ISAI 1:4 - Bawm Common Language Bible Version

⁴ Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

ISAI 1:4 ပူးပေါင်းရင်းမြစ်များ

GENESIS 13:13

Chunah minung tla chu LALPA tlûnah an sual le, an ṭhalo.

2 Lal 21:22

LALPA, a thlâktu Pathian chu a duh lo le, LALPA thupêk tla khawm a zûl lo.

2 CHRONICLES 12:1

Rehoboam chu lal asi mi leh thuneihnâk a hawng nei rawh chun a mi le hen LALPA dân an kaltâk rawh.

2 CHRONICLES 27:2

A pa hâwi hen LALPA duhzia hen thil a ti le, sikhawmsele, a pa hâwi hen rimthâw lam chu a duah lo. Mi tla lam chu an sual nget rih.

NEHEMIAH 1:7

Sual tak hen na lakah thil kan ti le, na thupêk tla hâwi hen thil kan ti lo. Na to-aw Mosi mang hen Dân na kan pêk mi tla khawm kan zûl lo.

SAM 58:3

Misual tla chu umdân diklo leikângah an kal le; an suaknâk thawk hen âwkrâwl thu an sim.

SAM 71:22

Ṭingṭang hen ka nan sawr lai le, ka Pathian, na zumhkâinâk ka sawr lai. Nang Israel Mi Thenhlimh, ka ṭingṭang tum hen na sinah la ka sak lai.

SAM 78:40

Ramkaro ah a lakah an hel tâwn le; vei tam tak a lung an sitir tâwn lo!

SAM 78:41

Pathian chu an nik lemang le, Israel Pathian Thenhlimh chu a lung an fâktir.

SAM 78:57

Sikhawmsele an pa le tla hâwi hen an hel le, an diklo, thalzum ngâwi hâwi hen mang an tlâk lo.

SAM 78:8

An thlâktu tla nih an hel le, ê-aw ngâilo mi leh bir tak a Pathian zumhnâk nei lo mi, a lakah zumhkâilo mi hâwi an silonâk ding hen.

SAM 89:18

LALPA, nangmah nih hawng kan kilkâwitu na thîm; nangmah, Israel Pathian Thenhlimh nih kan lal na kan pêk.

EXODUS 32:7

LALPA nih Mosi sinah, “Va ṭum sawm le, Aigupta ram thawk hen na suakpi na mi tla nih thilsual an ti le, an ka duh lo rawh.

ISAI 1:23

Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

ISAI 1:28

Sikhawmsele, a lakah sualtu leh heltu tla chu a veih na lai le; amah kaltâktu zawng chu a thah na lai.

ISAI 10:6

Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 12:6

Zion ah um mi zawzawng chu âu hen la sak na seh! Israel Pathian thenhlimh chu a rokual le, a mi tla sinah a um,” ti hen.

ISAI 14:20

Na ram na râwk le, mi tla na thah na ruangah lalchem dang tla hâwi hen vûi na si lai lo. Na dâwngsungkhur sual chu pakhat khawm zuah asi lai lo.

ISAI 29:19

Mipâm leh mi nâutâ tla chu LALPA Israel Pathian thenhlimh nih lâwmnâk a pêk na mi an tawng nawlh lai.

ISAI 3:8

Asi, Jerusalem chu â râwk rawh! Juda chu a tlû rawh! An thusim leh an thilti zawzawng chu LALPA donâk hep asi; fiang tak hen Pathian khawm an siarlo.

ISAI 30:1

LALPA nih thu a sim le: “Juda lakah lâirêltu tla chu ka lakah an hel ruangah an vânduai! Keimah siam lo mi thiltum an zûl le, keimah duh lo kâng hen remnâk ding ah min an rîn le, mi pakhat sual midang tlûnah an thang asi.

ISAI 30:15

LALPA zahkâi, Israel Pathian thenhlimh nih, mi zapi tla sinah thu a sim le: “Hawng kîr ule, keimah lakah dâisip hen hawng a ngauh u. Chu tikah nan chak hen nan him lai,” a ti. Sikhawmsele, nan êl.

ISAI 30:9

Pathian lakah an hel kumza, âwkrâwl thu an sim kumza, LALPA sîntirnâk ngâi ding an êl kumza.

ISAI 31:2

Thil a ti mi chu amah nih a theih! Siatnâk a tlungtir. Misual tla leh anmah ṭangpitu chu rêp ding hen a ṭhih na.

ISAI 37:23

Na zauhnawmh leh na nihsanh mi hi âu si hen na ruat? Kei Israel Pathian thenhlimh na hawng ka zah lo mi asi.

ISAI 41:14

LALPA nih, “Israel na mê le, na chaklo ruangah ṭih lah; ka nan ṭangpi lai. Kei, Israel Pathian thenhlimh chu nangmah ruangsuahtu kasi.

ISAI 41:16

Boruak ah na vawrh phin lai le thli nih a ranh ving lai, thlipi nih a thektham hep lai. Churawhchun, kei na Pathian kasi ruangah na lâwptlo lai rawh; Israel Pathian thenhlimh chu na ka sawr lai rawh.

ISAI 41:20

Mi tla nih chu chu kei, LALPA nih ka ti mi asi ti an muh hen an theih lai. Israel Pathian Thenhlimh nih a ti taktê rawh ti hen theihthiamnâk an nei lai rawh,” a ti.

ISAI 5:19

“LALPA nih ti ding hen a sim mi chu khulrang tak hen ti seh, chu tikah kan muh kho lai. Israel Pathian thenhlimh nih a thiltum chu zawh ko seh; a thinlung ah zei a um kan zauh lai,” na ti.

ISAI 5:24

Churuang chun LALPA Zeizawng tikho, Israel Pathian thenhlimh nih hawng kan sîntir mi na duh lo ruangah, fapawn leh belh châr mei nih a khangh mi hâwi na si lai le, na ram tla a pawng hen na pâr tla a châr lai le, sêm ving na si lai.

ISAI 57:17

An sual ruang leh an hamkahnâk ruangah an lakah ka thin a run le, anmah ka rêp na hen ka kaltâk na. Sikhawmsele ê-aw ngâilo hen anmah duh dân hâwi kumza hen an kal.

ISAI 58:2

Nisiar hen ka umdân theih ding leh ka dân tla zûl ding duh hen an sim le, an hawng ka sawnh. Dân dik tak pêk na ding an ka duh mi leh an hawng ka sawnh mi lakah nuam an ti mi thu an sim,” a ti.

ISAI 65:11

“Sikhawmsele, keimah hawng ka kaltâktu, Zion siarlotu, ka tlâng thenhlimh siarlotu, vân ṭhat leh thihnâk pathian tla, Gad leh Meni sawnhtu tla chu nannih rang chun anna dang ving lai.

ISAI 65:3

Ningzak theih lo tak hen ka thin an ka runhtir kumza. Dûm thenhlimh ah lunglo tla bâwlnâk an ap le, lunglo tla mâichâm ah rimthâw tla an duah.

ISAI 9:17

Churuangah Lalpa nih tlangvâl pakhat khawm a zuah na lai lo le, mi zapi tla chu pathian nei lo leh misual thu sual karo simtu an si ruangah numei leh mipâm tla lak khawm ah lungkhamnâk a nei awtlo. Chu hâwi tluk khawm ah LALPA thinthawknâk chu a dawng awtlo le, sikhawmsele rêp ding hen a kut a zangh nget lai rih.

JEREMIA 15:6

Nannih zapi tla nih nan ka duh lo hen dunglei nan hawng ka sît. Churuangah ka thinthawknâk ka sûm châwklo le, ka bân ka phar le, ka nan veih na rawh.

JEREMIA 2:17

Israel, nangmah tak nih hi hi na lakah na tlungtir mi asi! Lampi tluan hen ka nan rui liauah, LALPA na Pathian na ka kaltâk.

JEREMIA 2:19

Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 2:31

Israel mi tla, ka thusim zei asi ngâi u. Nan rangah ramkaro, mûi leh ṭihnungkâi hâwi ma kasi? Chu hâwi asi chun, na duhzia ti hen na sinah ka hawng kîr awtlo rawh na ti bei ne?

JEREMIA 2:33

Duh mi tla zûl chu zei hâwi asi, na theihthiam asi. Nunau sual chem khawm nih nangmah lakah theihthiamnâk a nei kho.

JEREMIA 2:5

LALPA nih: “Nan thlâktu tla nih hawng ka phiar ding hen zei an ti? Zei nih ka sinah mi kâng dang leiah a hertir na? Zeikhawm silo mi milem an sawnh le, anmah khawm zeikhawm an si lo rawh.

JEREMIA 32:32

Juda mi leh Jerusalem a mi tla, an lal leh ruitu tla, an bâwlpu leh an khuavâng tla hen thilsual an ti ruangah râwk ding hen ka tum rawh.

JEREMIA 50:29

“Chanhtiang mangtu tla chu Babulon do ding hen simh na u. Chanhtiang fung leh thalzum mang thiamtu tla chu fial na u. Khuapi hual ule, pakhat khawm suaktir lah na u! Kei, Israel Mi Thenhlimh tlûnah zûm tak hen thil a ti ruangah, thil a ti mi hâwi hen a lakah ti ule, midang a ti na mi hâwi hen ti bâk u.

JEREMIA 51:5

Kei, LALPA Pathian, Zeizawng tikho nih Israel leh Juda chu Kei, Israel Mi Thenhlimh tlûnah sual na menza khawmsele, ka kaltâk na lo.

JEREMIA 7:19

Sikhawmsele, Kei hi, annih nih lung an hawng ka fâktir ding mi ma kasi? Silo, anmah nganfâk anna pêk hen ningzak anna saih mi asi.

JEREMIA 7:26

Sikhawmsele, mi âukhawm nih an âwva hen an ngâi duh na lo. Chu hâwi ding ngâk hen, lungkhung dauh leh an thlâk natu ngâk hen hel dauh hen nan um.

EZEKIEL 14:5

Chu milem tla nih chun Israel tla chu ka lakah mi kâng dang leiah a pialpi na le, sikhawmsele ka sângnâk hen zumh an kâinâk chu neh ding ka lungum.

EZEKIEL 16:33

Nunau â zuar mi lam chu a man an pêk le, sikhawmsele nang lam chu a nan duhtu sin zawng ah lâwmman na pêk le, mun kip ah mi hawng hen a nan ihpi ding hen a man a thup hen na pêk na.

EZEKIEL 16:45

Nang chu na nu fanu tak na si. A pasal leh a fa tla a hua na. Na unaunu tla, an pasal leh an fa tla huatu hâwi na si. Nang leh na unaunu khuapi tla nih chun, Hit mi nu leh Amor pa nan nei.

DANIAL 9:11

Israel tla zawzawng nih na dân tla an buar le, na thusim an ngâi duh lo, na lakah thilsual kan ti le, churuangah na to-aw Mosi dân ah rîn mi tla siat chu kan lakah na tlungtir.

ZEPHANIAH 1:6

Hawng ka kîrtâk hen hawng ka zûl lo rawhtu tla, ka sinah hawng lotu mawh anmah rui ding hen hawng ka ngiar lotu tla chu ka veih na lai,” a ti.

NUMBER 32:14

Tuah nan pa le mun chu nan luah fâwn rawh, tuah thlâk thar misual tla khawm nih Israel lakah Pathian thinthawknâk tlungtir ding hen nanna tîm fâwn.

MATHAI 11:28

“Nannih rianṭuan hamh leh thilrit phurh zawzawng tla, ka sinah hawng kal ule, keimah nih ka nan dîntir na lai.

MATHAI 23:33

Rûl tla, rûl thlâk tla, Gehena lâirêlnâk chu zeitin nan âwl kho lai?

MATHAI 3:7

Sikhawmsele, Farisai tla leh Sadukai tla tam tak baptis ding hen an hawng kal mi a muh kâ hen an sinah, “Rûl thlâk tla, thinrunhnâk hawng tlung ding mi hi tektâk ding hen âunih an simh na?

ROM 8:7

Taksa duhkâng chu Pathian donâk asi ruangah chu chu Pathian Dân hen a um lo le, um khawm a um kho lo asi.

1 KORIN 10:22

Asi lo chun Lalpa chu thîk ding hen a lung kan fâktir awt bei ne? Amah ngâk hen kan chak dauh hen ma kanna ruat?

DEUTERONOMY 29:25

‘Aigupta ram thawk hen a suakpi na liauah an thlâk natu Pathian sinah thudântuk an siam mi LALPA mi tla nih an buar ruangah ti hen an sâng lai.

DEUTERONOMY 31:16

LALPA nih Mosi sinah, “Na thihnâk a nâi rawh, na thih nûnah mi le tla chu zumhkâilo tak hen ka lakah an um lai le, an sinah thudân ka tuk mi tla khawm an buar lai. An ka kaltâk lai le, an va lûtnâk ding mi ram ah lunglotu pathian tla an sawnh lai.

DEUTERONOMY 32:19

“LALPA nih chu chu a muh rawh chun a thin a thawk le, a fanu leh a fapa tla a nawng na.

DEUTERONOMY 32:5

Sikhawmsele, nannih lam chu a mi siding hen zumh nan kâilo hen nan tlâklo. Phun sual tak leh perpet mang nan si.

KOLOSA 1:24

Tuah ka nan tuar piak na mi lakah hin ka lâwm, Krist hamh tuar mabân chu ka taksa ruangah ka tîttak ah hin ka zulhpeh vima asi;

THUPHUANG 18:5

A sualnâk tla nih chun vân khawm a tawngh le, Pathian nih a thilti sual khawm a theih ko.

LÂIRÊL 10:10

Churawhchun, Israel tla nih LALPA chu an auh le, a sinah, ‘Na lakah thilsual kan ti le, kan Pathian chu ka nan kaltâk le, Baal chu kan sawnh rawh,” an ti.