ISAI 13:13 - Bawm Common Language Bible Version

¹³ Kei, LALPA Zeizawng tikho nih ka thinthawknâk ka langh ni ah chun, vân ka thirtir lai le, tual chu a um mun ah mi chu ṭhial rê ka ninh lai.

ISAI 13:13 ပူးပေါင်းရင်းမြစ်များ

JOB LASUIBU 9:6

Pathian nih lî a nîntir le, tual tla â nîn; tual dirhkalhtu ding ah lungpi tla a siah.

SAM 18:7

Pathian a thinrun ruangah tual chu a thir le, â nîn; tlâng tla chu â vâm le, â ṭhen.

SAM 88:16

Na thinthawknâk fâk tak nih hawng ka râwk dep, na ka donâk ṭihnungkâi nih a ka râwk dep.

ISAI 2:19

LALPA chu tual ninh ding hen a hawng kal tikah chun a thiltikhonâk leh a rokualnâk leh a thinthawknâk lakah mi ruangsuak ding hen, mi tla chu tlângah mi lungpûk ah leh khur an chawh mi sungah anna thup lai.

ISAI 21:1

Hi hi Babulon thu ah thuchah asi. Thlihêl hâwi hen ramkaro chu a phiat le, siatnâk chu ram ningṭihkâi thawk hen a hawng lai.

ISAI 23:11

LALPA nih tipi tlûnah a bân a phar le, lalram tla chu a neh rawh. Sawlehnâk munpi chem Phoinikia râwk ding hen thu a pêk rawh.

ISAI 24:1

LALPA nih tual a râwk lai le, a karo hen a siah awt. Tual chu a rual tel lai le, mi tla a rek phin na lai.

ISAI 24:18

Ṭihnungkâi lakah mi suak tumtu chu khur lakah a tlâ lai le, khur thawk hen suak mi chu thang nih a awh na lai. Ruah tukpi vân thawk hen tî tla hâwi hen a hawng sûr lai le, tual ram â nin lai.

ISAI 24:19

Tual chu a kuai hen a mân hen a kak lai.

ISAI 34:4

Nî, thlâ leh ârfi tla valeidip hâwi hen an mân dip lai. Vân chu lasuibuzual mi hâwi hen vei ving hen zual asi lai, ârfi tla chu grep leh theipi nah an tlawng mi hâwi hen an tlâ lai.

ISAI 47:1

LALPA nih, “Babulon, na laltophah ah mi chu ṭum le, tual tlûnah valeidip lakah to rawh. Veikhat chu nungâk thenhlimh hâwi hen neh kho lo mi khuapi na si le, sikhawmsele na nêm hen na no kumza lai lo rawh! Tu chun sal na si rawh.

ISAI 51:6

Vânlei zauh le tual zauh! Vân chu meikhû hâwi hen a vei ving lai le tual chu puan li hâwi hen a ṭet lai. A minung tla chu thovâi hâwi hen an thi lai. Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu a dawnghnâk asi lai.

ISAI 9:19

LALPA Zeizawng tikho chu a thinthawk ruangah, a rêpnâk nih chun ram pumpi mei hâwi hen a khangh le, mi zapi tla a veih na, mikip mah rang chiau asi.

JEREMIA 51:1

LALPA nih, “Babulon leh a mi tla lakah siatnâk thli ka tlungtir.

LUNGFÂKNÂK 1:12

Amah paltu sin kip ah, “Hawng ka zauhnik u!” ti hen a ṭap. Ka nganfâk LALPA nih a thinthawk liauah ka tlûnah A tlungtir mi hâwi hi âukhawm nih an tuar dahlo.

JOEL 3:16

LALPA nih Zion thawk hen hâu a suah le, Jerusalem thawk hen khuarît hâwi hen hâu a suah le, tual leh vân a thir. Sikhawmsele a mi tla lam chu a vêng na lai.

MATHAI 24:29

“Sikhawmsele, chubang hamhnâk ni tla nûntê ah, ‘Nî mûitir hen a um lai, thlâ a chêu lai lo rawh le, vân thawk hen ârfi tla an tlâ lai le, vân thiltikhonâk tla chu ninh asi lai.

MATHAI 24:35

Tual leh vân a vei lai le, ka thu lam chu a vei lai lo.

2 PETER 3:10

Sikhawmsele, Lalpa Ni chu mifîr hâwi hen a hawng tlung lai. Chu ni tla chun vân tla chu rihâu fâk tak hen a tlâu lai le, veih asi lai; tual leh a sungah mi tla chu a kâng lai.

THUPHUANG 20:11

Chun, laltophah lianpi vâr tak leh a tlûnah a to mi ka muh le, a mâika mi tual leh vân an tek ving le, muh kho an si lo rawh.