ISAI 11:11 - Bawm Common Language Bible Version

¹¹ Chu ni a hawng tlung tikah chun Lalpa nih Asiria ram ah leh Aigupta ram ah um rih mi tla, Pathros, Sudan, Elam, Babulon, Hamat ram ah um mi leh tiva kapah um mi leh tikulh lakah um mi tla, kîrpi nawlh na ding hen a thiltikhonâk veikhat a mang nawlh lai.

ISAI 11:11 ပူးပေါင်းရင်းမြစ်များ

GENESIS 10:10

A tîr chun a ram chu Babulon, Erek leh Akad, an pathum hen Babulon ram an si.

GENESIS 10:22

Sem fapa tla chu: Elam, Asur, Arpaksad, Lud leh Aram an ti. Chu tla chu thlâktu min puttu tla chu an si.

GENESIS 11:2

Saklei kângah an va kal le, Babulon ramsung Shinar phâi ah an um.

GENESIS 14:1

Lalchem pali, Babulon ah mi Shinar lalchem Amraphel, Ellasar lalchem Ariok, Elam lalchem Kedorlamer, Goim lalchem Tidal

GENESIS 2:13

Tiva panihnâk chu Gihon asi; Kus ram ah a luang.

2 Lal 17:24

Asiria lal lianchem nih Babulon ram ah khuapi tla, Kuth, Ivah, Hamat leh Sepharvaim ah mi mipi tla chu Samaria khuapi ah Israel sal ah an put na mi mun ah a umtir na. Chu khuapi ah mun an khuar le, an um.

ESTHER 10:1

Lalchem Zerzes nih a ram sung leh mun dang mi tla chu thu a pêk na.

SAM 68:22

LALPA nih chun, “Basan thawk hen na mêlma tla chu ka hawngpi na lai le; tisumsumriat thûk tak thawk hen ka hawng kîrpi na lai,

ISAI 1:9

LALPA zeizawng tikho nih a thibang zeimaw mi zuah na lah sele chu Jerusalem chu Sodom leh Gomorah hâwi hen râwk dep hen a um lai.

ISAI 10:20

Israel thibang tla chu a vei ding mi phun lakah anna ngauh lo ding mi tik a hawng tlung awt. LALPA, Israel Pathian thenhlimh chu anna rinhsan tatak lai rawh.

ISAI 10:9

Kalno leh Karkemis khuapi tla, Hamat leh Arpad khuapi tla ka neh rawh. Samaria leh Damaska khawm ka neh rawh.

ISAI 11:16

Asiria ram thawk hen lam lian Israel mi thibang tla rangah a hawng um lai, Aigupta an kaltâk liauah an thlâktu tla rangah a um mi hâwi hen.

ISAI 19:21

LALPA chu amah tak Aigupta mi tla sinah â langh lai le, amah sinah anna theihtir hen amah an sawnh lai le, bâwlnâk an hawng put lai le, an ap lai. A sinah thutiam bir tak an nei lai le, an thutiam zia hen an ti lai.

ISAI 19:22

LALPA nih Aigupta mi tla chu a rêp na lai le, sikhawmsele a damh na lai. Amah leiah anna her lai le, an thlachamnâk a ngâi lai le, a damh na lai.

ISAI 21:2

Thil ṭhalo tak a hawng tlung ding mi langhnâk ka muh le, tleihnâk leh siat leh râwknâk ding mi asi. Elam kawrsen tla, do u! Media kawrsen tla, khuapi tla chu hual u! Babulon nih tuarnâk a tlungtir mi chu Pathian nih a dawnghnâk a siam awt rawh.

ISAI 22:6

Elam ram ah mi kawrsen tla chu rang tlûnah chuan hen an hawng le, chanhtiang leh a thalzum tla anna put. Kir ram ah mi kawrsen tla chu an phaw tla hen tîm chia zet hen an um.

ISAI 24:15

Chun, saklei mi nih amah chu an sawr lai. Tipi dungah um mi tla nih LALPA Israel Pathian chu an sawr lai.

ISAI 37:31

Juda mi a thibang tla chu thlâi phun hen châwm mi a ram tual thûk takah a thlâk le, a rah a suah mi hâwi asi lai.

ISAI 42:10

LALPA sinah la thar sak u; laikulh zawzawng nih a sawrnâk la sak u! Tipi dung zawhtu tla, amah chu sawr u: Tipi ah thilsiam zawzawng tla, amah chu sawr u! Ram lât takah um mi tla, la sak u!

ISAI 42:12

Ram lât tak ah um mi tla nih LALPA sinah sawrnâk leh rokualnâk pêk na seh.

ISAI 42:4

Lungumnâk leh râlṭhatnâk a tlâu lai lo; tual tlûnah diknâk a birhtir lai. Ram lât tak mi nih a sîntirnâk mawhlah tak hen an ngâk lai,” a ti.

ISAI 45:14

LALPA nih Israel sinah, “Aigupta leh Sudan neihnâk chu na tâ asi lai le, Seba ram ah mi sâng tla chu na sal an si lai; rêng khimh bû hen a nan zûl lai. Na sinah an hawng kûn lai le, ‘Pathian na sinah a um, Amah cho chu Pathian chu asi,’ ti hen thutluang an vâwr lai.

ISAI 49:12

Ka mi tla chu ram lât tak thawk hen an hawng lai le, marlei leh thlanglei thawk hen simlei mi Asuan khuapi thawk hen an hawng lai,” a ti.

ISAI 66:19

kei hi anmah rêptu kasi mi an theih lai rawh. “Sikhawmsele a zeimaw mi chu ka zuah na lai le, phun tla leh ram lât tak tla ah ka min thang zia theihlotu tla leh ka rokualnâk leh ka thiltikho zia muhlotu tla: Spain, Libia, leh Lidia, a chanhtiang kah thiam tla hen, Tubal leh Greek ram ah ka fial na lai. Hi bang phun tla nâwngah hin ka rokual zia thu an phuang lai.

JEREMIA 31:10

LALPA nih, “Phun tla, ka thu ngâi u, ka thu tla chu tiva kap lât takah va phuang u. Ka mi tla chu ka rektir phin na le, sikhawmsele ka pumh nawlh na lai le, dawrâpu nih a dawrâ rual a vêng na mi hâwi hen ka vêng na lai.

JEREMIA 44:1

LALPA nih Aigupta ram ah um mi Israel zawzawng Migdol, Tahpanhes leh Memphis khuapi tla ah um mi leh simlei ram ah um mi tla thu ka sinah a sim.

JEREMIA 49:23

Hi hi LALPA nih Damaska thu a sim mi chu asi: “Thâwng ṭhalo tak an theih ruangah, Hamath leh Arpad khuapi ah um mi tla chu an lawksawng le an uai thlo. Lawksawngnâk nih tipi hâwi hen a luang nawh na le, anna dîn kho lo.

EZEKIEL 27:6

Lawng veifung siam ding hen Basan ram ah mi oak thing an lâk le; Na lawng tangphah chu Kupra a mi far thing hen siam asi le, Sâi hâ hen thuamh mi asi.

EZEKIEL 29:14

a tîrah an umnâk Aigupta simlei ah ka umtir nawlh na lai.

EZEKIEL 30:14

Aigupta simlei kâng chu ka râwk lai le, marlei mi Zoan khuapi chu mei hen ka duah awt. Thebes khuapi chu ka rêp lai.

EZEKIEL 32:24

“Elam chu chunah a kawrsen tla thlân nâwngah a um. Râltuknâk ah thah hep an si le, fêmtan lo hen laikulh thihnâk ah an kal. An dam liauah ningṭih punghtu an si, sikhawmsele tu chun an mualpho rawh.

EZEKIEL 38:8

Kum tam tak nûnah phun tam tak lakah mi munkhat hen kîrtir mi ṭihnâk nei lo tla umnâk ram rûn ding hen thu ka pêk awt. Israel tlâng sâng tla sâwt tak a karo hen siah mi leh râwk mi, tuah mi zawzawng him tak hen an umnâk chu a rûn lai.

DANIAL 1:2

Lalpa nih lal Jehoiakim chu a tleihtir le, Biakin ah mi thil-le-rî zeimaw mi a lâk. A mi tleih tla chu Babulon ah mi a pathian biakin tla leiah a put na le, a thil lâk tla chu biakin ah thil siahnâk ah a siah.

DANIAL 11:18

Chu nûnah chun phun tla chu tipi kiangah a do na lai le, a neh na lai. Sikhawmsele ramdang minung ruitu nih amah chu an neh lai le, â zûmnâk chu a veih piak lai le; Siria lal zûmnâk chu amah tlûn lîlâ ah a tlungtir lai.

DANIAL 8:2

Keimah khawm Elam ram ṭhen Susa khuapi kulh mi khuapi sungah um hen ka theih sawm. Ulai Tiva kapah ka dîr le,

HOSEA 1:11

Juda mi leh Israel mi tla chu anna tlâi nawlh lai, an rangah ruitu pakhat an thîm lai le, an ram ah tluang tak hen an ṭhanglian nawlh lai. Jezreel ni chu ni rokual tak a hawng si lai!

HOSEA 11:10

“An mêlma tla lakah chakeibaknei hâwi hen ka hûk tikah chun ka mi tla nih an hawng ka zûl lai rawh. Thlanglei thawk hen khulrang hen ka sinah an hawng lai.

HOSEA 11:11

Aigupta thawk hen va hâwi hen chak tak hen an hawng lai le, vaṭhu hâwi hen Asiria thawk hen an hawng lai. An in ah ka tlungtir nawlh na lai, kei LALPA nih ka sim mi asi,” a ti.

MIKAH 7:12

Nan mi tla chu munkip thawk hen an hawng kîr nawlh lai le, Asiria ram saklei thawk hen, Aigupta ram simlei thawk hen Eufretis tiva kiangkam thawk hen tipi lât tak tla thawk hen leh lât tak a mi tlâng sâng thawk hen an hawng kîr lai.

ZEPHANIAH 2:11

LALPA nih annih tla chu a lauh na lai, tual a mi pathian tla chu zeikhawm lo ah a siam lai le, amah Pathian tak chu phun kip nih mah ram chiau ah an sawnh lai.

ZEKARIA 5:11

Anih nih a sâng le, “Anmah rangah Biakin an saknâk ding Babulon ram leiah an kalpi, chu Biakin chu an sak dih chun chu bâwm chu sawnh ding hen chunah chun an siah lai,” a ti.

ZEKARIA 8:7

Kalpi ving hen ka mi tla an umnâk ram a mi chu ruang ka suah na lai le,

ZEKARIA 9:2

Hadrak ramrî mi Hamat khawm a tâ asi le, churuang chun Tura khuapi tla leh Sidon khuapi lak khawm ah an thil thiamnâk zawzawng hen an tikho rirî hen an ti.

ROM 11:15

Lawmh lo an si liau men ah laikulh chu Pathian hen hâwi tla ah siam hen an um chun anmah tla lawmhnawlhnâk ding chu thihnâk ah mi nung nawlhnâk lo chu zei me si lai?

ROM 11:26

Chun, Israel mi zawzawng ruangsuah hen an um ding zia chu hi hi asi: Pathian lasui thu nih, “Zion thawk hen ruangsuahtu a hawng suak lai le, Jakob thlâk tla thawk hen Pathian sunhsaklonâk a tlâutir lai.

2 KORIN 3:16

Sikhawmsele, an thinlung chu Lalpa leiah a hawi tik zawng ah khuhnâk lâk ving asi lai rawh.

DEUTERONOMY 9:29

Na thiltikhonâk rokual leh na chaknâk hen Aigupta ram thawk hen na suakpi na mi, na mi rang ding ah na thîm na mi an si lo mazei?’ ka ti.