ISAI 11:14 - Bawm Common Language Bible Version

¹⁴ Thurual hen thlanglei mi Philistia tla an do na lai le, saklei ah um mi tla khawm an rûn na lai. Edom leh Moab mi tla chu an neh na lai le, Amon mi tla nih an thu an ngâi piak lai rawh.

ISAI 11:14 ပူးပေါင်းရင်းမြစ်များ

ISAI 14:29

Philistia mi tla, an vuak na mi nan vuakfung chu a kiak rawh le, sikhawmsele, lâwm ding asi khawm nan theih loh. Rûl pakhat a thi le, a ruangrûl ah rûl ṭhalo dauh a hawng suak. Rûl tî chu dragon zuang kho mi ah a keuh.

ISAI 15:1

Hi hi Moab thu ah thuchah chu asi: Zân khat ko ah Ar leh Kir khuapi chu veih asi le, Moab ram chu a dâi dep.

ISAI 16:14

Tu lam chun LALPA nih, “Kum thum kar ko ah Moab tla neih rokual tak chu muh asi lai lo rawh. Mi tam tak lakah mi a thibang tâwmtê cho an um lai le, chak lo tak an si lai,” a ti.

ISAI 25:10

LALPA nih Zion Tlâng chu a hum lai le, sikhawmsele Moab mi tla lam chu tual ṭha lakah mi fapawn hâwi hen lamh dep an si lai.

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

ISAI 59:19

Saklei thawk hen thlanglei tiang nih amah leh a thiltikhonâk rokual chu an ṭih lai. Tiva mi tî luang chak tak leh thli chawp tak hâwi hen a hawng lai.

ISAI 60:14

Nangmah a nan nehsawhtu fapa tla an hawng lai le, An zah ti theihnâk ding hen na mâika ah an kûn lai. A nan zauhnawmhtu tla nih na kezaphah bul ah an mâimûk lai. ‘LALPA khuapi’ ‘Zion, Israel Pathian Thenhlimh khuapi’ a nan ti lai.

ISAI 63:1

“Edom ram ah mi Bozrah khuapi thawk hen a hawng mi âu mesi? A sen hen â thuam ziar le, thiltikhonâk leh chaknâk hen a kal vima mi khi âu mesi?” “Ruangsuah ding hen LALPA thiltikho tak, a nehnâk thu phuang ding hen a hawng mi asi.”

ISAI 9:12

Saklei ah Siria mi leh thlanglei ah Philistia tla chu Israel veih ding hen an kâ an âng. Chu hâwi tluk asi khawm ah LALPA thinthawknâk chu a reh dahlo rih; rêp ding hen a kut chu a zangh nget rih.

JEREMIA 40:11

Chu tikah Israel mi tla Moab, Amon, Edom leh ram dangah um mi tla nih Babulon lal nih Israel lakah zeimaw mi tla Juda ram ah um ding a siang na mi leh an lâirêltu ding ah Gedaliah a siah mi chu an theih rawh.

JEREMIA 48:40

LALPA nih chun Moab tlûnah, mû a thla pharh hen â thlûr mi hâwi hen hawng a thlûr ding phun chu a tiamh le,

JEREMIA 49:2

Sikhawmsele Rabah khuapi mi tla chu râltuknâk hâu ka theihtir na lai le, râwk dep hen mâk hen a um lai le a khua tla duah hen a um ding mi tik chu a tlung rawh. Israel tla nih an ram lâktu lakah mi chu an suh nawlh na lai.

JEREMIA 49:22

Mêlma tla nih Bozra chu mupi nih a thla a pharh hen â thlûr le, a nam mi hâwi hen a do lai. Chu ni ah chun Edom kawrsen tla chu nunau nganfâk mi hâwi hen an lâu lai,” a ti.

JEREMIA 49:28

Hi hi LALPA nih Kedar phun leh Hazor thu tangah um mi ram Babulon lalchem Nebukadnezar nih a lâk mi thu a sim mi chu asi: “Kedar mi tla chu do ule, saklei mi phun tla chu veih na u!

EZEKIEL 25:14

Keimah ruangrûl ah ka mi Israel tla nih Edom tlûnah lehrûl an ka sam piak lai le, ka thinthawknâk fâk zia Edom rangah an theihtir. Edom nih phû ka lam mi chu zei asi a theih lai rawh,” a ti. LALPA Zahkâi nih a sim asi.

DANIAL 11:41

Ram tiam men a do na le, sâng tam tak a thah na lai le, sikhawmsele Edom ram, Amon relh mi tla chu an âwl lai.

JOEL 3:19

Aigupta chu ramkaro ah â chang lai le, Edom ram chu mang tlâklo hen â râwk lai, Juda ram a do hen a mi thilsual tilo mi tla a thah na ruangah.

AMOS 9:12

Israel mi tla nih Edom ram leifuan leh a lânah mi phun ka tâ si rawh mi tla chu an neh na lai,” hi hâwi hen hawng tlung tirtu LALPA nih a sim.

HABAKUK 1:8

“An rang tla chu keitê ngâk hen an chak dauh le, chingngia sungvâng ngâk hen an rât dauh. Rang tlûnah anna chuan mi tla chu ram lât tak ah thawk hen an hawng le, an rang tla nih tual ah an kê an thlik. Mû nih sa a châwi ding mi a thlûr mi hâwi hen an hawng kal.

ZEPHANIAH 2:5

Nannih Philistia mi tla, nan vânduai rawh. LALPA nih rêpnâk a hawng tlungtir, pakhat khawm âklo hen nan vei dep lai.

ZEPHANIAH 2:7

Juda thibang um tla nih, na ram chu an luah lai. Chunah an dawrâ tla an tlawngtir lai le, Askelon khua mi in ah an riak lai. LALPA an Pathian chu an sinah a um lai le, sul-le-lam tluang hen a siam nawlh na lai.

ZEPHANIAH 2:9

Kei, Israel Pathian nung tak kasi ruangah Moab leh Amon chu Sodom leh Gomorah hâwi hen ka veih na awt ti ka tiam asi. Chitê khur ah â chang lai le, belh nih khuh dep hen a râwk kumza lai rawh. Ka mi a thibang tla nih an ram chu rûn hen an lâk piak na lai.

NUMBER 24:17

Mâilei thil um ding mi ka zauh le, Israel phun ka muh. Lalchem ârfi chêu tak hâwi hen Chu phun lakah mi a hawng suak lai. Israel thawk hen ârfi zuang hâwi hen a hawng kal lai. Moab ruitu tla chu a vuak na lai le, Seth mi tla zawzawng chu a thlûk phin lai.

MATHAI 8:11

Ka nan simh na, sak leh thlang thawk hen mi tam tak an hawng kal lai le, Vân Ram ah chun Abraham tla, Isak tla, Jakob tla sinah an to lai.

LÂIRÊL 6:3

Zei thlâichi tal, Israel tla nih vawrh na khawmsele, Midian tla chu Amalek mi leh ramkaro ah phun um mi tla hen an va kal le, an do na.