ISAI 13:11 - Bawm Common Language Bible Version

¹¹ LALPA nih, “Tual tlûnah siatnâk ka hawng tlungtir lai le, an sual ruangah mi sual tla zawzawng ka rêp na awt. Mi zûm tla chu ka nâutir lai le, zauhnawmh mang tla leh mi ṭhalo tla chu ka rêp na lai.

ISAI 13:11 ပူးပေါင်းရင်းမြစ်များ

JOB LASUIBU 40:12

Asi, zauh na le, niam dep hen siam na le, misual tla chu an dîrnâk mun ah veih na.

THUFING LASUIBU 11:31

Mi ṭha chu hi tual tlûn khawm ah lâwmman pêk hen a um le, misual leh mi ṭhalo chu rêp hen an um ding na theih chia an si.

THUFING LASUIBU 8:13

LALPA zah ding hen chun sual hua ding asi; mi â zûm mi leh a sung-û tir mi chu ka hua, sual leikâng leh âwkrâwl thu khawm ka hua.

ISAI 11:4

mipâm tla chu ṭha tak hen lâi a rêl piak lai le, ṭangpitu nei lo tla diknâk chu a ṭanh lai. A thupêk hen mi zapi rêp an si lai le, misual tla chu an thi lai.

ISAI 14:21

Thahnâk chu a dawmh rawh seh! Hi lalchem fapa tla hi an thlâktu tla sual ruangah an thi lai. An lakah pakhat khawm lâi an rêl hen, khuapi an tuah lai lo rawh,” a ti.

ISAI 14:5

LALPA nih chun lâirêltu sual,

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 2:12

Chu ni ah chun LALPA zeizawng tikho nih mikip thiltikho tla, mi puar tla, mi zûm tla a nâutir na lai.

ISAI 2:17

Minung khâwngnâk tla chu a dawng lai le, minung zumhnâk tla chu veih asi lai rawh. Milem tla chu veih phin asi lai le, LALPA amah cho chu, chu ni ah chungnungtir hen a um lai.

ISAI 22:14

LALPA zahkâi Zeizawng tikho amah ngelchel nih ka sinah, “Hi misual tla hi an dam kar vial chu ngaihdam an si rêng lai lo. Kei, LALPA zahkâi, Zeizawng tikho nih ka sim asi,” a ti.

ISAI 23:9

LALPA Zeizawng tikho nih a ruat mi asi. An thilti lakah anna zûm mi dawnghtir ding leh an mi zahkâi tla nâutir a tum mi asi.

ISAI 24:21

LALPA nih tlûnlei mi thiltikhonâk leh tual tlûnah lâirêltu tla a rêp na ding mi tik a tlung awt rawh.

ISAI 25:3

Phun thiltikho tak tla nih nang chu an sawr lai le; phun sual tla khuapi mi nih a nan ṭih lai.

ISAI 25:5

Sikhawmsele, LALPA, nangnih kan mêlma tla na dâisiptir na le, misual an âu mi tla khawm sûm nih nî sensâ a kîktir mi hâwi hen na bângtir dep na.

ISAI 26:21

LALPA chu vân ah a umnâk thawk hen tual ah mi tla an sual ruangah rêp ding hen a hawng kal. A thuptê hen tual tlûnah mi thahtu tla khawm a puang lai le, thah hen a um rawh mi tla khawm tual nih a thuh lai lo rawh.

ISAI 29:20

Midang tla nehsawhtu leh Pathian rangah zauhnawmhtu tla dawnghnâk asi lai rawh. Misual zawzawng veih an si lai rawh.

ISAI 29:5

Jerusalem, ramdang minung a nan dotu tla chu valeidip sêm phin mi hâwi an si lai le, an kawrsen ṭihnungkâi tla chu fapawn hâwi hen an zuang phin lai.

ISAI 3:11

Sikhawmsele misual chu siat leh râwk hen an um le; midang tlûnah thil an ti mi tla chu anmah tlûnah ti hen a um lai.

ISAI 5:15

Mikip ningzak hen an um lai le, â zûm mi zawzawng tla khawm an nâu lai rawh.

ISAI 65:7

sikhawmsele anmah leh an thlâktu tla sual man ka pêk na awt. Lunglotu tla mi thenhlimh thlân tlângah rimthâw tla an duah le, an ka sâwi. Churuangah a lânah an thilti lakah a dêng tâwk hâwi hen ka rêp na awt,” a ti.

JEREMIA 48:29

Moab chu mi zûm tak asi! Â zûm dân tla, mi zauhnawmh a mang dân tla leh mi rangah a siarlo zia tla, anmah chu zei tipi anna ruat mi tla ka theih.

DANIAL 4:34

Lal nih, “Kum sarih a hawng vei rawh chun, vân lei ka zauh le, ka thinlung ah theihnâk a hawng kîr nawlh. Pathian rokual chu ka sawr le, zungzâl um kumza mi sinah zahnâk leh rokualnâk ka pêk. “Anih nih lâi a rêl kumza lai le, a lalram chu zeiliau zawng ah a um kumza lai.

HABAKUK 2:4

Thuchah lam chu hi hi asi: ‘Misual rerêng chu zuah an si lai lo, sikhawmsele mirep lam chu Pathian lakah zumh an kâi ruangah an nung lai, ti hi,” a ti.