ISAI 10:22 - Bawm Common Language Bible Version

²² Israel mi tla chu tuah tipi kapah sep hâwi hen tam khawmsele, tâwmtê cho an hawng kîr lai. Siatnâk chu mi zapi tla rangah khawng asi le, an rangah siah ziar hen a um.

ISAI 10:22 ပူးပေါင်းရင်းမြစ်များ

GENESIS 18:25

Sual nei lo mi chu sual nei mi hen bang cho hen na thah rîlmâl lai lo. Chu chu ti kho asi lo! Na thah duh rerêng lai lo. Na hei ti bâk chun, sual nei lo mi chu sual nei mi tla hen munkhat hen rêp an si awt, chu hâwi chu ti kho asi lo. Tual tlûn zawzawngah lâirêltu nih rep tak hen ti ding asi ruangah,” a ti.

1 Lal 4:20

Juda leh Israel tla chu tipi kapah sep rêl châwklo hâwi hen an hawng pung le; an din hen an ei le, lâwptlo tak hen an um.

2 Lal 19:31

LALPA nih hi thil hawng um ding mi a tum mi asi ruangah, a thibang tla chu Jerusalem leh Zion tlângah an um lai.

ISAI 37:31

Juda mi a thibang tla chu thlâi phun hen châwm mi a ram tual thûk takah a thlâk le, a rah a suah mi hâwi asi lai.

ISAI 46:3

“Nannih Jakob thlâk ka mi tla lakah a thibang zawzawng tla, ka thu ngâi u. Na suak liau thawk hen ka nan kilkâwi.

ISAI 48:19

Nan thlâk tla chu sep zat hen an tam lai le, vei lo rawh ding mi an si ti ka theihtir na lai,” a ti.

ISAI 59:20

LALPA nih a mi tla sinah, “Sualnâk kaltâktu zawzawng vêng na ding leh ruang an suah na ding hen Jerusalem ah ka hawng awt.

ISAI 6:11

Kei nih, “Chu hâwi hen zeitiang asi awt, Lalpa?” ka ti. Anih nih a sâng le, “Khuapi â râwk hen a karo asi hen, in tla luahtu umlo hen ram chu râwk dep hen kaltâk asi tiang hen.

ISAI 6:13

Chu lak chun minung parâ lakah pakhattê men um khawmsele veih asi lai. Oak thing hâu mi kung bul hâwi asi lai,” a ti. (A bul nih chun Pathian mi tla a thartê hen dirh ding mi a zauhtir.)

ISAI 60:22

Na dâwngsungkhur tâwm chem leh nâu chem khawm, Phun rokual thiltikho tak an si lai. Tik dik tak a hawng tlung chun ka umtir sawm lai. Kei LALPA kasi!” a ti.

ISAI 65:8

LALPA nih, “Pakhat khawm nih grep ṭha tla an râwk lo, chu ngâk hen chu hen chun uain an siam. Ka mi tla chu ka veih hep na lai lo le, ka nâwl zulhtu tla chu ka hum na lai.

ISAI 8:8

Juda ram chu tîlian hâwi hen a hawng nîm lai le, liang tiang a sâng lai le, thil zeizawng a khuh dep lai,” a ti. Pathian chu kan sinah a um! A thla tla a zâr mi nih ram chu a hum.

JEREMIA 3:14

“Mi zumhkâilo tla, hawng kîr u; ka tâ nan si. Khuapi kip ah mi pakhat vima leh chi kip ah mi panih vima kan lâk na lai le, Zion Tlângah ka nan kîrpi na lai.

JEREMIA 44:28

Sikhawmsele nan lakah mi tâwmtê thi lo mi chu Aigupta ram ah mi chu Juda ram ah nan kîr lai. Churawhchun, a thibang tla nih keimah thu ma a dik anmah thu ma, âu thu a dik an theih lai.

DANIAL 9:27

Chu lâirêltu chu mi tam tak hen kum sarih sung chu remnâk an siam lai le, chu chu hun khingkhuai a kal rawh chun bâwlnâk leh thil ap a khap lai rawh, thil ṭihnungkâi Biakin tlûnah siah hen a um lai le, Pathian nih a rangah a siam piak mi a dawnghnâk tlungtirtu ding mi hen anna tawng tiang chunah chun a um kumza lai.

HOSEA 1:10

Israel mi tla chu tipi mi sep hâwi hen an tam lai le, rêl châwklo leh tah châwklo rê an si lai. Tuah Pathian nih an sinah, “Ka mi tla nan si lo,” Sikhawmsele “Pathian nung fa tla nan si” an ti na ding ni chu a hawng tlung lai.

THILTI 17:31

ni a tiamh ruangah, chu ni ah chun a minung ruat mi tla chu tual ah mi tla rep tak hen lâi a rêl lai; chu chu Pathian nih amah chu mithi lakah mi thawh hen mi zawzawng sinah a theihtir rawh,” ti hen.

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

THUPHUANG 20:8

tual ah phun tla, Gog leh Magog chu perpet ding leh râltuk ding ah pumh na ding hen a suak lai, chubang tla tam zia chu tisumsumriat kapah sep hâwi an si.