ISAI 10:1 - Bawm Common Language Bible Version

¹ Râwk leh siat hen na um rawh! Dân diklo tak hen nan siam le, ka mi tla nan nehsawh.

ISAI 10:1 ပူးပေါင်းရင်းမြစ်များ

1 Lal 21:13

Chu mirualo panih chu zatlâng theih hen Pathian leh lal simsâwitu asi ti hen an phiar. Churuangah khuapi lênglei ah an suah le, lung hen thi thlo hen an seh.

SAM 58:2

Rêl lo e! sualnâk na ti kho mi karo na dawn le, ram tla nan râwk.

EXODUS 23:3

Mipâm khawm a thunawk lakah ṭanh khun lah.

EXODUS 23:6

“Mipâm chu lâirêlnâk ah diklo hen lâirêl piak lah.

ISAI 29:21

Midang simsâwitu tla, dân buartu tla rêp ding mi khaptu, mi zumhkâi nih diknâk tawng lo ding hen âwkrâwl thusimtu tla chu Pathian nih a veih na lai.

ISAI 3:11

Sikhawmsele misual chu siat leh râwk hen an um le; midang tlûnah thil an ti mi tla chu anmah tlûnah ti hen a um lai.

ISAI 3:14

LALPA nih a mi le tla lakah upa leh ruitu tla chu lâirêl piak na ding hen a put na. Hi phiarnâk hi a siam: “Mi grep dûm tla nan va rawk le, mipâm thil nan lâk mi hen nan in tla nan khattir.

ISAI 5:11

Râwk leh siat hen na um rawh! Zîngtê na thawk le, zû din na dawmh le, zânlei tiang hen na rî.

ISAI 5:18

Râwk leh siat hen na um rawh! Na sualnâk lakah mi suak kho na si lo rawh.

ISAI 5:23

Sikhawmsele nawhnâk ruangah misual chu dik hen na siam, midik lam chu a dik sual lebang lai ti hen na vêng rêt.

ISAI 5:8

Râwk leh siat hen na um rawh! Na nei rawh mi sap singsuan ding hen phâisen leh in tla na châwk. Sâwtlotê ah hi mun ah âumawh an hawng um ding hen mun a um lai lo le, nangmah cho ram lakah na um lai.

ISAI 59:13

Na lakah kan hel le, kan nawng le, a nan zûl ding kan êl. Midang rangah kan nehsawh le, kâng dang leiah kan hawitâk. Kan thinlung dawn khawm a diklo rawh, kan thusim tla khawm âwkrâwl asi.

ISAI 59:4

Lâirêlnâk in ah nan va kal le, sikhawmsele nanmah leiah diknâk nan nei lo. Nan thunawk lakah âwkrâwl thusim hen neh ding nan tum. Nan thiltum chu midang rangah nganfâk pêk ding nan awt.

JEREMIA 22:13

Diklo tak hen a in saktu leh zumhkâilo hen kâutirtu; a ram mi minung an rianṭuan man pêk lo hen zeikhawm lo hen rianṭuantirtu chu a vânduai asi.

AMOS 2:7

Mi chaklo leh ṭangpi nei lo chu an lamhbêk na le, mipâm tla lampi ah mi chu an tul ving na. Mi nih an pa fa hen an salnu chu an ihpi le, ka min thenhlimh an nawmh.

MIKAH 6:16

Lal Omri thilsual ti dân leh a fapa lal Ahab thilsual ti dân nan zûl ruangah chubang chu a hawng tlung lai. An thilti dân nan châwng vima ruangah siatnâk ka hawng tlungtir lai le, mikip nih an zauhnawmh na lai. Munkip mi nih an siar na lai lo rawh.

HABAKUK 2:12

Dân buar hen khuapi tla na dirh le, mi thah hen in tla na sak ruangah na vânduai rawh.

HABAKUK 2:15

Na thinrunnâk hen na zâwlbâwm tla chu na nâutir na le, ningzak na saih na. Zurî hâwi hen na hâwrtir na.

HABAKUK 2:19

Thing pheltê sinah, “Meng” mawh, thing tan sinah, “Thawk!” na ti mi ruangah na vânduai rawh! Milem nih zei thil me a langh? Tangkasa leh ngûn hen luanh mi sikhawmsele, amah lakah nungnâk a um lêm lo.

HABAKUK 2:6

Neh hen an um mi tla nih anmah nehtu tla chu an zauhnawmh na lai le, an siar na lonâk an langh lai, “Na tâ silo mi chu na lâk le, sikhawmsele na vânduai rawh! Na sinah leibattu tla zângran ko a sam tir hen zei chan me neih leh siah hen na um awt?” an ti na lai.

HABAKUK 2:9

Zângran ko hen mi thil lâk piak hen na dâwngsungkhur neihnâk na siam le, tuarnâk leh ṭihnungkâi lakah na in sungkhur chu hum ding na tum ruangah na vânduai rawh!

MATHAI 11:21

“Korazin, na tlûn a pit, Betsaida, na tlûn a pit, nan lakah thilchê ti mi tla kha Tura leh Sidon ah ti si sele, salâpuan aih hen valeidip nâwngah to hen an rim ving lai rawh.

MATHAI 23:23

“Nannih Dân sîntirtu leh Farisai perpê tla, nan tlûn a pit! Pudina tla, mohuri tla, zira tla chu parâ lû ah pakhat nan pêk tâwn le, Dân thu pawiherh dauh-- repnâk, khuaruatnâk leh zumhkâinâk tla chu nan dâithlanh tâwn. Chubang tla chu asi nan ti ding mi chu, a dang tla chu tlawlh lêm lo hen.

MATHAI 23:27

“Dân sîntirtu leh Farisai perpê tla, nan tlûn a pit! Thlân ngo tîk hen bawih mi, lênglei ah dawh tak a lang, a sunglei lam chu mithi ruh tla leh nâwmtâm kip hen khat mi hâwi chu nan si.

MATHAI 23:29

“Nannih Dân sîntirtu leh Farisai perpê tla! Nan tlûn a pit! Khuavâng tla thlân in tla nan sak le, mirep thlân tla khawm nan thuamh;

MATHAI 26:24

Minung Fapa hi a thâwngthâng an rîn hâwitê khan a kal awt asi. Sikhawmsele, Minung Fapa tleihtirtu ding minung tlûn chu a pit! Chu minung chu suak lah sele a rangah a ṭha dauh lai,” ti hen a sâng.

LUK 11:52

“Nannih Dân sîntirtu tla, nan tlûn a pit! Finghnâk renh chu nan lâk ving le; nannih tâ nih nan lût lo, mi lût ding khawm nan kham thlo,” a ti.

JOHAN 19:6

Chun, bâwlpu lal tla leh vêngtu tla nih chun amah an muh kâ hen an âu le, “Kraws ah khenhbêk rawh! Kraws ah khenhbêk rawh!” an ti. Pilat nih an sinah, “Nanmah nih kalpi ule, kraws ah khenhbêk u; kei lam nih chun zeikhawm a sualnâk ka muh lo,” a ti.

JOHAN 9:22

Juda le an ṭih ruangah a nu leh a pa nih chun, chubang thu chu an sim asi. Juda tla nih chun âuzawng nih, “Anih chu Mesia asi,” ti hen ṭanhtu chu pumhnâk in ah mi nar asi lai ti hen rem an ti chia khap asi.

JUD 1:11

An tlûn a pit! Kain lampi chu an zûl le, lawh uh hen Balaam sual lampi chu an zûl le, Kora a hel mi hâwi hen an hel le, amah hâwi hen veih hen an um rawh.