ISAI 1:31 - Bawm Common Language Bible Version

³¹ Meichi nih fapawn a khangh mi hâwi hen mi thiltikho tla chu an thilsual ti nih a veih na lai le, chu siat leh râwknâk chu âukhawm nih an khap kho lai loh.

ISAI 1:31 ပူးပေါင်းရင်းမြစ်များ

ISAI 24:6

Churuang chun Pathian nih tual chu siat a barh. A minung tla chu an thilti man pêk asi. An dam mi tla khawm an tâwm dadauh.

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

ISAI 27:4

Grep zûn thu ah ka thin a thawk lai lo rawh. Ling leh bua lâwng do ding um mi sele ka duah hep lai rawh.

ISAI 33:11

Thil ṭangkâilo thilti ding na tum le, na thilti zawzawng zeikhawm asi lo. Ka thlarau mei hâwi mi nih a nan râwk lai.

ISAI 33:14

Zion ah mi misual tla chu lâu hen an thir. “Pathian lâirêlnâk chu mei a alh kumza mi hâwi asi. Chu hâwi mei lakah chun âu kan him kho lai?” an ti.

ISAI 4:4

LALPA nih a thiltikhonâk hen phun tla chu lâi a rêl piak hen a thiangtir na lai le, Jerusalem ah sualnâk tla leh thisen suah mi tla chu a ṭâwl peng lai.

ISAI 43:17

Râwk ding hen kawrsen chak tak, kari leh rang kêng tlûnah chuan mi a kalpi na. Thawk lo rawh ding hen an tlû le, meichêu hâwi hen a mih na!

ISAI 5:24

Churuang chun LALPA Zeizawng tikho, Israel Pathian thenhlimh nih hawng kan sîntir mi na duh lo ruangah, fapawn leh belh châr mei nih a khangh mi hâwi na si lai le, na ram tla a pawng hen na pâr tla a châr lai le, sêm ving na si lai.

ISAI 50:11

Nannih midang tla veih ding hen phiartu zawzawng tla, nanmah phiarnâk nih a nan veih na lai. Hamh tak hen thihnâk nan tuar ding mi chu LALPA nih a hawng tlungtir lai.

ISAI 66:17

LALPA nih, “Lunglotu tla sawnhnâk lakah anna thiangtir mi tla, dûm thenhlimh leiah kal hen vawksa eitu, châichîm sa leh tî-râwl fihnungkâi dang eitu tla dawnghnâk chu a nâi rawh.

ISAI 66:24

“An suak liauah ka lakah hel mi ruak tla an muh lai. Anmah eitu tholung tla a thi lai lo, anmah khanghtu mei khawm a mit lai lo. Minung mitmuh ah fihnungkâi an si lai,” a ti.

ISAI 9:19

LALPA Zeizawng tikho chu a thinthawk ruangah, a rêpnâk nih chun ram pumpi mei hâwi hen a khangh le, mi zapi tla a veih na, mikip mah rang chiau asi.

EZEKIEL 32:21

Mi râlṭha chem tla leh Aigupta leiah ṭângṭawm hen dotu tla nih chun laikulh thihnâk ah Aigupta minung tla lawmhtu an si. An âu le: ‘Pathian neilotu, râltuknâk ah thah hen um mi tla chu hinah an hawng le, hinah hin an zâu!’

MALAKI 4:1

LALPA Zeizawng tikho nih, “Mi zûm tla leh misual tla fabû hâwi hen an kâng ding ni a hawng tlung awt rawh. Chu ni ah chun pakhat khawm âklo hen an kâng hep lai.

MATHAI 3:10

Tu thawk hen reitlung thing phûr kip ah an siah rawh; chuvachun, thing kip rah ṭha hen rah lo mi vial an hâu le, mei ah an paih tâwn.

MATHAI 3:12

A kut hen a zâpnâk a put lai le, a chîlnâk mun ah a zâp phin lai le, a siahnâk ah fâng a râwn lai, a hî lam chu mei mit kho lo hen a duah hep lai.”

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.

THUPHUANG 20:10

Chun, anmah perpettu Diabol chu, sarâng leh khuavâng telê umnâk mei leh kât zur ah an lawnh rawh, chun, zungzâl hen sûn leh zân hen rêp hen an um lai rawh.

LÂIRÊL 15:14

Lehi an va tleng rawh chun Philistia mi tla chu âu bû hen amah leiah an hawng tek rawh. Mawhsareh hen LALPA thiltikhonâk nih a chaktir le, a kut leh a bân ah mi rirual chu mei nih lazâi a khangh mi hâwi hen a sah rel.