ISAI 10:6 - Bawm Common Language Bible Version

⁶ Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 10:6 ပူးပေါင်းရင်းမြစ်များ

2 SAMUEL 22:43

Ka dêng na le, vûisadip hâwi an hawng si. Khua lâiah valei nêng hâwi hen ka lamh na.

2 Lal 18:25

LALPA ṭangpinâk lo hen na ram hi kulh hen râwk ding hen ma na ka ruat? LALPA ngelchel nih do ding leh veih ding hen hawng ka simh,” a ti.

ISAI 19:17

Aigupta mi tla chu zei liau zawng ah Juda mi tla nih LALPA Zeizawng tikho nih anmah thah na ding hen a timhtuah mi thu theihtir na hen an lauh na lai.

ISAI 22:5

Tu hi ningṭih tik, neh tik leh tivakuam ah langhnâk lakah nawknâk LALPA Zeizawng tikho nih kan lakah a hawng fial mi tik chu asi. Kan khuapi kulh tla chu chim rel hen an dêng le, ṭangpi duh hen âu hâu nih tlâng tla a râwng.

ISAI 24:5

Mi tla nih tual chu Pathian dân buar hen leh thudântuk zungzâl um ding mi chu râwk hen an nawmh.

ISAI 29:13

LALPA nih, “Hi minung tla nih hin sawnh ding an ka tum le, sikhawmsele an thu chu zeikhawm asi lo le, an thinlung khawm kâng dang ving asi. An phung mang dân chu zeikhawm asi lo, minung dân leh anmah pipu dân an theih salam mi cho asi.

ISAI 32:6

Mi â nih chun â tak hen thu a sim le, thilsual ti ding mi a dawn. A thilti leh a thusim chu LALPA siarlonâk hep asi le, mi sungvâng rangah buh a pêk dahlo, mi tîhâl rang khawm ah din ding a pêk dah loh.

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

ISAI 33:14

Zion ah mi misual tla chu lâu hen an thir. “Pathian lâirêlnâk chu mei a alh kumza mi hâwi asi. Chu hâwi mei lakah chun âu kan him kho lai?” an ti.

ISAI 41:25

“Saklei ah um mi minung chu ka thîm rawh; mârlei thawk hen dotu ding ah ka hawng put lai. Nehtu hâwi hen lâirêltu tla chu a lamh na le, bêlhêmtu nih sunhtlung valei a lamh hâwi hen.

ISAI 49:17

“Nangmah a nan dirhnawlhtu ding tuan hen a hawng lai le a nan râwktu tla lam chu an kal lai rawh.

ISAI 49:25

LALPA nih, “Chubang tla chu a hawng um ding rêng asi. Kawrsen nih an tleih mi tla chu suh ving asi lai le misual tla nih thil an lâk mi tla chu tleih piak asi lai. Nangmah an dotu chu ka do lai le, na fa tla chu ka hum na lai.

ISAI 5:25

LALPA chu a mi le lakah a thinrun le, anmah rêp ding hen a kut a zangh. Tlâng tla â nîn lai le, a thi mi ruak tla chu nâwm pawng hâwi hen khua lâi ah mâk asi lai. Chu khawm ah LALPA thinthawknâk chu a bâng lai lo rih le, anmah rêp ding hen a kut chu a zangh nget lai rih.

ISAI 5:29

An kawrsen tla chu chakeibaknei nih sa a seh mi âukhawm nih suh kholonâk ah a kalpi ving le, a hûk mi hâwi hen hâu an suah.

ISAI 5:5

“Hi hâwi hen ka grep dûm hi ka ti nik kher lai; a kiangah mi dâi ka awnh ver lai le, a kulh vâm tla ka râwk hep lai le, ramsa tla ka eitir na lai le, ka chîltir dip na lai.

ISAI 63:3

LALPA nih a sâng le, “Keimah nih phun tla chu grep hâwi hen ka chîl na le, pakhat khawm hawng ka ṭangpi ding hen an hawng lo. Ka thinthawknâk hen ka chîl na le, ka nipuan lakah an thî â buaih ver asi.

ISAI 63:6

Ka thinthawknâk hen phun tla chu ka lamh na le, ka râwk na. An nungnâk thisen chu tual tlûnah ka thlêt,” a ti.

ISAI 7:17

“LALPA nih na tlûnah, na mi le tla tlûnah, lal dâwngsung tla zawzawng tlûnah Israel ram Juda lakah mi â ṭhennâk thawk hen a hawng tlung mi ngâk a nawknâk zual kâi dauh a hawng tlungtir awt, anih nih chun Asiria lalchem a hawngpi awt.

ISAI 8:4

Chu ngâksia chu ‘Ka nu, ka pa,’ a ti kho lânah Damaska neihnâk zawzawng leh Samaria ah an rawk mi thil zawzawng chu Asiria lalchem nih a put hep lai,” a ti.

ISAI 8:8

Juda ram chu tîlian hâwi hen a hawng nîm lai le, liang tiang a sâng lai le, thil zeizawng a khuh dep lai,” a ti. Pathian chu kan sinah a um! A thla tla a zâr mi nih ram chu a hum.

ISAI 9:17

Churuangah Lalpa nih tlangvâl pakhat khawm a zuah na lai lo le, mi zapi tla chu pathian nei lo leh misual thu sual karo simtu an si ruangah numei leh mipâm tla lak khawm ah lungkhamnâk a nei awtlo. Chu hâwi tluk khawm ah LALPA thinthawknâk chu a dawng awtlo le, sikhawmsele rêp ding hen a kut a zangh nget lai rih.

ISAI 9:19

LALPA Zeizawng tikho chu a thinthawk ruangah, a rêpnâk nih chun ram pumpi mei hâwi hen a khangh le, mi zapi tla a veih na, mikip mah rang chiau asi.

JEREMIA 25:9

‘Marlei mi minung tla zawzawng leh ka to-aw Babulon lalchem Nebukadnezar ka fial na awt. Juda leh a ram sungah mi tla leh a kiangkam ah mi phun zawzawng tla do ding hen ka hawngpi na awt. Hi phun tla leh a kiangkam ah mi tla ka râwk na lai le, sia dep hen ka mâk na lai le, ṭihnungkâi leh lâu khit ding hen a um lai. Kei, LALPA nih ka sim asi.

JEREMIA 3:10

Hi bang zawzawng nûnah, Juda, Israel zumhkâilo unaunu chu ka sinah hawng kîr ding a tum salam mi cho asi le; zumh a kâi lo. Kei, LALPA nih ka sim asi,” a ti.

JEREMIA 34:22

Thu ka pêk na lai le, hi khuapi ah an hawng kîr nawlh lai. An do lai le, an lâk lai le, an duah hep lai. Juda khuapi tla chu minung pakhat khawm umlo mi ramkaro hâwi hen ka tuah lai. Kei, LALPA nih ka sim asi,” a ti.

JEREMIA 4:14

Jerusalem, na thinlung ah mi sualnâk chu ṭâwl rawh, na him khonâk ding hen. Zei tiang riamruam me sualnâk na dawn awt?

EZEKIEL 29:20

A kawrsen tla nih ka rangah rian an ka ṭuan piak ruangah, a rianṭuan man ah Aigupta ram chu ka pêk asi. Kei LALPA Zahkâi nih ka sim asi.

EZEKIEL 38:12

Veikhat siat leh râwk hen um rawh mi zapi minung umnâk khuapi chu na rûn hen na râwk lai. Phun tam tak lakah mi chu anna pûm le, tu chun ranrual tla, thil-le-rî tla an nei le, laikulh lamṭhuam ah an um.

EZEKIEL 38:13

Seba leh Dedan mi tla leh Spain ram ah khuapi ah mi sawlehtu tla nih, ‘Do hen râwk leh rûn ding hen na kawrsen tla na pumh na rawh ma? Ngûn, tangka, ranrual leh thil tla lâk hen thil-le-rî tla zawzawng kalpi na tum ma? ti hen an deih lai,’ ” a ti.

MIKAH 7:10

Chu chu kan mêlma tla nih an muh lai le, “LALPA nan Pathian chu zei ah?” ti hen hawng kan nihsanhtu tla chu an ningzak lai rawh. Tualmâi ah nêngthû hâwi hen lamhbêk hen neh an si mi chu kan muh na lai.

HABAKUK 1:12

LALPA, nang chu a tîr thawk hen Pathian na si. Nang chu zungzâl ka Pathian thenhlimh na si. LALPA, ka Pathian leh hawng ka humtu, Babulon mi tla chu hawng kan rêp ding hen na thîm le, chak tak hen na siam.

ZEKARIA 10:5

Juda mi tla chu râltuknâk ah nehtu kawrsen tla nih khualâi nêngthû lakah an mêlma tla lamhbêktu hâwi an si lai. LALPA chu an sinah a um ruangah an mêlma rang tlûnah a chuan mi tla khawm an neh na lai.

MATHAI 15:7

Mi perpê tla, Isai nih hin nan thu a simkan mi hi thungâi a dik ko!