ISAI 13:2 - Bawm Common Language Bible Version

² Tlâng karo tlûnah râltuknâk puanzâr thlâi hen a um! Kawrsen tla sinah chun khuapi zûm kulh kawtkâ do ding hen theihtirnâk ding ah nan bân zangh u, ti hen auh na u.

ISAI 13:2 ပူးပေါင်းရင်းမြစ်များ

SAM 60:4

Mawhnâk lakah mi an suak khonâk ding hen a nan ṭihtu tla chu râlringnâk na pêk na.

ISAI 10:32

Mêlma tla chu tusûn ah Nob khuapi ah an um le, Zion Tlângah Jerusalem khuapi ah an kuttum an lirh rawh.

ISAI 11:12

LALPA nih phun tla theihtirnâk ding puanzâr, Juda leh Israel anna rekrâwi mi tla, tual kil li thawk hen a pumh nawlh na awt ti theihnâk a thlâi awt.

ISAI 11:15

LALPA nih Suez Likâwlneng chu a kangtir lai le, Eufretis tiva kangtir ding hen thli lum a lêngtir lai le, mi âuzawng nih tan kho ding hen tivatê pasarih cho a siah lai.

ISAI 18:3

Tual tlûnah um mi zawzawng, ngâi u! Tlâng sâng tak tlûnah puanzâr thlâi ding mi chu zauh u! Tâwtawrâwt tum hâu ngâi u!

ISAI 19:16

Aigupta mi tla chu nunau hâwi hen an zer tik ni ding a hawng tlung awt rawh. LALPA Zeizawng tikho nih anmah rêp ding hen a kut a lirh mi an muh tik chun lâu hen an thir lai.

ISAI 31:9

An ram lal lianchem chu ningṭih hen a tek lai le, an hotu tla chu an lâu tuk ruangah an râltuk puanzâr tla an tektâk lai,” a ti. Chu chu LALPA Jerusalem ah an sawnh mi leh chunah bâwlnâk ah a mei alh kumza mi nih a sim mi asi.

ISAI 5:26

Lât tak a um mi phun tla chu kawh ding hen LALPA nih theihtirnâk a pêk. Tual dawnghnâk ah mi tla hawng ding hen sûrsîk hen a kawh na. Chun hinah chak tak leh rang tak hen an hawng!

JEREMIA 50:2

“Phun tla chu thâwngthâng simh na u! Phuang u! Singsiahnâk pêk ule, thâwngthâng phuang u! A thuptê hen kil ko lah u! Babulon chu a tlû rawh! A pathian Marduk khawm râwk dep asi rawh! Babulon milem chu ningzak saih asi le, a milem fihnungkâi tla khawm â râwk rawh.

JEREMIA 50:41

“Mârlei thawk hen ram lât takah mi phun chak tak tla an hawng; lalchem tam tak râltuk ding anna tîm.

JEREMIA 51:12

Dotu lakah hotu tla nih, “Nan chanhtiang thalzûm tla tât u! Nan phaw tla lâk zet u! Babulon kulh do ding hen theihtirnâk pêk u. Vêngtu chu chaktir u! Râlvêngtu tla siah u! Bawhtu tla siam u!” a ti. LALPA nih Babulon mi tla lakah ti ding a tum mi chu a ti rawh.

JEREMIA 51:25

Babulon mi tla, nang chu laikulh pumpi veihtu tlâng sâng tak hâwi na si le, sikhawmsele, Kei, LALPA chu na mêlma kasi. Ka nan tleih lai le, tual hen rual zat hen ka nan siam lai le, vachâm lakah ka nan siah awt.

JEREMIA 51:58

Babulon kulh bir tak tla chu tual ah lawnh hen a um lai le, a insâng kawtkâ tla chu duah hen a um lai. Phun tla rianṭuan zawzawng chu a thâwttham asi lai le, anna ṭangnâk chu meialh ah a vei rawh. Kei, LALPA Zeizawng tikho nih ka sim asi,” a ti.