ISAI 1:27 - Bawm Common Language Bible Version

²⁷ LALPA chu mirep asi ruangah Jerusalem leh chunah mikip sual rim rawh mi tla chu a hum na lai.

ISAI 1:27 ပူးပေါင်းရင်းမြစ်များ

ISAI 35:10

Jerusalem chu lâwm bû hen an va tleng lai le, la an sak lai le, lâwm ruangah an âu lai. Anna lâwm kumza lai le, ngaihsiat leh lungzûrnâk kumleza hen an nei lai lo rawh.

ISAI 35:9

Chunah chun chakeibaknei tla an um lai lo le, sarâng tla khawm chu lampi ah a kal lai lo. LALPA nih ruang a suah na mi tla nih in lei kalnâk lampi ah an mang lai.

ISAI 5:16

Sikhawmsele LALPA Zeizawng tikho nih chun a rokualnâk chu a thilti dik hen a zauhtir le, a thenhlimh zia chu a mi le tla lakah lâirêlnâk hen a langhtir.

ISAI 51:4

“Ka mi tla, ka thu ngâi ule, ka sim mi ngâi u: Phun tla rangah sîntirnâk ka pêk na le ka dân tla nih an rangah chêunâk a pêk lai.

ISAI 52:3

LALPA Zahkâi nih a mi le tla sinah, “Sal nan si liau khawm ah nanmah ruangah tangka pêk asi lo hâwi hen nan suak liau khawm ah pêk asi lai lo.

ISAI 54:14

Diknâk leh repnâk nih a nan chaktir lai. Nehsawhnâk leh ningṭihnâk lakah mi chu na him lai rawh.

ISAI 62:12

“Pathian mi thenhlimh” “LALPA nih ruang a suah na mi tla,” ti nan si lai. Jerusalem chu “Pathian dâwt mi khuapi,” “Pathian nih a kaltâk lo mi khuapi” ti asi lai.

ISAI 63:4

Ka mi le tla ruangsuah ding hen ka ruat mi tik chu a tlung rawh; an mêlma tla rêp tik asi rawh.

HOSEA 2:19

Israel, nupi ah ka nan siam lai; na lakah dik leh zumhkâi hen ka um lai. Ka dâwtnâk dawnglo leh khuaruatnâk ka nan muhtir lai le, ka tâ na si kumza lai rawh.

MIKAH 6:5

Ka mi tla, Moab lal Balak nih nan sinah thilti ding a tum mi leh Beor fapa Balaam nih a thu a sâng dân tla kha theihkumza u. Akasia thawk hen Gilgal leiah kalnâk lampi ah thil a hawng tlung mi tla kha theihkumza u. Nanmah ruang an suah na ding hen thil ka ti mi tla kha nan theih ko ruangah hi bang thil tla hi theihkumza u,” a ti.

1 KORIN 1:30

Nannih lam chu amah ruangah Krist Jisu lakah chun nan um asi; anih chu Pathian sinah mi kan rangah finghnâk ah siam asi, repnâk ah, thenhlimhnâk ah, tlanhnâk tla hen.

2 KORIN 5:21

Amah lakah chun Pathian repnâk kan hawng si khonâk ding hen sual rerêng nei lo Jisu chu Pathian nih kanmah ruangah sual ah a siam.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.