ISAI 10:29 - Bawm Common Language Bible Version

²⁹ Liamnâk lampi ah an liam le, Geba ah an riak! Ramah khuapi mi tla chu an lâu le, lalchem Saul khuapi Gibeah mi tla chu an tek ver.

ISAI 10:29 ပူးပေါင်းရင်းမြစ်များ

1 Lal 15:23

Lalchem Asa nih thil a ti mi zawzawng, a râlṭhatnâk hen a ti mi leh khuapi kulh a siam mi zawzawng chu Juda lal thâwngthâng bu ah an rîn. Sikhawmsele a tar nûnah a kezaphah lakah mi râi nih a khêngtir.

JEREMIA 31:15

LALPA nih, “Ramah ah lungfâk tak hen ṭap hâu theih hen a um. Rakil chu a fa tla an um lo rawh ruangah a ṭap le, a thla a ngam kho lo.

HOSEA 10:9

LALPA nih, “Israel mi tla nih Gibeah ah thilsual an tinâk thawk hen bâng duh lo hen an sual vima nget rih. Gibeah râltuknâk ah tleih hen an um lai.

HOSEA 5:8

Gebeah ah râltuknâk tâwtawrâwt tum u! Ramah ah râltuknâk hâu suah u! Bethel ah râltuknâk phuang u! Râltuk u!

HOSEA 9:9

Gibeah ah an um liau hâwitê hen an thilti lakah rinh an kâi lo. Pathian nih an sualnâk chu theih hen a rêp na lai.

JOSUA 21:17

Benjamin ram thawk hen khuapi pali Gibeon, Geba,

1 SAMUEL 10:26

Saul khawm Gibeah khua ah in leiah a tlung bâk rawh. Mi thiltikho, zeimaw mi tla, Pathian nih an thinlung a tawngh na mi a sinah an va kal.

1 SAMUEL 11:4

Mi an fial mi tla chu Saul umnâk Gibeah an va tleng le, thu an theih rawh chun lungdawng hen an ṭap.

1 SAMUEL 13:16

Saul, a fapa Jonathan leh an minung tla chu Benjamin ram ah Geba ah mun an khuar, Philistia mi tla chu Mikmas ah mun an khuar.

1 SAMUEL 13:23

Philistia tla nih chun Mikmas Liamnâk vêngnâk ding hen kawrsen an fial.

1 SAMUEL 14:2

Saul chu Gibeah thawk hen lât chiam lo ah Mikron ah Pomegranate tangah um mun a khuar le; a sinah minung zaruk ding an um.

1 SAMUEL 14:4

Mikmas lei liam ding ah chun Jonathan nih Philistia umnâk mun chu pal ding a suak, lungpi a fawng vut mi panih chu liamnâk khat leikângah pakhat, khat leikângah pakhat an um vevê, pakhat chu Bozez, pakhat dang chu Seneh an ti.

1 SAMUEL 14:5

Pakhat chu liamnâk marlei kângah Mikmas lei hawi hen a um, a dang pakhat chu simlei kângah Geba lei ah hawi hen a um.

1 SAMUEL 15:34

Churawhchun, Samuel chu Ramah leiah a kal le, Saul chu Gilgal mi a in leiah a tlung rawh.

1 SAMUEL 7:17

Chun, a kîr le, a in leiah Ramah khua ah a tlung le, chunah khawm lâirêltu asi. Ramah khua ah LALPA rangah mâichâm a siam.