ISAI 11:1 - Bawm Common Language Bible Version

¹ David thlâk lal chi chu thing hâu mi hâwi asi le; sikhawmsele a kûng bul lakah ṭeng thar tla a chawrh mi hâwi hen David thlâk tla thawk hen lal thar a hawng suak lai.

ISAI 11:1 ပူးပေါင်းရင်းမြစ်များ

2 SAMUEL 23:3

Israel Pathian nih a sim; Israel vêngtu nih ka sinah, “Diknâk hen lâirêltu lal nih chun Pathian lakah ê-aw ngâi hen a rêl mi chu;

1 CHRONICLES 2:12

Obed leh Jese.

SAM 145:11

Na lal thiltikhonâk rokual zia an sim lai le, na chaknâk an sim lai.

ISAI 11:10

Phun tla zauhtirnâk ding ah David lal chi lakah mi lalchem thar a hawng um ding mi a nâi rawh. Lal khuapi ah anna pûm lai le, amah chu an zah lai.

ISAI 4:2

LALPA nih thil phun tla ram lakah tam tak a kho hen dawh tak hen a siam ni ding a hawng tlung awt. Israel mi a thibang tla chu ram lakah an chîng mi thlâi an tawng mi lakah anna lâwm lai le, an rinhsan lai.

ISAI 53:2

Thil phun tual châr lakah a ram a thlâk mi hâwi hen a to-aw ṭhang ding mi chu LALPA duhzia asi. Amah kan theih khonâk ding hen rokualnâk leh dawhnâk khawm a nei lo. Amah lakah duhrim a kâinâk khawm a um lo le amah lakah va a bek ding hen duh san ding zeikhawm a um lo.

ISAI 6:13

Chu lak chun minung parâ lakah pakhattê men um khawmsele veih asi lai. Oak thing hâu mi kung bul hâwi asi lai,” a ti. (A bul nih chun Pathian mi tla a thartê hen dirh ding mi a zauhtir.)

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

ISAI 9:7

A lal thiltikhonâk chu a lian dadauh lai le; a lalram ah chun remnâk a um kumza lai. Lalchem David ruangrûl ah lâi a rêl lai le, a thiltikhonâk chu dik tak leh rep tak hen tu thawk hen tik dawngh tiang a um lai. LALPA Zeizawng tikho nih hi zawzawng ti ding a tum asi.

JEREMIA 23:5

LALPA nih, “David thlâk rep tak lakah mi lalchem ka thîm ding mi tik chu a tlung rawh. Chu lal nih chun fing tak hen lâi a rêl lai le, dik tak leh rep tak hen ram pumpi ah thil a ti lai.

JEREMIA 33:15

Chu tik chun David thlâk rep tak chu lalchem ah ka thîm lai. Chu lal nih chun ram pumpi ah thil dik leh rep tak a ti lai.

EZEKIEL 17:22

Hi hi LALPA Zahkâi nih a sim mi asi: “Sidar thing sâng tak zîk ka ṭei lai le, chawrhno ka khiak lai. Tlâng sâng tak tlûnah ka phun lai le, Israel tlâng sâng chem tlûnah

EZEKIEL 37:25

An thlâktu tla umnâk ram to-aw Jakob sinah ka pêk mi ram ah an um lai. Chunah chun an thlâk tla hen an fa le hen an um kumza lai rawh. Ka to-aw David hâwi mi lalchem nih an tlûnah lâi a rêl kumza lai.

MIKAH 5:2

LALPA nih, “Bethlehem, Eprathah, Juda ram khuapi ah a mêchem mi na si, sikhawmsele nangmah thawk hen Israel tla lâirêltu ding a lânah mi a dâwngsung hâwitê si nawlh ding mi ka hawng suaktir awt!

ZEKARIA 3:8

Nang Bâwlpu Lian Josua ngâi rawh, a hâwi bâwlpu tla, mâilei ṭhatnâk ding hen ruat mi tla ngâi u: Ka to-aw ṭeng ti hen min sak mi chu ka hawng langh awt!

ZEKARIA 6:12

LALPA, Zeizawng tikho nih a sim mi thu simh rawh: Ṭeng ti hen min sak mi chu a mun ah a hawng ṭhang lai le, LALPA Biakin a dirh nawlh lai.

MATHAI 1:1

Abraham thlâk, David thlâk, Jisu Krist thlâktu tla anna thlâk zia thâwngthâng chu:

ROM 15:12

Chun, Isai nih, “Jese zung leh ram chu a um lai le, Phundang tla Lal ah um ding hen a hawng suak ding chu a um fâwn lai; anih chu Phundang tla nih chun an lungum san lai,” a ti nawlh ber.

HEBRAI 7:14

Kan Lalpa chu Juda phun lakah a hawng suak ti fiang tak hen a lang; hi phun hen anna tlâinâk, bâwlpu leikâng thu ah, Mosi nih zei thu khawm a sim lo.

THUPHUANG 22:16

“Kei, Jisu nih, kawhmi murui tla sinah hi bang thu tla hi theihtir ding hen ka vânmifial chu ka hawng fial asi. David bulpi leh a thlâk, ârfi chêu tak, deirêl ârfi chu kasi” a ti.

THUPHUANG 5:5

Chun, Upa tla lakah mi pakhat nih chun, “Ṭap lah, ngâinik, chakei baknei Juda phun ah mi, David thlâk nih khan lasuibu chu kêu ding leh a singsiahnâk pasarih tla khawm samh ding hen a neh rawh,” a hawng ka ti.

RUTH 4:17

Nunau a zâwlbâwm mi tla nih Obed ti hen a min an sak piak. “Naomi rangah fapa a hawng suak,” ti hen mikip an simh na. Obed chu David ringtu Jese pa asi.

1 SAMUEL 17:58

Saul nih David sinah, “Tlangvâl, âu fapa me na si?” ti hen a deih. David nih a sâng le, “Na to-aw Jese, Bethlehem ah mi fapa kasi,” a ti.