ISAI 10:3 - Bawm Common Language Bible Version

³ Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

ISAI 10:3 ပူးပေါင်းရင်းမြစ်များ

GENESIS 31:1

Laban fapa tla nih, “Kan pa neih tla chu Jakob nih a lâk hep rawh, a neih zawzawng chu kan pa tâ asi,” an ti mi Jakob nih a theih.

2 Lal 7:15

Chu minung tla chu Jordan tiang an va kal le, Siria tla an tek liauah an thlâu mi nipuan leh thilthuam lampi tluan hen an tawng; an kîr le, lal sinah an simh.

JOB LASUIBU 31:14

Chu hâwi ka ti lo chun, zeitin Pathian lei ka hawi kho lai? Pathian nih ka lakah lâi a rêl tikah zei thu ka sim kho lai?

THUFING LASUIBU 11:4

Na thih ni ah neihnâk chu zeikhawm asi lo. Sikhawmsele zumhkâinâk nih na nungnâk chu a hum kho.

ISAI 13:6

Nganfâk ruangah râk u! Zeizawng tikho nih siat leh râwknâk a hawng tlungtir awt mi ni LALPA ni chu a nâi rawh.

ISAI 17:4

LALPA nih, Israel tla rokualnâk dawng ding ni chu a nâi rawh, a neihnâk chu pâmnâk nih a luah lai.

ISAI 20:6

Chu tik chun, Philistia ram ah um mi tla nih, Asiria lal lianchem thawk hen kan ngauhsan chem mi tla lakah thil a hawng tlung zia hi zauhnik u! Zeitin kan him kho lai rawh?’ a ti.”

ISAI 26:14

Tu chun an thi rawh le, an nung nawlh lai lo rawh; an thlarau khawm a thawk nawlh lai lo rawh, nangnih na rêp na hen na veih na rawh dangâiah. Âukhawm nih an theih na lai lo rawh.

ISAI 26:21

LALPA chu vân ah a umnâk thawk hen tual ah mi tla an sual ruangah rêp ding hen a hawng kal. A thuptê hen tual tlûnah mi thahtu tla khawm a puang lai le, thah hen a um rawh mi tla khawm tual nih a thuh lai lo rawh.

ISAI 28:20

Thufing nih, ihkhun tâwi tuk mi lakah it tumtu nih â zangh awt khawm ah a tâwi tuk, puan â vurh awt khawm ah a ting lo ti mi hâwi nan si lai.

ISAI 29:6

Lâkkhatko ah ruatlo hâwi tak hen LALPA Zeizawng tikho nih ruah tukpi lakah khua a rî mi leh linîn hen ruang a nan suah na lai. Thlipi leh meialh a hawng fial lai le;

ISAI 30:16

Chu hâwi um ding ngangâk hen nan mêlma lakah him ding hen rang chak tak tlûnah chuan ding lam nan tum. Nan dik ngâk, suak ding chu nan tum ding rerêng! Nan rang tla chu chak tâwk ual ding hen nan ruat le, sikhawmsele a nan ṭhâwl natu chu a chak dauh lai.

ISAI 30:5

Juda mi zapi tla nih phun zumhtlâklo tla chu anmah ṭangpi ding hen an zumh mi nih a ṭangpi na kho lo tikah anna sîr lai,” a ti.

ISAI 30:7

Aigupta nih a ṭangpi na mi chu zeikhawm asi lo. Churuangah Aigupta chu ‘Rûlpi Tûr nei lo’ ti hen min telê ka phuah,” a ti.

ISAI 33:14

Zion ah mi misual tla chu lâu hen an thir. “Pathian lâirêlnâk chu mei a alh kumza mi hâwi asi. Chu hâwi mei lakah chun âu kan him kho lai?” an ti.

ISAI 39:3

Churawhchun, khuavâng Isai chu lalchem Hezekiah sinah a va kal le, “Hi bang minung tla hi zei thawk hen hawng me an si, zei thu me na sinah an sim?” ti hen a deih. Hezekiah nih a sâng le, “Ram lât tak Babulon thawk hen hawng mi an si,” a ti.

ISAI 5:14

Laikulh thihnâk chu anmah ruangah a sungvâng le, a kâ kâu tak hen a âng. Jerusalem ah milian tla leh zapi minung râk churmar bû hen an dawlh hep na.

ISAI 5:26

Lât tak a um mi phun tla chu kawh ding hen LALPA nih theihtirnâk a pêk. Tual dawnghnâk ah mi tla hawng ding hen sûrsîk hen a kawh na. Chun hinah chak tak leh rang tak hen an hawng!

JEREMIA 22:7

Râwktu ding hen mi tla ka fial na. An reitlung tla an hawng put lai le, sidar thing phun dawh tak tla chu an hâu lai le, mei ah an paih lai.

JEREMIA 4:30

Jerusalem, na vânduai rawh! Zei rangah puansen hen na thuam? Zei rangah lungsung hen na thuam hen rawng na mit ah na buaih? Zeikhawm silo ding vângah dawh tak hen na siam? A nan duhtu tla nih an hua hen thah ding an duh rawh.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

JEREMIA 9:9

Hi bang tla ruang hin ka rêp na awtlo ma? Hi bang hâwi hen phun tla lakah lehrûl ka sam na awtlo ma? Kei, LALPA nih ka sim asi,” a ti.

HOSEA 5:13

“Israel nih a damlonâk a muh hen Juda nih â liam asi ti a muh tikah chun, Israel chu Siria lal rokual tak ṭangpi deih hen a kal lai le, sikhawmsele anih nih a ṭhattir na hen an mâ tla a damh kho na ding asi lo.

HOSEA 9:5

LALPA zahnâk ding hen kût ni a hawng tlung tikah zei an ti lai rawh ne?

HOSEA 9:7

Rêpnâk ding ni chu a hawng tlung rawh. Mi nih an tawng ding mi an sual man chu an tawng rawh chu chu a tlung tikah Israel nih a theih lai. Hi “Khuavâng hi a â mi asi, hi thu theihtu minung hi a â mi asi,” nan ti. Nannih tla nih chun nan sual a fâk tuktarâi ruangah thungâi nan hawng ka hua.

AMOS 5:19

Mi, chakeibaknei thawk hen a tek le, vawm hen anna tawng mi hâwi mawh, mi in leiah a tlung le, vâm a tham le, rûl nih a chuk mi hâwi bang hen!

MIKAH 7:4

An lakah mi ṭha chem leh zumhkâi chem ti mi khawm belh hâwi hen zeirang khawm an tlâklo. Khuavâng tla mang hen Pathian nih rêp ding hen a simhkan mi ni chu a tlung rawh. Tuah chun anna nawk rawh.

ZEPHANIAH 1:18

LALPA nih a thinthawknâk a hawng langhtir ni ah chun, an tangka leh ngûn tla nih a hum kho na ding asi lo. Tual pumpi chu a thinthawknâk mei nih a râwk lai. Tual tlûnah um mi zawzawng lakah dawngh sawmnâk a hawng tlungtir lai.

LUK 19:44

Na dâwngsung lakah na fa tla, nangmah hen tual ah an lawnh chiam lai; na sungah lung chuanh mi rerêng an zuah lai lo; a nan veh liau na theih lo ruangah chu hâwi ni tla chu na tlûnah a hawng tlung teh lai,” ti hen.

DEUTERONOMY 28:49

Tual dawngnâk ah mi phun an hawlh khawm nan theihlo mi LALPA nih nanmah do ding hen a hawng fial awt. Mupî â thlûr mi hâwi hen a nan nam na lai.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.