ISAI 12:4 - Bawm Common Language Bible Version

⁴ Mi zapi tla la sak ding mi ni a hawng tlung awt rawh, “LALPA sinah lâwmthu sim ule! A nan ṭangpi na ding hen kawh u! A thilti chu phun tla zawzawng simh ule, a rokual zia khawm simh na u!

ISAI 12:4 ပူးပေါင်းရင်းမြစ်များ

1 CHRONICLES 16:8

LALPA sinah lâwmthu sim ule, a rokualnâk chu phuang u; a thilti chu phun tla simh na u.

1 CHRONICLES 29:11

Nang chu na rokual hen thil na tikho, na rokual hen na chêu hen na lal. Tual leh vân ah mi thil zeizawng na tâ asi, nang chu lal zeizawng tlûnah lâirêltu sâng chem na si.

NEHEMIAH 9:5

Hi bang Levi tla rang hin Pathian sawnh ding hen an kawh na: Jeshua, Kadmiel, Bani, Hasabneiah, Serebiah, Hodiah, Sebaniah leh Pethahiah tla hi. Annih nih chun, “Dîr ule, LALPA nan Pathian sawr u; zungzâl zungzâl hen sawr u! Mikip nih a min rokual sawr na seh, minung sawrnâk ko chu tâwk lah menza khawmsele,” an ti.

SAM 105:1

LALPA sinah lâwmthu sim ule, a rokualnâk phuang u; a thilti chu phun tla simh na u.

SAM 107:22

A sinah bâwlnâk leh lâwmnâk la sak hen leh a thilti zawzawng ruangah a sinah lâwmthu an sim ding asi.

SAM 113:5

LALPA kan Pathian hâwi hi pakhat khawm an um lo, tlûnlei ving ah a um.

SAM 148:13

LALPA min chu âuzawng nih sawr seh! Midang zawzawng ngâk hen a min chu a rokual le, a rokualnâk chu tual leh vân tlûnlei ah a um.

SAM 18:46

LALPA chu a nung! Hawng ka vêngtu chu sawr u! Ruang hawng ka suahtu Pathian rokualnâk chu phuang u!

SAM 21:13

LALPA, na chaknâk rokual ruangah kan nan sawr.

SAM 22:31

An suak lo rih mi tla khawm simh an si lai; “LALPA nih a mi tla ruang a suah!” ti hen.

SAM 34:3

LALPA rokualnâk chu ka sinah phuang ule; a min kan sawr rual lai!

SAM 40:5

LALPA, kan Pathian kan rangah thil tam tak na ti, nang hâwi chu âukhawm an um lo! Kan rangah thilchê tam tak na siam, an tamtuk ruangah ka sim châwklo!

SAM 46:10

“Nanna tuknâk bâng ule, Pathian kasi mi hi theih u, laikulh leh phun zawzawng lâirêltu kasi ti theih u,” a ti.

SAM 57:5

Pathian, vân ah khin na rokual zia leh tual tlûnah na rokual zia zawzawng langhtir.

SAM 68:5

Biakin thenhlimh ah um mi Pathian nih chun, mi ngâkṭah leh numei tla a zauhkhenh na.

SAM 73:28

Kei lam chu, na kiangah um hi thungâi chê ka ti le, LALPA, Chungnungchem zauhkhenhnâk ting ding leh a thilti phuang ding hen.

SAM 9:11

Zion ah lâirêltu LALPA chu sawr hen la sak u! A thilti tla chu phun kip sinah sim u!

SAM 96:3

Mi zawzawng sinah a chaknâk thilti chu phun tla sinah a rokual zia phuang u.

SAM 97:9

LALPA, Zeizawng tikho, nang chu tual zawzawngah Lâirêltu na si; pathian zawzawng ngâk hen na lian ving.

EXODUS 15:2

LALPA chu hawng ka vêngtu chak tak asi; amah chu ruang hawng ka suahtu asi. Amah chu ka Pathian asi, ka sawr lai; ka pa Pathian asi, rokualnâk la ka sak lai.

EXODUS 33:19

LALPA nih a sâng le, “Ka rokualnâk nan mâika ah ka langh lai le, ka min thenhlimh khawm na sinah ka phuang lai. Kei LALPA kasi, ka thîm mi tla tlûnah zângfahnâk leh siherhnâk suahtu kasi.

ISAI 12:1

Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 2:17

Minung khâwngnâk tla chu a dawng lai le, minung zumhnâk tla chu veih asi lai rawh. Milem tla chu veih phin asi lai le, LALPA amah cho chu, chu ni ah chungnungtir hen a um lai.

ISAI 24:15

Chun, saklei mi nih amah chu an sawr lai. Tipi dungah um mi tla nih LALPA Israel Pathian chu an sawr lai.

ISAI 25:1

LALPA, nang chu ka Pathian na si; ka nan zah hen na min ka sawr lai. Thilchê tla na ti le; a lân thawk hen na thiltum chu zumhkâi tak hen na ti vima.

ISAI 26:8

Na duhzia hâwi hen kan um le, nangmah lakah kan lungum; kan duh mi zawzawng chu nangmah na si.

ISAI 33:5

LALPA chu a rokual a! Thil zeizawng tlûnah lâi a rêl. Jerusalem chu diknâk leh rangtlingnâk hen a khattir lai le,

ISAI 42:12

Ram lât tak ah um mi tla nih LALPA sinah sawrnâk leh rokualnâk pêk na seh.

ISAI 48:20

Suak u, Babulon ah mi hawng suak u! Thâwngthâng lâwm tak hen âupi ule; mun kip ah theihtir u: “LALPA nih a to-aw Israel chu a hum rawh,” ti hen.

ISAI 66:19

kei hi anmah rêptu kasi mi an theih lai rawh. “Sikhawmsele a zeimaw mi chu ka zuah na lai le, phun tla leh ram lât tak tla ah ka min thang zia theihlotu tla leh ka rokualnâk leh ka thiltikho zia muhlotu tla: Spain, Libia, leh Lidia, a chanhtiang kah thiam tla hen, Tubal leh Greek ram ah ka fial na lai. Hi bang phun tla nâwngah hin ka rokual zia thu an phuang lai.

JEREMIA 50:2

“Phun tla chu thâwngthâng simh na u! Phuang u! Singsiahnâk pêk ule, thâwngthâng phuang u! A thuptê hen kil ko lah u! Babulon chu a tlû rawh! A pathian Marduk khawm râwk dep asi rawh! Babulon milem chu ningzak saih asi le, a milem fihnungkâi tla khawm â râwk rawh.

MALAKI 1:11

Laikulh khatlei dawmh thawk hen a dawng tiang khawm nih an hawng ka zah. Mun kip ah rimthâw tla an duah le, ka sinah bâwlnâk pawmtlâk an hawng ap, chu zawng nih chun an hawng ka zah asi!

JOHAN 17:26

Chun, an sinah na min ka theihtir le, ka theihtir vima lai; nangnih kei na ka dâwtnâk kha anmah lakah a um, kei khawm anmah lakah ka um khonâk ding hen,” a ti.