ISAI 13:19 - Bawm Common Language Bible Version

¹⁹ Babulon chu lalram zawzawng lakah â dawh chem mi asi; a minung tla khawm anna zûm phah. Sikhawmsele Kei, LALPA nih Sodom leh Gomorah tlûnah ka ti mi hâwi hen Babulon chu ka nautir lai.

ISAI 13:19 ပူးပေါင်းရင်းမြစ်များ

GENESIS 19:24

Lâkkhatko ah LALPA nih Sodom leh Gomorah khuapi tlûnah chun kât alh a sûrtir le, tivakuam tla,

GENESIS 19:25

chunah minung zawzawng tla, chu ram ah thil a kho mi zawzawng a veih hep na.

ISAI 13:1

Hi hi Babulon thu Amoz fapa Isai nih Pathian sin thawk hen a theih mi chu asi.

ISAI 21:9

Mawhsareh hen hinah rang tlûnah chuan hen minung panih vima hen an hawng. Râl vêngtu nih, “Babulon chu a tlû rawh! Milem an sawnh mi zawzawng tla chu tual ah an tlû ver rawh,” ti hen thâwng a hawng thanh.

ISAI 47:5

LALPA nih Babulon sinah, “Mun king leh a mûinâk ah va to le; phun tla lalnu an ti lai lo rawh!

ISAI 48:14

“Nan ektê hen a pûm ule, ngâi u! Zei pathian khawm nih Babulon do ding hen ka thîm mi minung chu an simkan kho lo; Ti tir ding hen ka duh mi chu a ti lai.

JEREMIA 25:12

Chu nûnah Babulon mi leh an lalchem chu an sualnâk ruangah ka rêp na awt. Chu ram chu ka râwk lai le, sia dep hen ka kaltâk lai rawh.

JEREMIA 49:18

Sodom leh Gomorah kiangkam a mi khuapi â râwk liauah thil an lakah a hawng tlung mi hâwi hen Edom tlûnah a hawng tlung lai. Chunah chun âukhawm an um lai lo rawh. Kei, LALPA nih ka sim asi.

JEREMIA 50:40

Sodom leh Gomorah leh a kiangkam ah khuapi tla ka râwk na liau mi hâwitê hen Babulon lakah a hawng tlung lai. Âukhawm chunah chun an um nawlh lai lo rawh. Kei, LALPA nih ka sim asi.

JEREMIA 51:26

Siat leh râwk hen na umnâk lakah mi lung rerêng chu in saknâk ding ah mang nawlh asi lai lo rawh. Ramkaro hâwi na si kumza lai. Kei, LALPA nih ka sim asi.

JEREMIA 51:29

Babulon ram chu âukhawm umlo ding hen LALPA nih a karo hen siam a tum ruangah tual chu â nîn hen a thir rawh.

JEREMIA 51:41

LALPA nih Babulon thu a sim le: “Laikulh pumpi nih an sim ên mi khuapi chu lâk asi rawh. Phun tla rangah Babulon chu muh ding ṭihnung a kâi chiam e!

JEREMIA 51:62

Churawhchun, ‘LALPA, hi mun hi, minung leh ran khawm umlo rawh hen ramkaro hen ka umtir lai le, chunah chun thilnung rerêng a um lai lo, ti hen na sim,’ ti hen thlacham rawh.

DANIAL 4:30

“Babulon hi a rokual châwk a! Ka thiltikhonâk leh ka chaknâk, ka rokualnâk leh ka lalnâk a langnâk ding hen ka khuapi rangah ka siam mi asi,” a ti.

AMOS 4:11

“Nan lakah mi zeimaw mi chu Sodom leh Gomorah mi hâwitê hen ka veih na. Nan lakah a thibang tla chu ṭhianṭhunh mei nih a khangh mi lakah thuak mi hâwi nan si. Chu khawm ah ka sinah nan hawng kîr lo nget rih,” LALPA nih a ti.

ZEPHANIAH 2:9

Kei, Israel Pathian nung tak kasi ruangah Moab leh Amon chu Sodom leh Gomorah hâwi hen ka veih na awt ti ka tiam asi. Chitê khur ah â chang lai le, belh nih khuh dep hen a râwk kumza lai rawh. Ka mi a thibang tla nih an ram chu rûn hen an lâk piak na lai.

ROM 9:29

Isai ber nih, “Thiltikho Lalpa nih chun chi thlâktu hawng kan zuah piak lah sele chu Sodom khua hâwi hen kan um lai rawh, Gomorah khua hâwi hen siam hen kan um lai rawh,” ti hen a simkan hâwi khan.

DEUTERONOMY 29:23

Phâisen tla chu a karo hen a um lai le, kât leh chitê nih a tuam lai; zeikhawm chîng asi lai lo le, belh tiang a kho lai lo. Nan khuapi tla chu Sodom leh Gomorah, Admah leh Zeboim a thinthawk fâk liauah LALPA nih a râwk mi hâwi asi lai.

THUPHUANG 18:11

Tual ah sawlehtu tla thil chu âukhawm nih an châwk piak na lo ruangah amah chu ngaihsia tak hen an ṭappi rawh:

THUPHUANG 18:19

Chun, an lû ah valeidip an phulh le, ngaihsia tak a ṭap bû hen, “Khuapi rokual tak chu a tlûn a pit! A neihnâk ruangah minei si mi tla leh tisumsumriat ah lawng neitu tla chu dârkar khat lak ko ah a tlâu rawh hi,” an ti.