ISAI 1:9 - Bawm Common Language Bible Version

⁹ LALPA zeizawng tikho nih a thibang zeimaw mi zuah na lah sele chu Jerusalem chu Sodom leh Gomorah hâwi hen râwk dep hen a um lai.

ISAI 1:9 ပူးပေါင်းရင်းမြစ်များ

GENESIS 18:26

LALPA nih, “Sodom khua ah sual nei lo mi sâwmnga ka tawng chun, anmah ruangah khuapi chu ka zuah lai,” ti hen a sâng.

GENESIS 18:32

Abraham nih a sinah, “LALPA, na thinrun lah le, veikhat ka sim nawlh lai rih. Para cho tawng si sele te ne?” a ti. “Para khawm an um asi chun khuapi chu ka veih lai loh,” a ti.

GENESIS 19:24

Lâkkhatko ah LALPA nih Sodom leh Gomorah khuapi tlûnah chun kât alh a sûrtir le, tivakuam tla,

1 Lal 19:18

Israel ram ah Baal mâika ah kûn lo mi leh a lem châwchawk lo mi ka lakah mi zumhkâi tla mi sâng sarih an dam rih,” a ti.

2 Lal 19:4

Asiria lal lianchem nih Pathian nung siarlo hen a rianṭuantu lakah mi hotu chem a hawng fial. LALPA na Pathian nih hi bang zauhnawmhtu chu theih sele, chubang hâwi thusim tla chu theih sele rêp na seh. Churuangah kan minung a thibang tla rangah thlacham rawh,” a ti.

ISAI 1:8

Jerusalem chu mâk hen a um le, khuapi hual mi lakah grep dûm ah vêngtu umnâk basâ mawh chawngma phâisen ah mi basâ vêngtu nei lo hâwi asi.

ISAI 11:11

Chu ni a hawng tlung tikah chun Lalpa nih Asiria ram ah leh Aigupta ram ah um rih mi tla, Pathros, Sudan, Elam, Babulon, Hamat ram ah um mi leh tiva kapah um mi leh tikulh lakah um mi tla, kîrpi nawlh na ding hen a thiltikhonâk veikhat a mang nawlh lai.

ISAI 11:16

Asiria ram thawk hen lam lian Israel mi thibang tla rangah a hawng um lai, Aigupta an kaltâk liauah an thlâktu tla rangah a um mi hâwi hen.

ISAI 17:6

Mi tâwmtê cho a thibang an um lai le, Israel chu oliv thing a rah zawzawng kawih hep hen a tlûnlei ah a ṭeng pâr ah a rah panih pathum um mi mawh a tanglei ṭeng ah tâwmtê a um mi hâwi asi lai. Kei, Israel LALPA Pathian nih chu chu ka sim asi,” a ti.

ISAI 24:13

Hi hi laikulh pumpi phun kip sinah a tlung ding mi asi. Fâng zûn dih rawh mi, oliv kung kip ṭet phin vuak rawh mi leh grep zûn ah a rah kawih thluh rawh mi hâwi asi lai.

ISAI 24:6

Churuang chun Pathian nih tual chu siat a barh. A minung tla chu an thilti man pêk asi. An dam mi tla khawm an tâwm dadauh.

ISAI 37:4

Asiria lal lianchem nih a milian chu Pathian nung simsiat ding hen a hawng fial. LALPA na Pathian nih hi bang simsiatnâk hi theih sele, chu hâwi hen thusimtu tla chu rêp na seh. Churuangah a thibang kan mi le tla rangah Pathian sinah thlacham rawh,” an ti.

ISAI 46:3

“Nannih Jakob thlâk ka mi tla lakah a thibang zawzawng tla, ka thu ngâi u. Na suak liau thawk hen ka nan kilkâwi.

ISAI 6:13

Chu lak chun minung parâ lakah pakhattê men um khawmsele veih asi lai. Oak thing hâu mi kung bul hâwi asi lai,” a ti. (A bul nih chun Pathian mi tla a thartê hen dirh ding mi a zauhtir.)

ISAI 65:8

LALPA nih, “Pakhat khawm nih grep ṭha tla an râwk lo, chu ngâk hen chu hen chun uain an siam. Ka mi tla chu ka veih hep na lai lo le, ka nâwl zulhtu tla chu ka hum na lai.

JEREMIA 23:14

Sikhawmsele, Jerusalem khuavâng bilik nih an sual khun mi ka muh: ṭângdang pawmtâk hen âwkrâwl thu tla an sim; thil diklo ti ding hen mi tla an ṭangpi na, Mi âukhawm nih thilsual ti an bâng lonâk ding hen. Kei rangah an ṭhatlo zia chu an ektê hen Sodom leh Gomorah mi tla hâwi hen an ṭhalo.

JEREMIA 42:2

“Zângfahtê hen kan deih mi chu hawng kan ti piak! LALPA, kan Pathian sinah thla hawng kan cham piak. A vei bang tla zawzawng rangah thla hawng kan cham piak. Na kan muh mi hâwi hen veikhat rangah chun tam tak kan si le, tu lam chu tâwmtê cho kan si rawh.

JEREMIA 50:20

Chu tik chu a hawng tlung chun Israel lakah leh Juda lakah sualnâk leh ṭhatlonâk muh asi lai lo rawh, an nungnâk ka zuah na mi tla chu ka ngaihdam na awt ruangah. Kei, LALPA nih ka sim asi,” a ti.

LUNGFÂKNÂK 3:22

LALPA dâwtnâk leh khuaruatnâk chu tlawlh dahlo hen a um vima.

LUNGFÂKNÂK 4:6

Ka mi tla nih Sodom khua mi tla ngâk hen rêp an tuar fâk dauh le, chu tla chu lâkkhatko ah Pathian kut hen niamh ving hen an um.

EZEKIEL 14:22

Âutal a thibang nih a fa tla a hum hen na sinah an hawng tikah zauh na. An sual zia tla zauh le, Jerusalem tlûnah rêpnâk ka tlungtir mi chu a dik ti theih rawh;

EZEKIEL 6:8

“Thahtu tla lakah mi zeimaw mi chu ka hum na lai le, chunah sal ah an tângnâk phun tla lakah rekrâwi hen an um lai.

JOEL 2:32

“Jerusalem ah mi zeimaw mi tla, keimah nih ka thîm na mi tla chu an âwl lai,’ ” ti hen LALPA nih a sim mi hâwi hen.

AMOS 4:11

“Nan lakah mi zeimaw mi chu Sodom leh Gomorah mi hâwitê hen ka veih na. Nan lakah a thibang tla chu ṭhianṭhunh mei nih a khangh mi lakah thuak mi hâwi nan si. Chu khawm ah ka sinah nan hawng kîr lo nget rih,” LALPA nih a ti.

HABAKUK 3:2

LALPA, thil na ti mi ka theih le, lâunâk hen ka khat. Tuah kanmah san ah ti ding na tum mi thil rokual tak chu ti rawh. Thinrun khawm le, khuaruat.

ZEPHANIAH 2:9

Kei, Israel Pathian nung tak kasi ruangah Moab leh Amon chu Sodom leh Gomorah hâwi hen ka veih na awt ti ka tiam asi. Chitê khur ah â chang lai le, belh nih khuh dep hen a râwk kumza lai rawh. Ka mi a thibang tla nih an ram chu rûn hen an lâk piak na lai.

MATHAI 7:14

Nungnâk ah kalnâk kawtkâ chu a bî le, a lam khawm a tawr le, a tawngtu tla khawm tâwmtê an si.

ROM 9:27

Isai khawm nih Israel tla thu a phuang le, “Israel tla chu tisumsumriat ah sep zat hen tam khawmsele, a rêp bang cho chu ruangsuah hen an um lai.

ROM 9:29

Isai ber nih, “Thiltikho Lalpa nih chun chi thlâktu hawng kan zuah piak lah sele chu Sodom khua hâwi hen kan um lai rawh, Gomorah khua hâwi hen siam hen kan um lai rawh,” ti hen a simkan hâwi khan.

DEUTERONOMY 29:23

Phâisen tla chu a karo hen a um lai le, kât leh chitê nih a tuam lai; zeikhawm chîng asi lai lo le, belh tiang a kho lai lo. Nan khuapi tla chu Sodom leh Gomorah, Admah leh Zeboim a thinthawk fâk liauah LALPA nih a râwk mi hâwi asi lai.

2 PETER 2:6

Pathian nih Sodom leh Gomorah khua tla chu Pathian sunhsaklotu tla tlûnah thil a hawng lang ding mi zauhtirnâk ah siam hen mei ah veih hen an um rawh.

THUPHUANG 11:8

Chun, an ruak chu an Lalpa an khenhbêk mi khua rokual zâwllâi ah an siah lai le, chu khua rokual zauhtirnâk ah chun Sodom, mawh Aigupta ti asi.