ISAI 13:16 - Bawm Common Language Bible Version

¹⁶ Âukhawm ṭangpitu um lo liauah, an fasêm tla chu thi thlo an vuak na lai le, an in tla an rawk lai le, an nupi tla an tleihrêm na lai,” a ti.

ISAI 13:16 ပူးပေါင်းရင်းမြစ်များ

ISAI 13:18

An chanhtiang leh thalzum hen tlangvâl tla an thah na lai. An fasêm tla lakah khua an ruat lai lo le, ngâksia tla lak khawm ah pawi tinâk an nei lai lo.

ISAI 14:21

Thahnâk chu a dawmh rawh seh! Hi lalchem fapa tla hi an thlâktu tla sual ruangah an thi lai. An lakah pakhat khawm lâi an rêl hen, khuapi an tuah lai lo rawh,” a ti.

ISAI 47:9

Sikhawmsele ni khat kar ko ah hi bang thil tla hi a hawng tlung vevê awt. Na dâwithiamnâk zawzawng mang khawm le, na pasal leh na fa tla chu na thlâu ding nget.

JEREMIA 51:22

mipa leh nunau tla thah na ding hen, tar leh ngâksia tla thah na ding hen, mipa ngâksia leh nunau ngâksia thah na ding hen,

LUNGFÂKNÂK 5:11

Kan nupi tla chu Zion tlângah tleihrêm hen an um le, Juda khua kip ah kan fanu tla chu an zângsual na.

HOSEA 10:14

Lal Salman um liauah Betharbel khuapi râltuknâk ah a râwk dep le, nu leh an fa tla a thah ver na liau mi hâwi asi lai.

NAHUM 3:10

Sikhawmsele Thebes mi tla chu sal ah put hen an um, khua lâi ah a ker kip ah an fa tla chu thah hen an um, anmah ruitu chu rêngkhimh bû hen an kalpi na le, tleihtu murui sinah an ṭhenh zâr na.

ZEKARIA 14:2

Jerusalem do ding hen phun zawzawng LALPA nih a pumh na lai. Khuapi chu lâk hen a um lai le, in tla an rawk lai le, nunau tla an tleihrêm na lai. Mi khingkhuai chu sal ah put hen an um lai le, a dang lam chu khuapi mi kalpi an si lai lo.