ISAI 1:29 - Bawm Common Language Bible Version

²⁹ Thing nan sawnh mi leh dûm thenhlimh nan siam mi tla chu nanna sîr lai rawh.

ISAI 1:29 ပူးပေါင်းရင်းမြစ်များ

ISAI 30:22

Nan milem tla tangka hen nan luanh mi leh ngûn hen nan luanh mi chu nâwmtâm hâwi hen nan lawnh ving lai le, “Ka mitmuh ah um lah!” nan ti lai.

ISAI 31:7

Tangka leh ngûn hen milem sual tak nan siam mi lawnh hep ding tik a hawng tlung awt rawh.

ISAI 42:17

Milem ngauhsantu tla leh milem tla ka pathian titu tla chu nâutir hen ningzak saih an si lai,” a ti.

ISAI 45:16

Milem siamtu zawzawng chu ningzak leh mualpho hen an um lai.

ISAI 57:5

Ram ningnotirtu pathian tla chu nan thing thenhlimh tangah pung bû hen nan sawnh. Tiva mi tili kiangah lungpûk ah nan fa tla chu bâwlnâk ah nan mang.

ISAI 65:3

Ningzak theih lo tak hen ka thin an ka runhtir kumza. Dûm thenhlimh ah lunglo tla bâwlnâk an ap le, lunglo tla mâichâm ah rimthâw tla an duah.

ISAI 66:17

LALPA nih, “Lunglotu tla sawnhnâk lakah anna thiangtir mi tla, dûm thenhlimh leiah kal hen vawksa eitu, châichîm sa leh tî-râwl fihnungkâi dang eitu tla dawnghnâk chu a nâi rawh.

JEREMIA 2:20

LALPA zahkâi nih, “Israel, a lân thawk hen ka thuneihnâk na duh lo le; ka thu ngâi ding leh hawng ka sawnh ding na duh lo. Tlâng sâng tlûn kip ah leh thing ring kip tangah thlâi ṭhattirtu pathian tla na sawnh.

JEREMIA 3:6

Josia a lal liauah LALPA nih ka sinah, “Israel, nunau zumhkâilo nih thil a ti mi khi na muh ma? Ka lakah mi hawng ka hawitâk le, tlâng sâng kip leh thing ring tangah nunau â zuar mi hâwi hen thil a ti.

EZEKIEL 16:63

Thilsual na ti mi zawzawng ka nan ngaihdam lai le, sikhawmsele nang khawm nih na theihkumza na lai le, na ningzak tuk ruangah hawlh khawm na hawlh lai lo,” a ti. LALPA Zahkâi nih a sim asi.

EZEKIEL 36:31

Nan umdân sual leh thil diklo nan ti mi nan theihkumza lai le, chubang nan sualnâk leh nan thilti diklonâk ruangah nanmah nanna fih lai rawh.

EZEKIEL 6:13

Ruak tla chu mâichâm leh milem kiangah anna vawrh phut lai le, tlâng sâng kip ah leh tlâng sâng tlûnah, thing ring tla leh oak thing tang tla, an milem lakah anna bâwlnâk mun ah anna vawrh phut lai. Churawhchun, kei LALPA kasi zia mikip nih an theih lai rawh.

HOSEA 14:3

Asiria nih hawng kan hum kho dah ding asi lo, râltuknâk rang tla khawm nih hawng kan hum kho lai lo, kan milem tla sinah kan pathian na si kan ti lai lo rawh. LALPA âu sin khawm pial lotu tla sinah khua na ruat,” a ti.

HOSEA 14:8

Israel mi tla chu milem hen tlâinâk an nei lai lo rawh; An thlachamnâk ka sâng lai le, keimah nih ka zauhkhenh lai; Thing a ring kumza mi hâwi hen ka dawrtir na lai le, Kei chu an rangah malsâwmnâk bul kasi lai,” a ti.

HOSEA 4:13

Tlâng sâng tak tlûn mun thenhlimh ah bâwlnâk an ap le, tlâng tênâu tlûn tla ah chun a dâidul a nuam ruangah thing sâng a thlaliah tangah rimthâw tla an duah. “Churuangchun nan fanu tla chu anna zuar le, nan monu tla khawm nih ṭângdang an pawm.

HOSEA 4:19

Thli nih a put mi hâwi hen put ving hen an um lai le, lunglotu bâwlnâk ah anna bâwlnâk ah chun ningzak saih hen an um lai.

ROM 6:21

Tuah nan thil zahpi mi lakah hin, kha liau khan rah zei me nan tawng tâwn? Khabang thu dawnghnâk kha thihnâk asi tâwn asi.