ISAI 13:21 - Bawm Common Language Bible Version

²¹ Ramsa umnâk ramkaro mun asi lai le, sûmbuh bû khuarnâk asi lai. Chunah chun tivarak ngâwngsâu a um lai le, sazâ tla chu â râwk mi mun ah an pang lai.

ISAI 13:21 ပူးပေါင်းရင်းမြစ်များ

ISAI 14:23

Babulon chu nêngthû ah ka siam lai le, chunah chun sûmbuh tla an um lai. Zeizawng phiat pengnâk munphiah hen Babulon chu ka phiat awt. Kei, LALPA Zeizawng tikhotu nih ka sim asi,” a ti.

ISAI 23:13

(Tura khua tlûnah ramsa chêltirtu chu Asiria mi tla an si lo le, Babulon mi tla an si. Insâng tla hual hen Tura khua kulh tla siat hen khuapi râwk deptu chu Babulon mi tla an si.)

ISAI 25:2

Khuapi tla chu râwk dep hen na tuah le, an kulh tla khawm na râwk ver. Kan mêlma tla nih lal in an sak mi chu a vei pawt rawh.

ISAI 32:14

Lal in tla chu kaltâk hen a um lai le, khuapi chu an roh thlo lai. In tla leh kulh vêng hen a um mi tla chu â râwk pawt lai rawh. Ram sanatung tla chunah chun an tlawng lai le, dawrâ rual nih chunah chun râwl tlatnâk an tawng lai.

JEREMIA 50:39

“Churuangah Babulon chu khuri leh thlarau sual tla leh va thianglo tla nih an luah lai. Chunah chun minung an um lai lo rawh le, tik a hawng um ding mi lak khawm ah an um lai lo rawh.

MIKAH 1:8

Churawhchun, Mikah nih, “Hi bang ruangah hin ka lung a fâk hen ka ngaih a sia. Ka ngaihsia mi langhnâk ding hen kê karo leh takkaro hen ka kal awt. Kâwlui hâwi hen ka âu lai le, vachâ hâwi hen ka lung a fâk lai.

ZEPHANIAH 2:14

Ranrual tla, ran tla, ramsa chi kip an bawk lai. Chu râwknâk mun ah chun sûmbuh tla an um lai le, langawtkawt lakah an âwn lai. Kawtkâ kâinâk bak ah langâk tla an âwn lai. Sidar thing hen sak mi in tla chu râwk dep hen a um lai.

THUPHUANG 18:2

Vânmifial nih chun hâu fâk tak hen, “Babulon khua rokual tak, khuri tla, thlarau nâwmtâm tla, nâwmtâm kip leh vâ nâwmtâm tla umnâk chu a tlû rawh;