ISAI 12:2 - Bawm Common Language Bible Version

² Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 12:2 ပူးပေါင်းရင်းမြစ်များ

2 SAMUEL 7:24

Israel mi tla chu na mi si kumza ding hen na siam na le, nang, LALPA chu an Pathian na si.

JOB LASUIBU 13:16

Misual tla nih Pathian lei hawi ngam lah khawmsele, ka râlṭhatnâk ruangah ka âwl lai dahmawh.

SAM 112:8

A dî hen a ningṭih lo; a mêlma tla neh hen an um ding mi chu a theih ko.

SAM 118:14

LALPA nih thiltikho tak leh chak tak hen hawng ka siam le, ruang hawng ka suah.

SAM 118:21

LALPA, ka thu na ka ngâi piak ruangah leh nehnâk na ka pêk ruangah ka nan sawr.

SAM 27:1

LALPA chu ka chêu leh ruangsuahnâk asi. âukhawm ka ṭih lai loh. LALPA nih chun ṭihnungkâi lakah mi a ka hum le; ka ṭih rêng lai loh.

SAM 65:6

Na chaknâk hen tlâng tla chu a mun ah na siah na le, na thilti rokual zia na langhtir.

SAM 68:20

Kan Pathian chu ruangsuahtu Pathian asi; amah chu LALPA, thihnâk ah mi hawng kan humtu kan LALPA a si.

SAM 68:21

Pathian nih a mêlma sualnâk leikâng ti vimatu tla lû chu a khuai piak na lai.

SAM 83:18

Nangmah cho chu LALPA leh tual ah lâirêltu lian na si ti an theihnâk ding hen.

EXODUS 15:2

LALPA chu hawng ka vêngtu chak tak asi; amah chu ruang hawng ka suahtu asi. Amah chu ka Pathian asi, ka sawr lai; ka pa Pathian asi, rokualnâk la ka sak lai.

ISAI 10:24

LALPA zahkâi Zeizawng tikho rokual tak nih Zion ah um mi, a mi le tla sinah thu a sim le, “Aigupta mi tla nih an ti na mi hâwi hen an nehsawh na khawmsele Asiria mi tla chu ṭih na lah u.

ISAI 17:10

Israel, lungpi a bir mi hâwi hen a nan humtu leh ruang a nan suahtu Pathian chu na philh rawh. Ramdang pathian sawnhnâk ding hen dûm thenhlimh lehlam na siam dauh.

ISAI 27:5

Sikhawmsele ka mi tla mêlma tla nih ka kilkâwi na mi an duh chun ka lakah remnâk siam na seh. Asi, keimah hen remnâk siam hen um na seh,” a ti.

ISAI 32:2

An ektê hen thli lakah dawrnâk leh thlipi lakah thupnâk mun an si chiau lai. Ramkaro ah tinungva tla a luang mi hâwi leh ram lâwng ah lungpi lian tak thlaliah hâwi an si lai.

ISAI 33:22

Chubang meilawng tla lakah ri rêngnâk tung chu zeikhawm asi lai lo; a zawhtu tla khawm nih puanzâr an pharh kho lai lo! Mêlma kawrsen neihnâk zawzawng chu kan tleih lai le, a tam dân chu mi khêng tla men nih tingvo an nei kho lai. LALPA amah tak chu kan lalchem asi lai le; kan tlûnah lâi a rêl lai le, hawng kan hum lai,

ISAI 38:20

LALPA, na ka damh rawh. Ṭingṭang tum hen nangmah sawrnâk la kan sak lai. Kan dam kar zawzawng na Biakin ah sawrnâk la kan sak lai.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

ISAI 49:5

Ka suak lânah LALPA nih hawng ka ruat ving rawh; a mi tla kîrpi na ding hen a to-aw ah hawng ka siam le, Israel mi rekrâwi tla kîrpi na ding hen. LALPA nih zahkâinâk hawng ka pêk; anih chu ka chaknâk bulpi asi.

ISAI 50:10

Nannih LALPA zahtu tla leh a to-aw thu zûltu tla nan kalnâk lampi chu mûi khawmsele LALPA chu zumh ule, nan Pathian lakah a ngauh u.

ISAI 51:12

LALPA nih, “Kei hi a nan chaktir natu chu kasi. Belh tluk khawm a dam sâwt lo ding mi thi kho mi minung rangah zei rangah na ṭih awt?

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

ISAI 62:11

LALPA nih laikulh pumpi ah thu a sim mi chu Phun tla nih theih kho ding hen: “LALPA chu ruang a nan suah na ding hen a hawng le, Ruang a suah na mi tla a hawngpi na mi Jerusalem mi tla chu simh na u,” ti hen.

ISAI 65:18

Ka thilsiam lakah a lâwm ule, lâwptlo u. Jerusalem ka siam mi chu lâwmnâk hen a khat lai le, a mi tla khawm anna lâwm lai.

ISAI 7:14

Churuangah Lalpa amah tak nih singsiahnâk a nan pêk lai: Nungâk Thenhlimh a râi mi nih fapa a ring lai le, a min ah ‘Immanuel’ sak asi lai

JEREMIA 23:6

Lalchem asi tikah Juda mi tla chu him tak hen an um lai le, Israel mi tla chu thlangam tak hen an um lai. Anih chu ‘LALPA kan Ruangsuahnâk’ mawh ‘Lalpa kan repnak’ ti asi lai.

JEREMIA 3:23

Tlâng tlûnah lunglo pathian kan sawnh mi nih hawng kan ṭangpi lo thlo. Israel rangah ṭangpinâk chu LALPA thawk hen cho a hawng kal.

DANIAL 3:28

Lal nih, “Sadrak, Mesak leh Abednego Pathian chu sawr hen um seh. Hi minung tla amah lungtu hum ding hen a vânmifial a hawng fial, ka thupêk khawm an ngâilo le, anmah Pathian lo chu zei pathian khawm an mâimûk lo ruangah an nungnâk chu ruangsuah hen an um.

HOSEA 1:7

Sikhawmsele Juda mi tla rangah ka dâwtnâk ka langh lai. Kei, LALPA, an Pathian nih ka hum na lai le, râltuknâk nâmsâu mawh chanhtiang leh thalzum, mawh rang tla leh a tlûnah chuan mi hen mawh an lakah ka tlungtir lai lo,” a ti.

JOEL 2:23

“Zion mi tla, a lâwm u, LALPA, nan Pathian nih nan rangah thil a ti mi ruangah a lâwrn u. Fângzûn liauah ruah tam tâwk ual hen an pêk na le, busik liau ruah khawm nan rangah a sûrtir hen tifûr tlâk tîr khawm a lân hâwi asi rawh.

JONA 2:9

Sikhawmsele kei chu nangmah sawr hen la ka sak lai le, bâwlnâk na sinah ka pêk lai le, ka thutiam chu ka ti lai. Ruangsuahnâk chu LALPA thawk hen a hawng!” a ti.

HABAKUK 3:18

dawrâ rual tla thi hep hen, ran siahnâk lâwng tleng khawmsele, ka lâwm hen lâwptlo tak hen ka um kumza lai.

ROM 1:16

Thâwngthâng Ṭha ah zumhnâk rangtling ka nei: âuzawng a lungtu zawng rangah ruangsuah ding hen Pathian thiltikhonâk asi, a tîrah Juda tla rangah asi le, chun Phundang tla rangah khawm asi.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

THUPHUANG 7:10

Chun, chubang tla nih chun, “Kan Pathian laltophah ah a to mi leh Dawrâ Fa thawk hen kan ruangsuahnâk a hawng tlung rawh,” ti hen fâk tak hen an âu.

1 SAMUEL 2:1

Hanah nih thla a cham: “LALPA nih ka thinlung lâwmnâk hen a khattir, thil a ti ruangah thungâi ka lâwm! Ka mêlma tla chu ka nihsanh na; LALPA nih hawng ka ṭangpi ruangah thungâi ka lâwm!