni a hawng tlung tuannâk ding mi asi rawh.

THUPHUANG 18:8

Churuangah ni khat lakah amah rêpnâk chu a hawng tlung lai le, amah lâirêl piaktu, Lalpa Pathian chu a rokual ruangah, anih chu râi tla, ngaihsiatnâk leh pâm nih a tlunh lai le,