ISAI 10:12 - Bawm Common Language Bible Version

¹² Sikhawmsele, Lalpa nih, “Zion Tlângah leh Jerusalem ah thil ka ti mi ka lîm tikah, Asiria lal lianchem zûm hen â khâwng mi chu ka rêp lai ” a ti.

ISAI 10:12 ပူးပေါင်းရင်းမြစ်များ

2 Lal 19:31

LALPA nih hi thil hawng um ding mi a tum mi asi ruangah, a thibang tla chu Jerusalem leh Zion tlângah an um lai.

SAM 18:27

 nâutir mi tla chu ruang na suah le, anna zûm mi na nâutir.

SAM 21:10

An thlâk tla pakhat khawm rian an ṭuan lai lo, Lal nih a thah hep na lai.

SAM 76:10

Minung tla thinthawknâk chu nangmah sawr tawngnâk cho asi.

SAM 76:5

An kawrsen râlṭha neih zawzawng chu an suh piak hep na le; tu chun mithi itnâk ah an it hep le; an chaknâk leh an thiamnâk zawzawng chu mang a tlâk lo rawh.

THUFING LASUIBU 21:4

An perpetnâk leh an mi siarlonâk nih misual tla chu neh hen an um lai le, chu hâwi chu sualnâk asi.

THUFING LASUIBU 30:13

A zeimaw mi chu ṭha thlo hen anna ruat, ṭha thlo hen anna ruat châwk a!

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

ISAI 2:12

Chu ni ah chun LALPA zeizawng tikho nih mikip thiltikho tla, mi puar tla, mi zûm tla a nâutir na lai.

ISAI 24:21

LALPA nih tlûnlei mi thiltikhonâk leh tual tlûnah lâirêltu tla a rêp na ding mi tik a tlung awt rawh.

ISAI 27:7

LALPA nih a mêlma hâwi tluk rak hen chun Israel mi tla chu a rêp na lo, a minung khawm chu tluk rak hen an vei lo.

ISAI 27:9

Sikhawmsele Israel sualnâk chu lunglo tla mâichâm sangvut hâwi hen rial dip asi tik leh rimthâw mâichâm mawh pathiannu Aserah lem pakhat khawm zuah lo asi tikah ngaihdam asi lai.

ISAI 29:14

Churuangah ruat lo hâwi tak hen lâu khit hen ka vuak nûnah ka vuak nawlh na lai. Mifing si mi tla chu mi â an hawng si lai le, an finghnâk zawzawng tla chu mang tlâk asi loh,” a ti

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

ISAI 37:23

Na zauhnawmh leh na nihsanh mi hi âu si hen na ruat? Kei Israel Pathian thenhlimh na hawng ka zah lo mi asi.

ISAI 37:29

Na thinthawknâk thu leh na khâwngnâk thu an sim mi tla ka theih le, tulam chun na nâr ah siau kan banh lai le, na kâ ah thirbarh kan barh lai le, na hawngnâk lampi lîlâ ah kan kîrtir nawlh awt,” a ti.

ISAI 5:15

Mikip ningzak hen an um lai le, â zûm mi zawzawng tla khawm an nâu lai rawh.

ISAI 50:11

Nannih midang tla veih ding hen phiartu zawzawng tla, nanmah phiarnâk nih a nan veih na lai. Hamh tak hen thihnâk nan tuar ding mi chu LALPA nih a hawng tlungtir lai.

ISAI 65:7

sikhawmsele anmah leh an thlâktu tla sual man ka pêk na awt. Lunglotu tla mi thenhlimh thlân tlângah rimthâw tla an duah le, an ka sâwi. Churuangah a lânah an thilti lakah a dêng tâwk hâwi hen ka rêp na awt,” a ti.

ISAI 9:9

Israel mikip Samaria khuapi ah um mi zawzawng nih a ti ngâk mahi ti an theih teh lai. Tu lam chun anna zûm hen anna ûngtir.

JEREMIA 25:29

Keimah khuapi thawk hen ka râwknâk rian chu ka dawmh awt. Rêp lo hen suak ding ma anna ruat? Si rilmâl lo, rêp an si ngelchel lai, tual tlûnah mi zawzawng tlûnah râltuknâk ka tlungtir awt ruangah. Kei, LALPA Zeizawng tikho nih ka sim asi.

JEREMIA 50:18

Churuang chun, Kei, LALPA Zeizawng tikho Israel Pathian nih Babulon lalchem Nebukadnezar leh a ram chu Asiria lal ka rêp mi hâwitê hen ka rêp awt.

JEREMIA 50:32

Phun zûm takah na ruat mi chu na suih lai le na tlû lai, âukhawm nih ṭangpi hen an thawh lai lo. Na khuapi tla ka duah lai le, a kiangkam ah mi thil zeizawng râwk hen a um lai,” a ti.

EZEKIEL 31:10

“Tuah, kei, LALPA Zahkâi nih chu thing vândâwm tawngh khettu lakah thil a hawng tlung ding mi chu ka nan simh lai. Sâng dadauh hen a ṭhang le â zûm dadauh;

EZEKIEL 31:14

Tu thawk hen zei thing khawm tî hen ṭha tak châwm mi chu hâwi tluk a sâng hen ṭhang mi a pâr nih vândâwm phanh khet a sâng mi chu a um lai lo rawh. Thikho mi minung tla laikulh thihnâk mun ah an kal mi hâwi hen an ektê hen thi ding hen an vânduai rawh,” a ti.

DANIAL 11:45

A lal puanin tla khawm Biakin tlâng leh tipi karah a zâr lai. Sikhawmsele chunah âukhawm ṭangpitu umlo hen a thi lai,” a ti.

DANIAL 4:37

“Tu chun, kei Nebukadnezar nih Vân Lalchem chu ka sawr hen ka zah hen ka chawnglawmh rawh. Thil a ti mi zawng chu a dik hen a rep, zûm tak hen thil titu tla chu âuzawng a nâutir kho,” a ti.

NUMBER 24:24

Rûntu tla chu Kupra thawk hen an hawng lai le; Asiria leh Eber an neh lai, sikhawmsele, annih khawm an kîr leiah an vei pawt lai,” a ti.

MATHAI 12:33

“Thing chu a ṭha, a rah khawm a ṭha nan ti lo dâidua chun, thing chu a sia, a rah khawm a sia ti dâidua u; thing chu a rah lakah â theih ruangah.

MATHAI 15:19

Thinlung ah hin dawnnâk sual tla, mi thahnâk tla, ṭângdang pawmnâk, duhnâk, fîrnâk, phiarnâk, simsiatnâk tla a hawng suak tâwn.

DEUTERONOMY 32:27

Sikhawmsele, ka mi tla an neh na ruangah an mêlma tla chu an lakah putso hen ka umtir na awtlo. Keimah nih ka râwk na mi an si ruangah.’

1 PETER 4:17

Lâirêlnâk dawmh ding hen tik chu a hawng tlung rawh, chun Pathian mi tla chu lâirêl piak masa ding asi. Kanmah lakah â dawmh chun Pathian thawk hen Thâwngthâng Ṭha lunglotu tla dawnghnâk chu zei hâwi dek asi lai?