ISAI 10:17 - Bawm Common Language Bible Version

¹⁷ Pathian, Israel tla chêunâk chu mei asi lai. Israel Pathian thenhlimh chu meialh ah a hawng a chang lai le, chu nih chun ni khat ko ah thil zeizawng ling leh bua tiang a khangh hep lai.

ISAI 10:17 ပူးပေါင်းရင်းမြစ်များ

SAM 18:8

A nârkua thawk hen meikhû a suah. A kâ thawk hen khanghnâk mei leh meiṭil a suah.

SAM 21:9

A hawng lang tikah meialh fâk tak hâwi hen a veih na lai, LALPA nih a thinthawknâk hen a râwk na lai le, mei hen a veih na lai.

SAM 27:1

LALPA chu ka chêu leh ruangsuahnâk asi. âukhawm ka ṭih lai loh. LALPA nih chun ṭihnungkâi lakah mi a ka hum le; ka ṭih rêng lai loh.

SAM 50:3

Kan Pathian chu dâisip hen a hawng lo; thinthawknâk mei chu a mâi ah a um, thlipi ṭihnungkâi chu a kiangkam ah a um.

SAM 84:11

LALPA chu hawng kan vêngtu leh lal rokual asi, zahnâk leh vêlneihnâk hen mal hawng kan sâwm. Thil dik titu tla rangah zeikhawm thil ṭha sianglo a nei lo.

SAM 97:3

A mâilei ah mei a kal le, a kiangah mi mêlma tla a khangh na.

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

ISAI 27:4

Grep zûn thu ah ka thin a thawk lai lo rawh. Ling leh bua lâwng do ding um mi sele ka duah hep lai rawh.

ISAI 27:7

LALPA nih a mêlma hâwi tluk rak hen chun Israel mi tla chu a rêp na lo, a minung khawm chu tluk rak hen an vei lo.

ISAI 30:33

A lân thawk hen Asiria lal lianchem duahnâk mun mei humpi chu timhtuah asi rawh. A thûk hen a kâu le, thing châr sâng tak an pawng tung. LALPA nih kâng ding hen a kâ mi meialh a thaw hen a hawng suah lai.

ISAI 31:1

Aigupta ah ṭangpi ding sâwm hen va kaltu tla chu an vân a duai! Aigupta râltuk kawrsen tam tak chaknâk rang tla, kari tla leh, kawrsen lakah anna ngauh. LALPA, Israel Pathian thenhlimh lakah a ngauh hen a sinah ṭangpi an deih lo.

ISAI 31:9

An ram lal lianchem chu ningṭih hen a tek lai le, an hotu tla chu an lâu tuk ruangah an râltuk puanzâr tla an tektâk lai,” a ti. Chu chu LALPA Jerusalem ah an sawnh mi leh chunah bâwlnâk ah a mei alh kumza mi nih a sim mi asi.

ISAI 33:12

Lung hawldap siam ding hen a kâng leh a mân mi hâwi leh bua a kâng le, vachâm asi mi hâwi na si lai.

ISAI 33:14

Zion ah mi misual tla chu lâu hen an thir. “Pathian lâirêlnâk chu mei a alh kumza mi hâwi asi. Chu hâwi mei lakah chun âu kan him kho lai?” an ti.

ISAI 37:23

Na zauhnawmh leh na nihsanh mi hi âu si hen na ruat? Kei Israel Pathian thenhlimh na hawng ka zah lo mi asi.

ISAI 37:36

LALPA vânmifial chu Asiria kawrsen riakmun ah a va kal le, kawrsen 185,000 a thah na. Thâizing khua a dei rawh chun an ektê hen an thi hep!

ISAI 47:14

Fapawn tliar hâwi an si lai le, mei nih a khangh hep na lai! Anmah leh anmah khawm anna hum kho lai lo, an rangah mei alh chu a sâ awt tuk, mei chu an rangah nuam tâwk cho hen a lumtirtu asi lai lo.

ISAI 60:19

“Sûn ah Nî chu na rangah chêu asi lai lo rawh, Zân khawm ah thlâpa chu na rangah chêu asi lai lo rawh; Kei, LALPA chu na zungzâl chêu kasi lai le, Ka rokualnâk chêu chu na tlûnah a chêu lai.

ISAI 66:24

“An suak liauah ka lakah hel mi ruak tla an muh lai. Anmah eitu tholung tla a thi lai lo, anmah khanghtu mei khawm a mit lai lo. Minung mitmuh ah fihnungkâi an si lai,” a ti.

ISAI 9:18

Mei nih bualingnei leh bua tla a khangh mi hâwi hen mi zapi sualnâk nih a khangh. Ram a kâng mi meikhû a dîr luai mi hâwi hen a kâng.

JEREMIA 4:4

Nannih Juda mi leh Jerusalem mi tla, ka sinah thudân nan tuk mi chu kil thlir ule, kei nan LALPA lakah hawng a pêk u. Chu hâwi nan ti lo chun thilsual nan ti mi ruangah ka thinthawknâk nih mei hâwi hen an khangh na lai. A kâng lai le, âukhawm mihtu a um lai loh,” a ti.

JEREMIA 7:20

Churuang tak chun, Kei, LALPA Zahkâi nih, hi Biakin ah hin ka thinthawknâk fâk tak ka tawih awt. Ran tla tlûnah leh minung tla tlûnah khawm, thing leh thlâi tla tlûn khawm ah ka tawih awt. Ka thinthawknâk chu âukhawm nih a mih kho lo mi mei hâwi asi lai.

NAHUM 1:10

Banhtu ling leh fapawn a châr mi hâwi hen na kâng hep lai!

ZEPHANIAH 1:18

LALPA nih a thinthawknâk a hawng langhtir ni ah chun, an tangka leh ngûn tla nih a hum kho na ding asi lo. Tual pumpi chu a thinthawknâk mei nih a râwk lai. Tual tlûnah um mi zawzawng lakah dawngh sawmnâk a hawng tlungtir lai.

ZEKARIA 12:6

“Chu tik chun Juda phun tla chu tumun mi mei hâwi hen mawh phâisen a mi fâng min hâwi hen mawh ka siam na lai le, an kiangkam a mi phun tla chu an veih phin na lai. Jerusalem mi tla chu him ziar hen an um lai.

NUMBER 16:35

Churawh chun, LALPA nih mei a hawng fial le, rimthâw pêktu minung 250 chu a khangh hep na.

MATHAI 3:12

A kut hen a zâpnâk a put lai le, a chîlnâk mun ah a zâp phin lai le, a siahnâk ah fâng a râwn lai, a hî lam chu mei mit kho lo hen a duah hep lai.”

DEUTERONOMY 4:24

LALPA nan Pathian chu meialh hâwi asi ruangah; hel mi rêng a saithiam lo.

HEBRAI 12:29

kan Pathian hi mi khanghtu mei asi ruangah.

THUPHUANG 21:23

Chun, chu khua nih chun a cherhtu ding hen nî a herh lo, thlâ khawm a herh lo; Pathian rokualnâk nih a cherh le, an meichêu chu Dawrâ Fa asi.

THUPHUANG 22:5

Chun, zân a um lai lo le, khâwnvâr chêu leh nî chêu a herh lai lo le, Lalpa Pathian chu an chêu asi ruangah, zungzâl hen lâi a rêl lai rawh.