ISAI 13:14 - Bawm Common Language Bible Version

¹⁴ “Ramdang minung Babulon ah um mi tla chu an ram leiah an tek lai le, sa kahtu lakah mi sazuk a tek hâwi hen leh dawrâ rual vêngtu nei lo mi hâwi an si lai.

ISAI 13:14 ပူးပေါင်းရင်းမြစ်များ

1 Lal 22:17

Mikaiah nih a sâng le, “Israel kawrsen tla chu dawrâ a vêngtu umlo hen anna rek phin mi hâwi hen ka muh. LALPA nih, “Hi minung tla hi ruitu an nei lo rawh, in leiah thlangamtê hen tlungtir na u,” a ti.

1 Lal 22:36

Nî tlâk sârah chun Israel kawrsen tla sinah thupêk a tlung: “Mikip mah ram leh khua ah tlung na seh,” ti hen.

ISAI 17:13

Phun tla chu tîlian a tlung mi hâwi hen an hawng le, sikhawmsele Pathian nih nun a simh na le, dunglei an kîr le, pangdâr mi valeidip leh fapawn thli nih a ranh mi hâwi an si.

ISAI 21:15

Chu tla chu riamnâm lakah thah ding mi tla, chanhtiang hen kah ding mi tla, râltuknâk ṭihnungkâi mun thawk hen tek mi tla an si.

ISAI 47:15

Na san lakah chu vial chu mifing thu an simhtu tla nih na rangah thil ṭha an ti mi chu asi lai. A nan mâk thlap lai le, anmah duhnâk chiauah an kal lai le, nangmah humtu pakhat khawm an um lai lo,” a ti.

JEREMIA 25:12

Chu nûnah Babulon mi leh an lalchem chu an sualnâk ruangah ka rêp na awt. Chu ram chu ka râwk lai le, sia dep hen ka kaltâk lai rawh.

JEREMIA 50:16

Chu ram ah chun thlâi chî tuh hen um lah seh, fâng khawm ât hen um lah seh. Ramdang minung chunah um mi tla khawm kawrsen râltuk ṭih ruangah an in leiah an kîr ver lai,” a ti.

JEREMIA 51:9

Chunah ramdang minung um mi tla nih, ‘Babulon mi tla chu ṭangpi kan tum le, sikhawmsele a tlâi tuk rawh. Churuangah tuah kan mâk thlap lai le, in leiah kan kîr lai. Pathian nih Babulon mi tla chu a chaknâk zawzawng hen a rêp le a veih rawh,’ ” a ti.

NAHUM 3:18

Asiria lal, na lâirêltu tla chu an thi le, na milian tla chu an it pawt rawh! Na mi tla chu tlângah anna rek le, in leiah hawng tlungpi natu ding âukhawm an um lo.

MATHAI 9:36

Chuvachun, mi zapi tla chu a muh le, vêngtu nei lo dawrâ tla hâwi hen hamh leh rek phun hen an um ruangah thungâi a siherh na.

MARK 6:34

Chun, Jisu chu vakap ah a suak le, mi zapi cherkhet a muh na le, vêngtu nei lo dawrâ tla hâwi an si ruangah thungâi a zângfah na le, thu tam tak a sîntir na rawh.

1 PETER 2:25

Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.