ISAI 11:2 - Bawm Common Language Bible Version

² LALPA thlarau nih finghnâk a pêk lai le, a mi tla lâirêl ding hen theihnâk leh thiamnâk a pêk lai. LALPA duhzia a theih hen a zah lai,

ISAI 11:2 ပူးပေါင်းရင်းမြစ်များ

2 SAMUEL 23:3

Israel Pathian nih a sim; Israel vêngtu nih ka sinah, “Diknâk hen lâirêltu lal nih chun Pathian lakah ê-aw ngâi hen a rêl mi chu;

SAM 72:2

Churawhchun, na mi le tla lakah diknâk hen lâi a rêl hen nehsawh a um mi tla chu repnâk hen lâi a rêl piak na lai.

EXODUS 28:3

Mi zungthiam tla tikhonâk ka pêk mi zawzawng kawh na le, Aron nipuan tla siam ding hen simh na; keimah rianṭuan ding hen bâwlpu ah siam ansi khonâk ding hen.

ISAI 28:6

Lâirêltu tla sinah chun dik tak hen theihnâk a pêk na lai le, dotu tla lakah khuapi kulh kawtkâ vêngtu tla chu râlṭhatnâk a pêk na lai.

ISAI 32:15

Sikhawmsele, veikhat chu Pathian nih kan lakah a thlarau a hawng fial nawlh lai. Ram â râwk rawh mi chu a hawng ningno nawlh lai le, phâisen tla khawm nih thlâi tam tak a hawng suah nawlh lai.

ISAI 42:1

LALPA nih, “Hi hi ka to-aw ka chaktir mi, ka mi thîm pakhat, ka lungnâ tlâ tak mi chu asi. Ka thlarau hen ka khattir le, phunkip sinah diknâk a tlungtir lai.

ISAI 48:16

“Tuah ka sinah nâi tek hen hawng le, ka thusim ngâi. A tîr thawk hen fiang tlo hen thu ka sim le, ka thu chu dik kumza hen ka tlungtir,” a ti. (Tuah LALPA zahkâi nih thiltikhonâk hawng ka pêk le, hawng ka fial.)

ISAI 59:21

Nan sinah thudântuk ka siam asi: Nan tâ si kumza ding hen ka thiltikhonâk leh sîntirnâk ka nan pêk na, tu thawk hen ka thu tla nan zâwt hen, nan fa tla leh nan thlâk tla tik a hawng um ding mi zawzawng lakah zûl kumza ding hen sîntir na u,” a ti.

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

ZEKARIA 4:6

Chu vânmifial nih chun Zerubabel sinah Lalpa thu va sim ding hen hawng ka simh: “Kawrsen chaknâk leh nangmah chaknâk chu silo hen, keimah thlarau chaknâk hen asi dauh lai.

MATHAI 3:16

Chun, Jisu baptis asi ka hen ti a mi a suak sawm le, chun, ngâinik, a rangah vân â awng le, Pathian Thlarau chu vaṭhu hâwi hen a hawng ṭum hen, a tlûnah a fû mi a muh.

JOHAN 14:17

chu chu Thlarau, Pathian thutak phuangtu asi; laikulh nih anih chu an nei kho lo, amah an muh lo hen an theih lo ruangah; nannih nih anih chu nan theih, nan sinah a um kumza ruangah; chun nanmah lakah a um awt asi.

JOHAN 15:26

“Chun, Pa sinah mi ṭangpitu nan sinah ka fial ding mi, Pa lakah suak Thlarau Pathian thutak phuangtu chu, a hawng tlung tikah, anih nih chun ka thu a theihtir lai.

JOHAN 16:13

Sikhawmsele, Thlarau diktak chu, a hawng tlung tikah, thutak zawzawngah an rui na lai; amah phuak sawm hen thu a sim awtlo; thu a theih mi vial chu a sim dauh lai; thil hawng tlung ding tla khawm nan sinah a phuang lai.

JOHAN 3:34

Pathian fial mi nih chun Pathian thu a sim tâwn; anih nih chun a Thlarau khatnâk rangtling a pêk.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

DEUTERONOMY 34:9

Nun fapa Josua chu Mosi nih amah thlengtu ding a ruat mi asi ruangah finghnâk hen a khat rawh. Israel mi tla nih Josua thu chu an ngâi hen Mosi mang hen LALPA nih thu a pêk na mi khawm an zûl.

2 TIMOTHE 1:7

Pathian nih lâunâk Thlarau hawng kan pêk lo le; thiltikhonâk leh dâwtnâk leh mah a sûmkhonâk Thlarau hawng kan pêk dauh ruangah.

THUPHUANG 1:4

Johan nih chun Asia ram ah kawhmi murui sarih tla sinah: Um liau leh um rawh leh hawng um ding mi sinah leh a laltophah mâika ah thlarau pasarih tla thawk hen, Jisu Krist theihpitu zumhkâi tak, mithi lakah mi suak masa chem leh tual ah lal tla lâirêltu thawk hen zângfahnâk leh remnâk nan sinah um seh. Hawng kan zângfah le, a thisen hen kan sual lakah mi hawng kan tlanh le,