ISAI 1:5 - Bawm Common Language Bible Version

⁵ Zei rangah a lakah hel kumza hen nan um? Rêp hen um ma nan duh nget rih? Israel, na lû chu liam mâ nih a tuam pang le, na thinlung leh na dawnruatnâk khawm a ngawr.

ISAI 1:5 ပူးပေါင်းရင်းမြစ်များ

2 Lal 1:13

Lalchem nih chun hotu dang leh minung sâwmnga a fial nawlh fâwn. Hotu chu tlângah a va kâi le, Elija mâika ah siksidîr hen a kûn le, a ngiar, “Pathian mi, ka tlûnah leh ka mi leh tla tlûnah khuaruat le, kan nungnâk hi hawng kan zuah piak.

2 CHRONICLES 28:22

A lawksawngnâk chu Juda tla rangah siatnâk chem si khawm ah, LALPA lakah a thilsual chu a lân ngâk hen a zual dadauh.

NEHEMIAH 9:34

Hawng kan thlâktu tla, kan lal tla, ruitu tla leh bâwlpu tla khawm nih na Dân chu an zûl lo. Na dân thu leh na nunhsimhnâk khawm an ngâilo.

ISAI 1:23

Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

ISAI 31:6

LALPA nih, “Israel mi tla, ka lakah thilsual nan ti hen nan ka do asi. Sikhawmsele tuah ka sinah hawng kîr u!

ISAI 33:24

Kan ram lakah um mi minung âukhawm damlo ruangah chipchiarnâk an nei lai lo le, sualnâk zawzawng chu ngaihdam asi lai rawh.

ISAI 9:13

LALPA Zeizawng tikho nih Israel tla chu rêp na menza khawmsele, amah leikângah rim hen an kîr dahlo rih.

ISAI 9:21

Manaseh leh Efraim mi tla anna do le, an panih bawp hen Juda rangah an do. Chu hâwi tluk khawm ah LALPA thinthawknâk chu a reh lo le; a kut chu rêp ding hen a zangh nget rih.

JEREMIA 13:23

Mi dum nih a vun a dangtir kho hen keitê nih a ṭial a veih kho mazei? Chu hâwi an ti kho asi chun, nang thilsual cho lo chu zeikhawm tilotu nih thil dik ti ding na theih kho lai.

JEREMIA 17:9

“Âunih minung thinlung theih kho? Chu tluk hen perpet mang thil dang zeikhawm a um lo; damh ding hen a zual tuk rawh.

JEREMIA 2:30

Ka nan rêp le, zeikhawm a ṭhavak lo; nun a nan simh ding khawm na ka duh lo. Chakeibaknei a râng mi hâwi hen na khuavâng tla na thah na.

JEREMIA 44:15

Churawhchun, pathian dang tla sinah an nupi tla nih bâwlnâk an ap ti theihtu tla zawzawng leh chunah nunau dîr mi zawzawng Israel tla Aigupta simlei ah um mi, zapi minung tam tak nih ka sinah,

JEREMIA 5:3

LALPA nih zumhkâinâk a hâwl. A nan vuak le, sikhawmsele a thu na ngâi duh lo. A nan râwk le, sikhawmsele sîn ding na duh lo. Na lung a khung hen na sual na lêt duh lo.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

JEREMIA 5:5

Chu minung tla sinah chun thiltikhonâk hen ka kal lai le, ka sawnh na lai. An Pathian nih a duh dân leh LALPA nih ti ding hen a duh na mi chu an theih lai rawh,” ti ka ruat. Sikhawmsele an ektê hen LALPA thuneihnâk chu an duh lo le, a thu zûl ding an duh lo.

JEREMIA 9:3

Ram sungah dik tak lâirêl ding ngâk hen âwkrâwl thu sim kumza mi leh zumhkâilo an si. LALPA nih, “Ka mi le tla nih thilsual dang dang an ti le, an Pathian kasi mi an hawng ka theih loh,” a ti.

LUNGFÂKNÂK 5:17

Kan thinlung a ngawr le, kan mitthli tlâk ruangah fiang hen kan muh kho lo,

EZEKIEL 24:13

Jerusalem, na hurnâk thilti nih a nan nawmh. Thiangtir ding ka nan tum khawm ah na nâwm nget rih. Ka thinthawknâk zawzawng na theih lânlo chu na thiang ding asi lo rawh.

EZEKIEL 34:16

“A tlâu mi tla chu ka hâwl na lai le, a vâi mi tla chu ka va khawk na lai, a liam mi tla chu ka tuam piak na lai, a damlo mi chu ka damh lai le; sikhawmsele kei chu dawrâpu thil dik titu kasi ruangah a bit mi leh a chak mi tla ka veih na awt.

EZEKIEL 34:4

A chak lo mi khawm nan bulsân lo, a damlo mi khawm nan damh na lo, â liam mi tla khawm nan tuam piak lo, a vâi mi khawm nan va dawng na lo, a tlâu mi khawm nan hâwl na lo. Chu ngâk hen nan nehsawh na.