ISAI 1:7 - Bawm Common Language Bible Version

⁷ Na ram chu râwk hen a um le, na khuapi tla chu tual ah duah hen a um. Na zauh ko liauah ramdang minung nih na ram an lâk le, thil zeizawng an râwk hep.

ISAI 1:7 ပူးပေါင်းရင်းမြစ်များ

2 CHRONICLES 28:5

Ahaz chu LALPA a Pathian lakah thilsual a ti ruangah Siria lal nih neh hen a um le, Juda mi tam tak Damaska ah sal ah a put na. LALPA nih Israel lalchem Pekah, Remaliah fapa chu Ahaz nehtu ah a siam le, ni khat kar lakah Juda kawrsen râlṭha chem tla, nuai khat leh sîng nih thah hen an um. An thlâktu tla LALPA Pathian chu an kaltâk ruangah chubang hâwi hawng tlung ding chu Pathian nih rem a ti asi.

SAM 107:34

Chunah um mi tla sualnâk ruangah ramkaro ah mi tual chu a altir.

SAM 107:39

Pathian mi tla chu neh hen an um liau chun Nâunehnâk leh tuarnâk fâk tak hen thinlung nâutirnâk a pêk na.

SAM 109:11

A lei taih mi pa nih a neih zawzawng lâk piak hep seh; a ṭuan tha zawzawng chu khual nih a ting hep seh.

ISAI 1:8

Jerusalem chu mâk hen a um le, khuapi hual mi lakah grep dûm ah vêngtu umnâk basâ mawh chawngma phâisen ah mi basâ vêngtu nei lo hâwi asi.

ISAI 3:8

Asi, Jerusalem chu â râwk rawh! Juda chu a tlû rawh! An thusim leh an thilti zawzawng chu LALPA donâk hep asi; fiang tak hen Pathian khawm an siarlo.

ISAI 34:9

Edom ram ah tiva tla chu lawngnâi ah â chang lai le, a tual tla chu kât ah â chang lai. Ram pumpi chu lawngnâi hâwi hen a alh lai.

ISAI 49:19

“Na ram tla chu a râwk hen a karo hen a um le, Sikhawmsele, tu lam chun um ding hen a hawng kal. Mi tla rangah a mê awt tuktarâi rawh. Nanmah siat leh râwktu chu, nan sinah mi ram lât takah ṭhial an si lai rawh.

ISAI 5:17

Chu khuapi â râwk mi lakah chun, dawrâ tla nih belh an ei lai le, kêl tla nih belh ningno an tawng lai.

ISAI 5:9

LALPA Zeizawng tikho nih thu a sim mi ka theih, “Hi bang in lian pipi leh ṭha tatak tla hi a karo hen a um lai.

ISAI 6:11

Kei nih, “Chu hâwi hen zeitiang asi awt, Lalpa?” ka ti. Anih nih a sâng le, “Khuapi â râwk hen a karo asi hen, in tla luahtu umlo hen ram chu râwk dep hen kaltâk asi tiang hen.

ISAI 60:15

“Kaltâk leh huat hen um mi, khuapi râwk leh a karo hen Um mi na si lai lo rawh. Zungzâl hen lâwmnâk mun, rokual tak leh dawh tak hen ka nan siam lai.

ISAI 62:8

LALPA nih thutiam bir tak a siam le, A thiltikhonâk hen a zulhpeh vima lai: “Nan fâng tla chu na mêlma tla tî-le-râwl rangah asi lai lo rawh. Ramdang mi nih nan uain hâng an din lai lo rawh.

ISAI 64:10

Na khuapi thenhlimh tla chu a karo hen a um: Jerusalem chu râwk dep hen a um,

ISAI 9:18

Mei nih bualingnei leh bua tla a khangh mi hâwi hen mi zapi sualnâk nih a khangh. Ram a kâng mi meikhû a dîr luai mi hâwi hen a kâng.

ISAI 9:5

Rûntu kawrsen pheikawk tla leh an thisen buaih mi nipuan tla chu mei nih a khangh hep lai.

JEREMIA 2:15

Chakeibaknei hâwi hen an hûk rawh; a ram chu a karo hen an siam le, a khuapi tla chu râwk hen kaltâk phin hen a um.

JEREMIA 4:7

Chakeibaknei â thupnâk mun ah mi a hawng mi hâwi hen, phun tla râwktu a hawng suak rawh. Juda tla râwk ding hen a hawng kal. Juda khuapi tla chu râwk dep hen kaltâk asi lai le, a sungah pakhat khawm an um lai lo.

JEREMIA 44:6

Churuangah, ka thinthawknâk leh ka thinrunhnâk chu Juda khuapi tla leh Jerusalem khua zâwllâi ah ka thlêt le, mei hen ka duah na. Râwk dep hen an um le, muhnâk ah lâu kâi rê hen tu chun an um rawh.

JEREMIA 6:8

Jerusalem mi tla, hi bang nawknâk tla hi nan rangah simhkannâk si seh, chu hâwi asi lo chun ka nan kaltâk lai le; ramkaro âukhawm umlonâk hâwi hen na khuapi ka umtir awt,” a ti.

JEREMIA 7:34

Ram khawm a karo hen a um lai. Juda khuapi tla ah leh Jerusalem khua lâi ah nuam chenh hâu leh nupa umhnâk puai lawmh hâu tla ka dawngtir lai rawh.

LUNGFÂKNÂK 5:2

Kan thil-le-rî chu khual tla kut ah a um le; ramdang mi tla chu kan in tla ah an um.

EZEKIEL 25:4

Chu hâwi nannâ lâwm ruangah saklei a mi phun tla chu nanmah nehtu ah ka siam na awt. Nan ram ah um mun an khuar lai le, chunah chun an um lai. Nan thingthei rah leh nan chaw nûk tla an ei hen an din lai.

EZEKIEL 30:12

Nile tiva ka kangtir lai le, Aigupta chu misual tla thu thu hen ka siah lai. Ramdang mi nih ram pumpi an râwk dep lai. Kei, LALPA nih ka sim asi,” a ti.

HOSEA 7:9

phun dang tla lakah anna ngauh mi nih an chaknâk a veih ti an theih loh. An ni tla chu rêl hep asi le, sikhawmsele chu hâwi asi ti an theih lo nget rih.

HOSEA 8:7

Thli an tuh le, ruahpi an ât lai! Phâisen fâng a min lo mi nih chun sang a suah dah lai lo, suah menza khawmsele ramdang mi nih an ei hep lai.

LEVITICUS 26:33

Nan tlûnah râltuknâk ka hawng tlungtir lai le, ramdang leiah nanna thektham ver lai. Nan ram tla a karo hen a um lai le, nan khuapi tla râwk hen a um lai.

LEVITICUS 26:34

Nan ram nan siang lo mi ram chu a âwl thlo lai rawh. Kaltâk hen a um lai le, nan mêlma ram ah nan um kar zawng chu a âwl ko lai rawh.

MIKAH 5:11

Na ram ah khuapi tla ka râwk lai le, a vêngtu tla khawm ka veih phin lai.

MIKAH 6:13

Churuang chun nan thilsual ti ruangah nanmah siat leh râwknâk tlungtir ding hen ka dawmh ko rawh.

DEUTERONOMY 28:33

Hamh tak hen thlâi nan chîng mi tla chu ramdang mi phun nih an lâk hep lai, chu tikah nannih chu nehsawh leh nauneh cho lo chu zeikhawm nan tawng lai lo.

DEUTERONOMY 28:43

“Ramdang minung nan ram ah um mi tla chu nannih nan vei dadauh liauah annih chu anna dingchang dadauh lai.

DEUTERONOMY 29:23

Phâisen tla chu a karo hen a um lai le, kât leh chitê nih a tuam lai; zeikhawm chîng asi lai lo le, belh tiang a kho lai lo. Nan khuapi tla chu Sodom leh Gomorah, Admah leh Zeboim a thinthawk fâk liauah LALPA nih a râwk mi hâwi asi lai.