ISAI 12:1 - Bawm Common Language Bible Version

¹ Mi zapi tla la sak ding mi ni a hawng tlung awt rawh. “LALPA ka lakah na thin a run le, Sikhawmsele, tu lam chun na thinthawk lo rawh le, thla na ka ngamh ruangah ka nan sawr lai.

ISAI 12:1 ပူးပေါင်းရင်းမြစ်များ

NEHEMIAH 8:10

Tuah in leiah lâwi ule; puai lam ei u. A nei lo mi sinah a tâwk ding hen nan buh leh uain kha a ṭhen u. Tusûn hi kan LALPA lakah ni thenhlimh asi le, nan ngaihsia ding asi loh. LALPA nih lâwmnâk a nan pêk na mi nih a nan chaktir na lai,” an ti na.

JOB LASUIBU 11:16

Chu tikah na thinlung ah nawknâk chu a chuai lai le, tîlian a luang mi hâwi hen theih asi lai lo rawh.

JOB LASUIBU 13:16

Misual tla nih Pathian lei hawi ngam lah khawmsele, ka râlṭhatnâk ruangah ka âwl lai dahmawh.

SAM 30:5

A thinrunhnâk chu sâwtlotê kar asi le, a ṭhatnâk chu damkar zawng rang asi. Zân ah chun mitthli luang khawmsele, zînglei ah chun lâwmnâk a hawng tlung.

SAM 71:21

A lân ngâk hen lian dauh hen na ka siam lai le; thla na ka ngamh lai.

SAM 85:4

Pathian kan ruangsuahtu, hawng kan kîrtir nawlh le, kan lakah na lungsilonâk chu bângtir!

SAM 86:17

LALPA, na ṭhatnâk fiang tak hen hawng ka muhtir le; hawng ka huatu tla nih thlangamnâk leh ṭangpinâk na ka pêk mi an muh tikah an ningzak lai.

SAM 9:1

LALPA, ka thinlung zawzawng hen ka nan sawr lai le, thilchê na ti mi zawzawng tla chu ka sim lai.

ISAI 10:25

Tam sâwt lo hen kan rêp na mi â lîm chun anmah ka veih na awt.

ISAI 10:4

Râltuknâk ah nan thi lai le, rêngtlâ hâwi hen a nan kalpi na lai. Sikhawmsele LALPA thinthawknâk chu a reh dah lai loh, rêp ding hen a bân a zangh nget lai rih.

ISAI 11:16

Asiria ram thawk hen lam lian Israel mi thibang tla rangah a hawng um lai, Aigupta an kaltâk liauah an thlâktu tla rangah a um mi hâwi hen.

ISAI 14:3

LALPA nih chun Israel mi tla chu an nganfâk leh tuarnâk leh zângran ko hen rian fâk tak an ṭuantir na nâk lakah mi chu a âwltir na lai rawh.

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 25:1

LALPA, nang chu ka Pathian na si; ka nan zah hen na min ka sawr lai. Thilchê tla na ti le; a lân thawk hen na thiltum chu zumhkâi tak hen na ti vima.

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 26:1

Juda ram ah mi zapi tla nih hi la hi an sak ni ding a tlung awt rawh: Kan khuapi chu a bir! Pathian amah tak nih kulh chu a vêng!

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 49:13

Vân tla, la sak u! Tual, lâwm hen âu rawh! Tlâng tla chu la sak hen hâu suah na seh! LALPA nih a mi tla chu thla a ngamh na lai le; a mi tla nih nganfâk an tuar mi chu a siherh na lai.

ISAI 51:3

“Jerusalem leh â râwk mi lakah um mi zawzawng tla sinah sunhsaknâk ka langh lai. A ram chu a karo hen um menza khawmsele Eden ah dûm ka tuah mi hâwi hen dûm ah ka tuah awt. Lâwmnâk leh lâwptlonâk chunah chun a um lai le sawrnâk la an sak lai le, ka sinah lâwmthu an sim lai.

ISAI 54:7

“Sâwtlotê kar chu ka nan mâk le; dâwtnâk fâk tak hen ka nan lâk nawlh lai.

ISAI 54:8

Sâwtlotê cho ka thinthawk ruangah ka nan hertâk le, sikhawmsele ka nan dâwtnâk ka nan muhtir kumza lai rawh,” a ti. Churuangah LALPA a nan humtu nih a sim asi.

ISAI 54:9

“Noa um liau khawm ah tual tlûnah buanso tlungtir lo rawh ding hen thu ka tiamh. Tu khawm ah na lakah thinrun lo rawh ding hen thu ka tiam; nunsimh hen ka nan rêp lai lo rawh.

ISAI 60:10

LALPA nih Jerusalem sinah, “Ramdang mi nih na kulh tla chu a siam lai le, An lal tla nih na nâwl an zulh lai. Ka thinthawk ruangah ka nan rêp le, Sikhawmsele tu lam chun ka nan sunhsaknâk leh Khua ka ruatnâk kan zauhtir lai.

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

ISAI 64:5

Thil dik ti hen lâwmnâk hâwltu leh nangmah duh dân hen um ding theihkumzatu tla chu na lawmh na. Kan lakah na thinthawk le, sikhawmsele kan sual vima rih; a lân thawk hen na thinthawknâk fâk tak na suah khawm ah thil diklo kan ti nget rih.

ISAI 65:18

Ka thilsiam lakah a lâwm ule, lâwptlo u. Jerusalem ka siam mi chu lâwmnâk hen a khat lai le, a mi tla khawm anna lâwm lai.

ISAI 66:13

Nu nih a fa thla a ngamh mi hâwi hen Jerusalem ah thla kan ngamh na lai.

JEREMIA 30:19

Chunah mi zapi um mi nih chun, sawrnâk la an sak lai le; lâwm hen an âu lai. Ka malsâwmnâk hen ka pungtir na lai le, ka malsâwmnâk hen zahkâi tak hen ka siam na lai.

JEREMIA 31:13

Churawhchun, nungâk tla chu lâwm hen an lâm lai le, upa, ngâksia leh tar anna lâwm lai. Annih tla chu thla ka ngamh na lai le, an ngaihsiatnâk chu lâwmnâk ah ka changtir lai le, an thinlung fâknâk chu lâwmnâk ah ka changtir lai.

HOSEA 11:8

“Israel, zeitin kan mâk kho na lai? Zeitin hen kan kaltâk kho na lai? Admah ka râwk mi hâwi hen kan râwk na hen Zeboim ka ti mi hâwi hen kan tikho na lai ma? hâwi ti ding hen ka thinlung ah a um lo. Ka nan dâwt na nâk a fâk tuktarâi:

HOSEA 6:1

Mi tla nih, “LALPA sinah kan kîr lai, nganfâk hawng kan pêk khawmsele hawng kan damh ngelchel lai, hawng kan liamh khawmsele hawng kan tuam piak lai lo mazei?

ZEKARIA 1:16

Churuangah khuapi lakah ka khuaruatnâk langh ding hen Jerusalem ah ka kîr nawlh, ka Biakin khawm sak nawlh hen a um lai le, khuapi khawm dirh nawlh hen a um lai,” a ti.

ZEKARIA 14:20

Rang kêng tlûn tonâk lak tiang ah, “LALPA SINAH PÊK MI” ti thu â rîn lai. LALPA Biakin ah suangnâk bêl chu mâichâm kiangah mi mâihûm hâwi a thenhlimh lai.

ZEKARIA 14:9

Churawhchun, LALPA chu tual pumpi tlûnah lal asi lai le, mikip nih amah chu an sawnh lai le, a min an theih dân â bang rang lai.

ZEKARIA 8:11

Sikhawmsele tu chun hi phun lakah thibang tla chu dang ving hen ka siam na rawh.

ZEKARIA 8:19

“Thla linâk, thla nganâk, thla sarihnâk leh thla rânâk ah buh ngeinâk chu Juda mi tla rangah lâwmnâk puai leh lâwptlonâk puai a hawng si lai. Thudik leh lungngamnâk nan duh ding asi,” a ti.

ROM 11:15

Lawmh lo an si liau men ah laikulh chu Pathian hen hâwi tla ah siam hen an um chun anmah tla lawmhnawlhnâk ding chu thihnâk ah mi nung nawlhnâk lo chu zei me si lai?