ISAI 11:10 - Bawm Common Language Bible Version

¹⁰ Phun tla zauhtirnâk ding ah David lal chi lakah mi lalchem thar a hawng um ding mi a nâi rawh. Lal khuapi ah anna pûm lai le, amah chu an zah lai.

ISAI 11:10 ပူးပေါင်းရင်းမြစ်များ

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

1 CHRONICLES 2:12

Obed leh Jese.

SAM 116:7

LALPA chu ka lakah a ṭha ruangah, ka thinlung, amah chu zumh rawh.

SAM 145:11

Na lal thiltikhonâk rokual zia an sim lai le, na chaknâk an sim lai.

SAM 149:5

Pathian mi tla chu nehtu an si ruangah a lâwm na sele, lâwm tak hen khuadei ver hen lâwm tak hen la sak na seh.

SAM 91:1

Him ding hen LALPA sinah kaltu leh zeizawng tikho Zauhkhenhnâk tangah umtu tla nih chun

SAM 91:4

A thlâ hen a nan tuam lai le; amah vêngnâk ah chun him tak hen na um lai; zumh a kâinâk hen an vêng hen an zauhkhenh lai.

ISAI 11:1

David thlâk lal chi chu thing hâu mi hâwi asi le; sikhawmsele a kûng bul lakah ṭeng thar tla a chawrh mi hâwi hen David thlâk tla thawk hen lal thar a hawng suak lai.

ISAI 11:12

LALPA nih phun tla theihtirnâk ding puanzâr, Juda leh Israel anna rekrâwi mi tla, tual kil li thawk hen a pumh nawlh na awt ti theihnâk a thlâi awt.

ISAI 14:3

LALPA nih chun Israel mi tla chu an nganfâk leh tuarnâk leh zângran ko hen rian fâk tak an ṭuantir na nâk lakah mi chu a âwltir na lai rawh.

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 2:2

Ni a hawng tlung ding mi lakah Biakin umnâk tlâng chu tlâng dang zawzawng ngâk hen a sâng chem mi asi lai le, tlâng zawzawng tlûn leiah a fawng lai. Phun tam tak tla chu tî luang hâwi hen an hawng lût lai.

ISAI 2:3

Chu tla nih chun, “Israel Pathian Biakin leiah LALPA tlângah kan kâi lai. A duhzia thil ti ding hen hawng kan sîntir lai; amah lampi thîm lakah kan kal lai. LALPA sîntirnâk chu Jerusalem ah a um lai le; Zion ah a mi tla sinah thu a sim lai,” an ti lai.

ISAI 28:12

Nan ektê hen dînnâk leh thlangamnâk a nan pêk na le, sikhawmsele a thu nan ngâi duh lo.

ISAI 42:4

Lungumnâk leh râlṭhatnâk a tlâu lai lo; tual tlûnah diknâk a birhtir lai. Ram lât tak mi nih a sîntirnâk mawhlah tak hen an ngâk lai,” a ti.

ISAI 49:22

LALPA zahkâi nih a mi tla sinah “Phun tla rangah theihtirnâk ka pêk na lai le, na fa tla chu in leiah an hawngpi na lai.

ISAI 59:19

Saklei thawk hen thlanglei tiang nih amah leh a thiltikhonâk rokual chu an ṭih lai. Tiva mi tî luang chak tak leh thli chawp tak hâwi hen a hawng lai.

ISAI 60:3

Phun tla nih na chêu chu an hawng naih lai le, Lalchem tla nih na ni thar khuadei chu an hawng fûk lai.

ISAI 60:5

Hi hi na muh lai le, lâwm hen na khat lai; Thinlung thawk ruangah na thir lai. Phun tla neihnâk chu na sinah an hawng put lai; Tipi tan hen an neih tla a hawng tlung lai.

ISAI 62:10

Jerusalem mi tla, khuapi sungah mi suak ule, Nan mi hawng kîr mi tla rangah lampi siam u! Lamlian timhtuah ule, lung tla thianh u! Singsiahnâk siam u.

ISAI 66:19

kei hi anmah rêptu kasi mi an theih lai rawh. “Sikhawmsele a zeimaw mi chu ka zuah na lai le, phun tla leh ram lât tak tla ah ka min thang zia theihlotu tla leh ka rokualnâk leh ka thiltikho zia muhlotu tla: Spain, Libia, leh Lidia, a chanhtiang kah thiam tla hen, Tubal leh Greek ram ah ka fial na lai. Hi bang phun tla nâwngah hin ka rokual zia thu an phuang lai.

JEREMIA 6:16

LALPA nih a mi tla sinah, “Lamṭhuam ah dîr ule, zauh u. A lânah mi lampi tla leh lampi ṭha chem umnâk chu deih u. Chu lakah kal ule, thlangam tak hen nan um lai,” a ti. Sikhawmsele annih nih, “Ihih, kan kal awtlo!” an ti.

HAGAI LASUIBU 2:9

Biakin thar chu a li mi ngâk hen a rokual dauh lai le, chunah chun ka mi tla rangah sul-le-lam tluangnâk leh lungngamnâk ka pêk na lai,” LALPA Zeizawng tikhotu nih a ti.

ZEKARIA 6:13

Amah chu a saktu ding mi leh lal sinâk hen zahnâk tawng ding mi leh a mi tla lâirêltu ding chu asi. Bâwlpu chu a laltophah sîrah dîr hen munkhat hen rian an tuan lai le, thlangam leh nuam tak hen an um lai.

NUMBER 10:33

Zapi tla nih Sinai tlâng thenhlimh chu an kaltâk rawh le, ni thum ding an kal. LALPA Thudântuk Bâwm chu an riaknâk mun hâwltu si hen an mâilei ah a kal.

MATHAI 12:21

A min chu Phundang tla nih an umsan lai,” ti hen, a sim mi kha a hawng tlung khonâk ding hen.

MATHAI 8:11

Ka nan simh na, sak leh thlang thawk hen mi tam tak an hawng kal lai le, Vân Ram ah chun Abraham tla, Isak tla, Jakob tla sinah an to lai.

LUK 2:32

Phundang tla sinah langhtirnâk chêu leh na mi Israel tla rokualnâk ding chu,” a ti.

JOHAN 12:32

Chun, kei tual ah mi thlâi hen ka um chun mi zawzawng keimah sinah ka hîp lai,” a ti.

THILTI 11:18

Chun, chubang thu chu an theih hen an dâisip rawh, “Chu hâwi asi chun Pathian nih Phundang tla nung ding hen rim a siang rawh ma chu!” ti hen, Pathian an sawr rawh.

THILTI 28:28

“Chun, Pathian ruangsuahnâk thu hi Phundang tla sinah kuat asi ti theih u, annih lam nih chun ngâi khawm an ngâi lai,” a ti.

HEBRAI 4:1

Churuangah, kan ṭih ding asi, chu lo chun Pathian dinhnâk ah lûtnâk ding thutiam um ko hen, nan lakah âumawh a dinhnâk ah lût kho lo hen nan um lebang lai.

1 PETER 5:10

Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.

THUPHUANG 22:16

“Kei, Jisu nih, kawhmi murui tla sinah hi bang thu tla hi theihtir ding hen ka vânmifial chu ka hawng fial asi. David bulpi leh a thlâk, ârfi chêu tak, deirêl ârfi chu kasi” a ti.

THUPHUANG 5:5

Chun, Upa tla lakah mi pakhat nih chun, “Ṭap lah, ngâinik, chakei baknei Juda phun ah mi, David thlâk nih khan lasuibu chu kêu ding leh a singsiahnâk pasarih tla khawm samh ding hen a neh rawh,” a hawng ka ti.