ISAI 11:4 - Bawm Common Language Bible Version

⁴ mipâm tla chu ṭha tak hen lâi a rêl piak lai le, ṭangpitu nei lo tla diknâk chu a ṭanh lai. A thupêk hen mi zapi rêp an si lai le, misual tla chu an thi lai.

ISAI 11:4 ပူးပေါင်းရင်းမြစ်များ

2 SAMUEL 8:15

David nih Israel tla tlûnah lâi a rêl le, rep tak leh ṭha tak hen a mi tla a zauhkhenh kumza na.

JOB LASUIBU 15:30

Mûi lakah mi chu a suak lai loh. Thing a ṭeng tla mei nih a khangh mi leh thingnah tla thli nih a ranh ving mi hâwi asi.

JOB LASUIBU 4:9

Pathian nih a thinthawknâk thlipi hâwi mi hen a veih na.

SAM 110:2

Zion thawk hen na lal thiltikhonâk chu a kauh lai, na mêlma tlûnah lâi rêl rawh,” a ti.

SAM 18:8

A nârkua thawk hen meikhû a suah. A kâ thawk hen khanghnâk mei leh meiṭil a suah.

SAM 2:9

Thîr ṭhianṭhunh hen na mântir na lai le, tualbêl hâwi hen na nektir na lai.

SAM 76:10

Minung tla thinthawknâk chu nangmah sawr tawngnâk cho asi.

ISAI 1:17

Asi, thilsual ti bâng ule, thildik ti a sîn u. Diknâk ti hen um mi tla chu zauh ule, nehsawh hen um mi chu ṭangpi na u, mi ngâkṭah tla ṭanh ule, numei tla hum na u,” a ti.

ISAI 13:11

LALPA nih, “Tual tlûnah siatnâk ka hawng tlungtir lai le, an sual ruangah mi sual tla zawzawng ka rêp na awt. Mi zûm tla chu ka nâutir lai le, zauhnawmh mang tla leh mi ṭhalo tla chu ka rêp na lai.

ISAI 14:30

LALPA chu a mipâm tak tla rangah dawrâpu asi lai le, him tak hen a umtir na lai. Sikhawmsele, nannih Philistia mi tlûnah pâm fâk tak a hawng tlungtir lai le, pakhat khawm dam hen an mâk na lai loh.

ISAI 16:5

Churawhchun, David thlâk lakah mi lal ah a um lai le, mi zapi lakah dâwtnâk leh zumhkâinâk hen lâi a rêl lai. Thil dik chu a ti sawm lai le, repnâk hen thilti asi mi tla chu a zauh lai.)

ISAI 2:4

Phun rokual tak lakah remlonâk thu ah lâi a rêl lai. An nâmsâu tla chu phâisen ah an dêng lai le, an fei tla chu phâisen nâwnnâk thîr zum rangah an dêng lai. Phun tla chu râltuk ding hen an kal lai lo rawh, râltuk ding khawm timhtuahnâk an nei lai lo rawh.

ISAI 26:6

Nehsawh hen an um mi tla chu tu chun a tlûnah an kal rawh le, an kê hen an lamhbêk.

ISAI 29:19

Mipâm leh mi nâutâ tla chu LALPA Israel Pathian thenhlimh nih lâwmnâk a pêk na mi an tawng nawlh lai.

ISAI 3:14

LALPA nih a mi le tla lakah upa leh ruitu tla chu lâirêl piak na ding hen a put na. Hi phiarnâk hi a siam: “Mi grep dûm tla nan va rawk le, mipâm thil nan lâk mi hen nan in tla nan khattir.

ISAI 30:28

A mâilei ah thli a fial le, tîlian nih thil a fenh hep mi hâwi asi. Siatnâk ah phun tla chu a phiat dep na le, thilsual an tum mi chu a dawnghtir.

ISAI 30:31

Asiria tla nih LALPA hâu an theih rawh chun an lâu lai le, a rêpnâk fâk tak an theih lai rawh.

ISAI 30:33

A lân thawk hen Asiria lal lianchem duahnâk mun mei humpi chu timhtuah asi rawh. A thûk hen a kâu le, thing châr sâng tak an pawng tung. LALPA nih kâng ding hen a kâ mi meialh a thaw hen a hawng suah lai.

ISAI 32:1

Zei tik ni mawh chun lalchem dik tak a lâirêltu leh phun ruitu tla lakah diknâk hen lâirêltu a hawng um lai.

ISAI 32:7

Mi mâwl chu a sual le, thilsual a ti; mipâm tâ chu âwkrâwl hen veitir a tum.

ISAI 33:22

Chubang meilawng tla lakah ri rêngnâk tung chu zeikhawm asi lai lo; a zawhtu tla khawm nih puanzâr an pharh kho lai lo! Mêlma kawrsen neihnâk zawzawng chu kan tleih lai le, a tam dân chu mi khêng tla men nih tingvo an nei kho lai. LALPA amah tak chu kan lalchem asi lai le; kan tlûnah lâi a rêl lai le, hawng kan hum lai,

ISAI 40:7

LALPA nih anmah sêm ding hen thli a hawng lêngtir le, belh chu a uai le, chawmpâr chu a chuai. Minung tla khawm belh ngâk hen an tlo lêm lo.

ISAI 49:2

Ka thu chu nâmsâu hâr mi hâwi hen a siam. Amah kut hen hawng ka hum. Chanhtiang thal zum hâr tak leh mang ding timhtuah zet mi hâwi hen hawng ka siam.

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

JEREMIA 33:15

Chu tik chun David thlâk rep tak chu lalchem ah ka thîm lai. Chu lal nih chun ram pumpi ah thil dik leh rep tak a ti lai.

JEREMIA 5:28

an bit hen an ei a thaw mi chu. An thilsual ti nih tâwk rî a nei lo. Mi ngâkṭah leh nehsawh hen um mi tla rangah chun diknâk leh repnâk an langh lo.

HOSEA 6:5

Churuangah asi ka khuavâng tla chu rêpnâk ding thuchah leh siatnâk lâirêl ding hen ka hawng fialnâk chu. Nan lakah ka duh mi chu fiang tak leh langker hen ka duh:

ZEPHANIAH 2:3

Nannih LALPA thupêk ngâi hen nâu tak hen ram lakah um mi zawzawng tla, LALPA leiah a hawi u. LALPA lakah nâu tak hen um ule, thil dik ti u. LALPA nih a thinrunhnâk a hawng langh ni ah rêp nan âwl kekkawk lai mawh.

MALAKI 4:6

Pa tla leh fa tla munkhat ah a pumh nawlh na lai le, chu hâwi asi lo chun ka hawng lai le, nan ram ka râwk lai,” a ti.

MATHAI 11:5

mitchâw tla an mit a dei rawh, ke khêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla khawm thawh hen an um rawh, mipâm tla sinah Thâwngthâng Ṭha sim asi rawh.

MATHAI 5:5

“Â dawnh kho mi tla chu an thaw a suak, tual hi an luah awt ruangah!

THILTI 9:1

Sawl lam nih chun Lalpa ṭhiruai tla a ṭhih mi leh thah a tum mi thu a sim nget rih le, Bâwlpu Lalchem sinah a kal.

2 KORIN 10:1

Chun, kei Pawl, nan lakah nan mitmuh ah dawnhkho tak a um hen nan sinah ka um lo kâ hen nanmah leikângah iam tâwn mi nih hin Krist ṭhatnâk leh nunnêmnâk hen kan ngiar na.

GALATIA 5:23

zumhkainâk, mi tangah dawnhkhonâk, sûmkhonâk tla asi dauh; chu hawi kalh kâng hen Dân thupêk rerêng a um lo.

2 THESALONIKA 2:8

Chu chu lâk ving tikah chun Dân Buartupa chu a hawng lang lai rawh, Lalpa Jisu nih anih chu a kâ ah thaw hen a thah lai le, a hawng kal mi langhnâk nih a veih dep lai.

TITA 3:2

ṭhatlo rawt lo ding leh mi zawzawng lakah dawnhkhonâk kip langhtir hen nun ṭha ding hen anmah tla theihtir nawlh rawh.

JEM 3:13

Nan lakah âu me fing hen thil a theihthiam kho mi um? Dawnhkhonâk leh finghnâk hen, a thil ṭha ti hen a umdân ṭha hen zauhtir seh.

THUPHUANG 1:16

A vawrhlei kut hen ârfi pasarih a put le; chun, a kâ thawk hen nâmsâu hâr nih nei a suak le, a mêl chu nî sûn liau hâwi hen a chêu.

THUPHUANG 19:11

Chun, vân â awng mi ka muh le, chun, rang ngo leh a tlûnah â chuan mi, Zumhkâi leh Diktak, an ti mi chu ka muh le, anih nih chun rep tak hen lâi a rêl le, ral a do tâwn.

THUPHUANG 19:15

Chun, a kâ thawk hen namsâu hâr tak a suak le, chu hen chun phun kip a neh lai, thîr ṭhianṭhunh hen lâi a rêl lai le, Pathian Zeizawng tikho thinrunhnâk fâk tak grep sûrnâk khur ah an sûr lai.

THUPHUANG 2:16

Chuvachun, rim rawh, chu lo chun na sinah ka hawng sawm lai le, chu hâwi titu tla chu ka kâ ah nâmsâu hen ka hawng do na lai.