ISAI 10:26 - Bawm Common Language Bible Version

²⁶ Kei, LALPA Zeizawng tikho nih Midian tla Oreb lungpi ah ka vuak na mi hâwi hen ka vuakfung hen ka vuak na lai. Asiria mi tla chu Aigupta ka rêp na mi hâwi hen ka rêp na awt.

ISAI 10:26 ပူးပေါင်းရင်းမြစ်များ

2 Lal 19:35

Chu zân chun LALPA vânmifial chu Asiria tla riaknâk mun ah a kal le, kawrsen nuaikhat leh sîngriat leh sângnga a thah na. A thaituan khua a dei rawh chun a thi chia hen an rîl phut!

SAM 35:23

LALPA, thawk le, hawng ka vêng; ka Pathian, ka thu hawng ka sim piak.

SAM 83:11

An ruitu le tla chu Orep leh Zeep tlûnah na ti mi hâwi hen ti na; Zebah leh Zalmuna lakah na ti hâwi hen an lâirêltu tla chu neh na.

EXODUS 14:16

Na ṭhianṭhunh kha tleih le, tipi tlûnah lirh; tî a hawng ṭhêk lai le, Israel mi tla chu tual châr tlûnah kal hen tipi an tan kho lai.

ISAI 10:24

LALPA zahkâi Zeizawng tikho rokual tak nih Zion ah um mi, a mi le tla sinah thu a sim le, “Aigupta mi tla nih an ti na mi hâwi hen an nehsawh na khawmsele Asiria mi tla chu ṭih na lah u.

ISAI 11:16

Asiria ram thawk hen lam lian Israel mi thibang tla rangah a hawng um lai, Aigupta an kaltâk liauah an thlâktu tla rangah a um mi hâwi hen.

ISAI 30:30

LALPA nih a lâirêl diknâk chu mikip rangah a theihtir lai le, a thinthawknâk fâk tak a theihtir na lai. Chunah chun, meialh tla, sûmpi tla, rial tla, ruah tukpi tla a hawng um lai.

ISAI 30:31

Asiria tla nih LALPA hâu an theih rawh chun an lâu lai le, a rêpnâk fâk tak an theih lai rawh.

ISAI 30:32

LALPA nih anmah a vuak lemang na liauah a mi tla chu tumphung khuang leh ṭingṭang tum hen an um lai. Pathian amah tak nih Asiria mi tla a do na awt.

ISAI 9:3

LALPA nangnih lâwmnâk rokual tak na pêk na le; Lâwptlo hen na siam na. Mi tla an fângzûn liauah anna lâwm mi hâwi hen mawh râltuknâk ah an kal mi neih anna ṭhen liauah anna lâwm mi hâwi hen thil na ti mi lakah anna lâwm.

ISAI 9:4

An dâr ah vuaknâk fung tla leh an ngâwng khimh rit tak tla na khiak piak na. A lânah Midian kawrsen tla na neh na mi hâwi hen na mi tla nehsawhtu leh naunehtu phun chu na neh rawh.

THUPHUANG 11:18

Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.

THUPHUANG 19:15

Chun, a kâ thawk hen namsâu hâr tak a suak le, chu hen chun phun kip a neh lai, thîr ṭhianṭhunh hen lâi a rêl lai le, Pathian Zeizawng tikho thinrunhnâk fâk tak grep sûrnâk khur ah an sûr lai.

LÂIRÊL 7:25

Midian lal panih Oreb leh Zeeb an tleih le, Oreb chu Oreb Lungpi ah an thah, chun Zeeb chu Grep Sûrnâk Zeeb ah an thah. Midian mi tla chu an ṭhâwl vima na le, Oreb leh Zeeb lû chu Jordan saklei ah um mi Gideon sinah an put.