ISAI 1:25 - Bawm Common Language Bible Version

²⁵ Na lakah thil ka ti awt. Thîr an tliangtir mi hâwi hen ka nan thiangtir lai le, na nawmhnâk zawzawng chu ka lawnh phin lai.

ISAI 1:25 ပူးပေါင်းရင်းမြစ်များ

SAM 119:119

Misual tla chu thil nâwmtâm hâwi hen na tuah na, churuang chun na sîntirnâk chu ka duh.

ISAI 1:22

Jerusalem, veikhat chu tangkasa hâwi na si, sikhawmsele tu lam chu zei rua khawm na tlâklo rawh; uain ṭha hâwi na si le, sikhawmsele tu lam chun tî hâwi cho na si rawh.

ISAI 27:9

Sikhawmsele Israel sualnâk chu lunglo tla mâichâm sangvut hâwi hen rial dip asi tik leh rimthâw mâichâm mawh pathiannu Aserah lem pakhat khawm zuah lo asi tikah ngaihdam asi lai.

ISAI 4:4

LALPA nih a thiltikhonâk hen phun tla chu lâi a rêl piak hen a thiangtir na lai le, Jerusalem ah sualnâk tla leh thisen suah mi tla chu a ṭâwl peng lai.

JEREMIA 6:29

Meialh nih fâk tak hen a rawh le, sikhawmsele thîr chu a zawr hen a vei lo. A sual mi tla chu lâk ving an si lo ruangah ka mi le thiangtir ding chu zeikhawm a ṭhavak lo.

JEREMIA 9:7

Hi ruangah hin LALPA Zeizawng tikho nih, “Ka mi tla chu thîr hâwi hen ka êr na lai le, ka nik awt. Ka mi tla nih thilsual an ti ruangah an sinah kei nih thil dang zei me ka ti kho lai?

EZEKIEL 20:38

Nan lakah mi hel mang leh misual zawzawng chu ka lâk peng na awt. Tuah an umnâk ram ah mi ka lâk na lai le, sikhawmsele Israel ram leiah lam chun ka kîrtir na awtlo. Chu tikah kei, LALPA kasi ti nan theih lai,” a ti.

EZEKIEL 22:19

Churuangah tuah kei LALPA Zahkâi nih chu hâwi hen mangtlâk lo an si ti ka simh na. Jerusalem ah ka pumh hep na lai le,

EZEKIEL 22:20

tangkasa, dâr, thîr leh suan êr ding mi êrnâk mei ah siah mi hâwi hen. Ka thinthawknâk leh ka thinrunnâk nih mei nih êr ding mi a zawrtir hâwi hen a zawrtir na lai.

EZEKIEL 22:22

Tangkasa â êrnâk mei nih a zawrtir mi hâwi hen Jerusalem ah an zawr lai le, chu tikah LALPA thinthawknâk an tuar mi an theih lai rawh,” a ti.

ZEPHANIAH 3:11

Chu tik chun, ka mi tla, ka lakah nan hel mi kha ningzakkâi tak hen nan um lai lo rawh. Mi â zûm mi leh â khâwng mi tla chu ka veih ver na lai le, ka tlâng thenhlimh ah âukhawm ka lakah nan hel lai lo rawh.

MALAKI 3:3

Mi nih tangka a êr le, a thenhlimhtir mi hâwi hen lâirêl ding hen a hawng lai. LALPA sinah bâwlnâk dik tak an pêk khonâk ding hen LALPA mifial nih chun thîr siamtu nih tangka leh ngûn a êr mi hâwi hen bâwlpu tla chu a thiangtir na lai.

MATHAI 3:12

A kut hen a zâpnâk a put lai le, a chîlnâk mun ah a zâp phin lai le, a siahnâk ah fâng a râwn lai, a hî lam chu mei mit kho lo hen a duah hep lai.”

DEUTERONOMY 32:43

“Phun tla, LALPA mi tla chu sawr u, anmah thahtu tla zawzawng chu a rêp na. A mêlma lehrûl a sam na le, a mi tla chu an sual a ngaihdam na,” a ti.

THUPHUANG 3:19

Ka dâwt hen ka zângfah mi tla chu ka fâi hen nun ka simh na tâwn, semsêngâi le, rim rawh.