ISAI 1:26 - Bawm Common Language Bible Version

²⁶ A lânah mi hâwi hen simhtu leh lâirêltu ka nan pêk lai. Churawhchun, Jerusalem chu khuapi rep leh zumhkâi asi, an ti lai,” ti hen.

ISAI 1:26 ပူးပေါင်းရင်းမြစ်များ

ISAI 1:21

Khuapi zumhkâi tak chu mi hur â zuar mi hâwi asi rawh! Veikhat chu mirep tla hen an khat le, sikhawmsele tu lam chu mi thahtu karo an um.

ISAI 2:3

Chu tla nih chun, “Israel Pathian Biakin leiah LALPA tlângah kan kâi lai. A duhzia thil ti ding hen hawng kan sîntir lai; amah lampi thîm lakah kan kal lai. LALPA sîntirnâk chu Jerusalem ah a um lai le; Zion ah a mi tla sinah thu a sim lai,” an ti lai.

ISAI 33:5

LALPA chu a rokual a! Thil zeizawng tlûnah lâi a rêl. Jerusalem chu diknâk leh rangtlingnâk hen a khattir lai le,

ISAI 54:14

Diknâk leh repnâk nih a nan chaktir lai. Nehsawhnâk leh ningṭihnâk lakah mi chu na him lai rawh.

ISAI 60:14

Nangmah a nan nehsawhtu fapa tla an hawng lai le, An zah ti theihnâk ding hen na mâika ah an kûn lai. A nan zauhnawmhtu tla nih na kezaphah bul ah an mâimûk lai. ‘LALPA khuapi’ ‘Zion, Israel Pathian Thenhlimh khuapi’ a nan ti lai.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

JEREMIA 31:23

LALPA, Zeizawng tikho, Israel Pathian nih, “Mi zapi tla an ram ah ka umtir nawlh na tikah chun, Juda ram ah leh a khuapi tla ah veikhat chu, ‘LALPA nih a umnâk mun thenhlimh Jerusalem Tlâng thenhlimh chu malsâwm seh,’ an ti nawlh lai.

JEREMIA 33:11

Mi nih ka Biakin ah lâwmnâk thil ap an hawng put liauah la an sak mi nan theih lai. ‘A ṭhatnâk leh dâwtnâk dawnglo ruangah LALPA Zeizawng tikho sinah lâwmthu sim u,’ an ti lai. Hi ram hi a lânah mi hâwitê hen sul-le-lam tluang tak hen ka siam lai. Kei, LALPA nih ka sim asi,” a ti.

JEREMIA 33:7

Juda leh Israel tla chu sul-le-lam tluang tak hen ka siam na lai le, a lânah mi hâwitê hen ka dirh nawlh na lai.

EZEKIEL 45:8

Chu chu Israel ram lakah lal nih anna ting mi vo mun chu asi lai le, churawhchun zapi tla rangah nâunehnâk a um lai lo rawh le, a dang a lei mi vial lam chu Israel phun tla rang ding asi.

MIKAH 4:8

Nang, Jerusalem, Pathian nih a mi tla dawrâpu hâwi hen a vêng na nâk mun na lalram lakah khuapi lianchem na si nawlh nget lai.

ZEPHANIAH 3:13

Israel a thibang tla nih chun âu sin khawm ah thil diklo ti hen âwkrâwl thu an sim lai lo le, perpet ding an tum lai lo. Sul-le-lam tluang leh him tak hen an um lai le, âukhawm ṭih an nei lai lo,” a ti.

ZEPHANIAH 3:9

“Churawhchun, phun tla lakah minung tla chu an umdân ka dangtir lai le, pathian dang sawnhlo hen keimah cho an hawng ka sawnh lai rawh. An ektê hen an hawng ka lung hep lai rawh.

ZEKARIA 8:3

Ka khuapi thenhlimh Jerusalem ah ka kîr nawlh lai le, chunah chun ka um lai. Khuapi zumhkâi tak ti hen theih asi lai. LALPA Zeizawng tikho tlâng chu tlâng thenhlimh ti asi lai.

ZEKARIA 8:8

Jerusalem ah um ding hen saklei ah leh thlanglei ah mi chu ka kîrpi nawlh lai. Annih chu ka mi tla an si lai le, kei chu an Pathian kasi lai le, an tlûnah rep tak leh zumhkâi tak hen lâirêltu kasi lai.

NUMBER 12:3

(Mosi chu tual tlûnah mi zawzawng ngâk hen nâu tak hen um mi asi.)

NUMBER 16:15

Mosi chu a rothawk le, LALPA sinah, “Hi minung tla thil ap hi pawm lah rawh. An lakah zeikhawm ka sual mi a um lo; an sanatung pakhat tê khawm ka lâk lo,” a ti.

THUPHUANG 21:27

Sikhawmsele, nâwmtâm tla leh thil dawh lo titu tla leh âwkrâwl simtu tla chu an lût lai lo; Dawrâ Fa nungnâk lasuibu ah an min â rîn mi cho an lût lai.