ISAI 10:13 - Bawm Common Language Bible Version

¹³ Asiria lal lianchem nih, “Keimah ngelchel nih chubang chu ka ti rawh. Kei chu mi chak leh mifing leh mi fâifîm kasi. Phun tla karah ramri tla ka râwk le, an neih an siah an pumh mi tla chu ka lâk piak na. Chunah um mi tla chu chawchal hâwi hen ka lamhbêk na.

ISAI 10:13 ပူးပေါင်းရင်းမြစ်များ

2 Lal 15:29

Pekah lalchem asi liauah, Asiria lalchem Tiglath Pileser nih Ijon khuapi tla, Abel Beth Maakah, Janoah, Kedes, Hazor leh Gilead ram tla, Galili, Napthali ram tla a lâk le, Asiria ram leiah a mi tleih tla chu a kalpi na.

2 Lal 16:8

Ahaz nih Biakin ah mi leh lal in ah mi tangka leh ngûn a lâk le, lal lianchem Tiglath Pileser sinah a kuat.

2 Lal 17:24

Asiria lal lianchem nih Babulon ram ah khuapi tla, Kuth, Ivah, Hamat leh Sepharvaim ah mi mipi tla chu Samaria khuapi ah Israel sal ah an put na mi mun ah a umtir na. Chu khuapi ah mun an khuar le, an um.

2 Lal 17:6

chu chu Hoshea lâirêl kum kuanâk asi. Asiria lal lianchem nih Samaria a lâk le, Israel tla chu a tleih na le, Asiria leiah a put na, a zeimaw mi chu Halah khuapi ah an um, a zeimaw mi chu Gozan ram Habor Tiva kiangah an um, a zeimaw mi chu Media khuapi tla ah an um.

2 Lal 18:11

Asiria lal lianchem nih Israel tla chu Asiria leiah sal ah a put na le, a zeimaw mi chu Halah khuapi ah an um, a zeimaw mi chu Gozan ram ah Habor Tiva kiangah an um, a zeimaw mi chu Media khuapi tla ah an um.

2 Lal 18:15

Hezekiah nih Biakin ah mi leh lal in ah mi tangka tla chu a kuat;

2 Lal 18:32

hinah nanmah ram ah mi hâwitê hen hi ram an luahtir na ding mi lakah grep tla, sang rang ding mi fâng tla, ram lakah oliv sariak, khuaitizû tla umnâk ah an umtir na lai. Thu an pêk na mi zia nan ti chun nan thi lai lo le, nan nung lai. Hezekiah nih LALPA an hum natu ding ah ruat ding hen an âttir lah na seh.

1 CHRONICLES 5:26

Churuangah Asiria lal lianchem Pul (Tiglath Pileser khawm an ti) nih an ram a rûn. Reuben phun, Gad, saklei mi Manaseh tla chu sal ah a kalpi na le, Halah, Habor, Hara leh Gozan Tiva kiangah a umtir na.

THUFING LASUIBU 28:11

Minei tla chu fing hen anna rêl le, sikhawmsele mipâm umdân ding theihthiamnâk neitu chu a ṭha dauh.

ISAI 10:8

“Thupêktu ka siam na mi vial chu lalchem an si ver.

ISAI 5:21

Râwk leh siat hen na um rawh! Fing leh theih hen na ruat.

JEREMIA 46:8

Nile tiva a lian mi hâwi leh, tiva a kâwr khat phak hen lian mi hâwi chu Aigupta asi. Aigupta nih, ‘Ka thawk lai le, laikulh ka khat lai; khuapi leh a sungah mi minung ka veih dep lai.

JEREMIA 48:14

“Moab mi tla, râltuknâk ah a nik rawh mi kawrsen râlṭha hâwi hen zeitin mi râlṭha ah na ruat?

EZEKIEL 25:3

Kei, LALPA Zahkâi nih thu ka sim mi ngâi ding hen simh na: Ka Biakin nawmh hen a um mi muh chu nan duh zia asi, Israel ram râwk hen a um mi muh khawm nan duh zia, Juda sal ah kal mi muh khawm nan duhzia asi.

EZEKIEL 26:2

“Thikho mi minung, hi hi Tura khuapi mi tla lawmhnâk chu asi. ‘Jerusalem khuapi chu a râwk rawh! A sâwlehnâk thiltikhonâk khawm a vei rawh! Hawng kan dotu asi lai lo rawh!’ ti hen an âu.

EZEKIEL 29:3

Hi hi LALPA Zahkâi nih Aigupta lalchem sinah thu a sim mi chu asi: Kei chu na mêlma kasi le, nang chu tiva ah bawk mi tisârtâm lian tak na si. Nile va chu nang mah siam mi leh na tâ hen na sim.

EZEKIEL 35:13

Ka tlûnah siarlo tak hen na khâwng zia tla ka theih,” a ti.

DANIAL 4:27

Churuangah Bâwipa, ka thusim hi ngâi rawh. Sual thilti bâng le, thil dik ti rawh, mipâm tla lakah khuaruat. Chu tikah na sul-le-lam a tluang lai,” a ti.

DANIAL 4:30

“Babulon hi a rokual châwk a! Ka thiltikhonâk leh ka chaknâk, ka rokualnâk leh ka lalnâk a langnâk ding hen ka khuapi rangah ka siam mi asi,” a ti.

AMOS 5:27

Damaska khua lanh leiah sal ah kan kalpi na tikah chubang milem tla chu nan kalpi lai,” a ti. LALPA, a min Zeizawng tikho, Pathian nih a sim mi asi.

AMOS 6:13

Lodebar khuapi nan lâk ruangah nanna khâwng. “Karnaim lâk ding hen kan chak tâwk rerêng,” ti hen nanna zûm.

HABAKUK 1:11

Thli râng hâwi hen an phiat le, an kal ving, chubang minung tla chu an thiltikhonâk chu an pathian asi,” a ti.

HABAKUK 1:16

An lên tla chu an sawnh le, bâwlnâk an ap. An lên tla nih thil ṭha chem a pêk na ruangah.

HABAKUK 2:6

Neh hen an um mi tla nih anmah nehtu tla chu an zauhnawmh na lai le, an siar na lonâk an langh lai, “Na tâ silo mi chu na lâk le, sikhawmsele na vânduai rawh! Na sinah leibattu tla zângran ko a sam tir hen zei chan me neih leh siah hen na um awt?” an ti na lai.

DEUTERONOMY 8:17

Churawhchun, nanmah thiltikhonâk leh chaknâk hen neih-le-siah hen um ah nanna ruat lonâk ding hen.

LÂIRÊL 7:2

LALPA nih Gideon sinah, “Midian tla neh na ding hen ka rangah na minung put a tam tuk. Anmah nih neh hen anna ruat lai le, ka thang an ṭhattir lai loh.