ISAI 11:3 - Bawm Common Language Bible Version

³ amah ê-aw ngâi hen lâwmnâk a tawng lai. A langh dân leh mi thusim ko hen lâi a rêl lai lo,

ISAI 11:3 ပူးပေါင်းရင်းမြစ်များ

2 SAMUEL 14:17

Pu, kei ruatnâk ah nang chu Pathian vân minung hâwi na si le, a sia a ṭha khawm na thliar kho, thu na sim mi hâwi hen na ka hum lai ti ka ruat. LALPA na Pathian chu na sinah um seh,” a ti.

2 SAMUEL 14:8

Lalchem nih a sâng le, “Na in leiah kîr ko rawh, chu thunawk chu keimah nih ka ruat lai,” a ti.

1 Lal 3:28

Churawhchun, Israel mi tla nih Solomon nih thu a thlûk zia an theih le, thungâi an zah, êlnâk ding mi thu lakah ṭha tak hen thlûk ding hen finghnâk Pathian nih a pêk ti an theih ruangah.

1 Lal 3:9

Churuangah chun na mi tla chu dik tak hen lâi ka rêl kho ding hen leh a sia a ṭha lakah a dangnâk ka theih khonâk ding hen finghnâk ka herh mi hawng ka pêk rawh. Chu lo chun zeitin hi na mipi tla zeiliau zawng ah lâi ka rêl lai,” a ti.

JOB LASUIBU 12:11

Na lei nih buh ei lakah thâwtnâk a theih hâwi hen na nâ nih thu ngâinuam a ti.

JOB LASUIBU 34:3

Buh-an thâw lam chu nan tem chun, a thâwtnâk nan theih. Thufing lam chu theihthiamnâk nan nei lo.

THUFING LASUIBU 2:5

Chu hâwi na ti chun, LALPA ṭih ding dân na theih lai le, Pathian leikâng thu na theih lai.

THUFING LASUIBU 2:9

Ka thu na ngâi mi asi chun, diknâk, repnâk, ṭhatnâk zei asi na theih lai. Na thilti ding mi tla khawm na theih lai.

ISAI 33:6

Phun tla sinah birhnâk a pêk lai. A mi tla chu a hum kumza na le, finghnâk leh theihnâk a pêk na. An ro rokual chem chu LALPA an zahnâk chu asi.

EZEKIEL 45:8

Chu chu Israel ram lakah lal nih anna ting mi vo mun chu asi lai le, churawhchun zapi tla rangah nâunehnâk a um lai lo rawh le, a dang a lei mi vial lam chu Israel phun tla rang ding asi.

MIKAH 4:3

Phun tla lakah thunawk a lât leh a nâi nâk ah um mi tla lâi a rêl piak lai. An nâmsâu tla phâisen nâwnnâk ah an mang lai le, an fei tla chu tual nâwnnâk zum ah an siam lai. Phun tla chu râltuk ding hen an kal lai lo rawh le, râltuk ding khawm anna timhtuah lai lo rawh.

LUK 2:52

Chun, Jisu chu a fing dadauh le, a lian dadauh le, Pathian leh minung sunhsâk hen a um vima.

JOHAN 2:25

minung thu âukhawm simhfiang a herh lo, amah nih minung thinlung ah a um mi vial chu a theih ruangah.

JOHAN 7:24

Mitmâi zauh hen thu thlûk lah ule, rep tak hen thlûk dauh u,” a ti.

HEBRAI 5:14

Buh rum lam chu upa sia leh ṭha theih ding hen ei â zawngh mi rangah asi.

1 SAMUEL 16:7

Sikhawmsele LALPA nih a sinah, “A sâng mi leh â dawh mi leiah zauh lah. Chu hâwi chu ka duh lo, minung lâirêl hâwi hen ka rêl lo ruangah. Minung nih chun lênglei a zauh le, kei lam nih chun thinlung lei ka zauh dauh,” a ti.