ISAI 10:16 - Bawm Common Language Bible Version

¹⁶ Awrkâ thaw tak hen anna châwm mi tla sinah LALPA zeizawng tikho nih anmah rêp ding hen râi a fial awt. An tak lakah mei mâ hâwi a durh vima lai.

ISAI 10:16 ပူးပေါင်းရင်းမြစ်များ

2 CHRONICLES 32:21

LALPA nih Asiria kawrsen leh an hotu tla thah ding hen vânmifial a fial. Churawhchun, Asiria lal lianchem chu ningzâk bû hen a kîr rawh. Ni khat chu a pathian biakin ah a um liauah a fapa zeimaw mi tla nih an pa Asiria lal lianchem chu an thah rawh.

SAM 106:15

Churawhchun, an deih mi chu a pêk na le, sikhawmsele râi ṭihnungkâi khawm an sinah a fial.

SAM 78:31

Pathian an lakah a thinrun le, an mi chak chem tla a thah le, Israel lakah an tlangvâl ṭha chem khawm a thah na.

ISAI 10:18

Tumun leh phâisen ṭha tak tla chu veih dep asi lai le, chu hâwi ber hen minung damlo hen thihnâk nih minung a veih lai.

ISAI 17:4

LALPA nih, Israel tla rokualnâk dawng ding ni chu a nâi rawh, a neihnâk chu pâmnâk nih a luah lai.

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

ISAI 31:9

An ram lal lianchem chu ningṭih hen a tek lai le, an hotu tla chu an lâu tuk ruangah an râltuk puanzâr tla an tektâk lai,” a ti. Chu chu LALPA Jerusalem ah an sawnh mi leh chunah bâwlnâk ah a mei alh kumza mi nih a sim mi asi.

ISAI 37:29

Na thinthawknâk thu leh na khâwngnâk thu an sim mi tla ka theih le, tulam chun na nâr ah siau kan banh lai le, na kâ ah thirbarh kan barh lai le, na hawngnâk lampi lîlâ ah kan kîrtir nawlh awt,” a ti.

ISAI 37:36

LALPA vânmifial chu Asiria kawrsen riakmun ah a va kal le, kawrsen 185,000 a thah na. Thâizing khua a dei rawh chun an ektê hen an thi hep!

ISAI 5:17

Chu khuapi â râwk mi lakah chun, dawrâ tla nih belh an ei lai le, kêl tla nih belh ningno an tawng lai.

ISAI 8:7

Kei, LALPA nih Asiria lal lianchem leh a mi tla chu Juda tla do ding hen ka hawng put na awt. Eufretis tiva tî a lian le, tiva kâwr khat phak a luang mi hâwi hen an hawng kal lai.

ISAI 9:4

An dâr ah vuaknâk fung tla leh an ngâwng khimh rit tak tla na khiak piak na. A lânah Midian kawrsen tla na neh na mi hâwi hen na mi tla nehsawhtu leh naunehtu phun chu na neh rawh.

ISAI 9:5

Rûntu kawrsen pheikawk tla leh an thisen buaih mi nipuan tla chu mei nih a khangh hep lai.

JEREMIA 21:14

Sikhawmsele thil na ti mi ruangah ka nan rêp awt. Na lal in ka duah lai le, a kiangkam mi zeizawng a kâng ver lai. Kei, LALPA nih ka sim asi,” a ti.

JEREMIA 48:14

“Moab mi tla, râltuknâk ah a nik rawh mi kawrsen râlṭha hâwi hen zeitin mi râlṭha ah na ruat?

EZEKIEL 34:16

“A tlâu mi tla chu ka hâwl na lai le, a vâi mi tla chu ka va khawk na lai, a liam mi tla chu ka tuam piak na lai, a damlo mi chu ka damh lai le; sikhawmsele kei chu dawrâpu thil dik titu kasi ruangah a bit mi leh a chak mi tla ka veih na awt.

NAHUM 1:12

Hi hi LALPA nih a mi Israel sinah thu a sim mi chu asi: “Asiria ni tla chu chak hen tam menza na khawmsele, vei leh tlâu dep hen an um lai. Ka mi tla nganfâk kan pêk na le, sikhawmsele kan pêk na lai lo rawh.

ZEPHANIAH 2:13

Asiria tla veih na ding hen LALPA nih a thiltikhonâk a mang lai. Ninevi khua chu ramkaro râwk rawh mi tî umlonâk mun khuapi ah a siam lai.

ZEKARIA 7:4

Hi hi LALPA thawk hen thuchah ka sinah a hawng tlung mi chu asi:

THILTI 12:23

Chun, anih nih chun Pathian sinah chawnglawmhnâk a pêk lo ruangah Lalpa vânmifial nih lâkkhat ko ah a tleih le, khuprûl nih a ei le, a thi rawh.