ISAI 1:24 - Bawm Common Language Bible Version

²⁴ Churuangah tuah LALPA zeizawng tikho, Israel Pathian thiltikho tak nih a sim mi chu ngâi rawh. “Na lakah phû ka lam awt, ka mêlma leh nangnih nan ka nawktir lai lo rawh.

ISAI 1:24 ပူးပေါင်းရင်းမြစ်များ

GENESIS 49:24

Sikhawmsele, a chanhtiang kûk chu a khauh kumza le, A bân tha chu chaktir hen a um, Jakob Pathian chak thiltikhonâk hen, Israel Vêngtu Dawrâpu chaknâk hen.

SAM 132:2

Jakob Pathian Chak, nangmah sinah thu a tiam mi leh LALPA sinah siat a sirh mi chu theihkumza rawh:

ISAI 12:6

Zion ah um mi zawzawng chu âu hen la sak na seh! Israel Pathian thenhlimh chu a rokual le, a mi tla sinah a um,” ti hen.

ISAI 30:29

Sikhawmsele, nannih Pathian mi tla, zân puai thenhlimh ah nanna lâwm hen la nan sak mi hâwi hen nan lâwptlo lai. Israel Vêngtu LALPA Biakin leiah tumphung theikhang tla hen lâwm tak a kal mi hâwi hen nan um lai.

ISAI 35:4

Mi lungdawng kip sinah chun, Chak tak hen um le, ṭih lâh! Pathian chu nangmah ruangsuah ding leh na mêlma tla rêp ding hen a hawng,” ti hen simh na u.

ISAI 49:26

An nehsawhtu tla chu anmah leh anmah ka thahtir na lai; mi thah duhnâk leh thinthawknâk thinlung an put lai. Churawhchun, minung zawzawng nih Kei LALPA kasi mi leh a nan humtu leh thawsuak tak hen a nan suahtu kasi ti an theih lai. Israel Pathian thiltikho tak kasi zia an theih lai rawh,” ti hen a sâng.

ISAI 59:18

Ram lât takah um mi tla sin tiang khawm ah a mêlma tla chu an thilti zia hâwi vima hen a rêp na lai.

ISAI 60:16

Nu nih a fa a zauhkhenh mi hâwi hen, Phun tla leh lalchem tla nih a nan zauhkhenh lai. Kei, LALPA nih ka nan hum mi leh Israel Pathian chak nih ka nan suah asi ti na theih lai rawh.

ISAI 61:2

LALPA nih a mi tla ruang a suah na ding mi leh Mêlma tla a neh piak ding mi tik a tlung rawh Ti sim ding hen hawng ka fial. Mi ngaihsia tla sinah thlangamh ding hen hawng ka fial.

ISAI 63:4

Ka mi le tla ruangsuah ding hen ka ruat mi tik chu a tlung rawh; an mêlma tla rêp tik asi rawh.

JEREMIA 50:34

Sikhawmsele, anmah tla ruangsuahtu chu a chak asi, a min chu LALPA Zeizawng tikhotu asi. Amah nih an tuar ding mi chu tuar hen tual ah thlangamnâk a tlungtir lai le, sikhawmsele Babulon mi tla rang chun lawksawngnâk asi lai,” a ti.

JEREMIA 9:9

Hi bang tla ruang hin ka rêp na awtlo ma? Hi bang hâwi hen phun tla lakah lehrûl ka sam na awtlo ma? Kei, LALPA nih ka sim asi,” a ti.

EZEKIEL 16:42

Churawhchun, ka thinthawknâk chu â lîm lai le, ka dâisip lai rawh. Ka thinthawk hen thîknâk ka nei lai lo rawh.

EZEKIEL 21:17

Kei khawm nih ka zâ ka bengh lai le, ka thinthawknâk chu â lîm lai rawh. Kei, LALPA nih ka sim asi,” a ti.

EZEKIEL 5:12

Na mi tla anrang thum lakah anrang khat chu khuapi sungah damlo leh sungvâng hen an thi lai le; anrang thum ṭhen hen anrang khat chu khuapi lênglei ah nâmsâu hen thah an si lai; anrang khat a dawnghnâk ah mi chu thli lakah ka thektham lai le, nâmsâu hen ka ṭhâwl na lai.

EZEKIEL 5:13

“Ka dî a riam lânlo chu, ka thinthawknâk leh ka thinrunnâk na tuar lai. Hi bang zawzawng a hawng tlung tikah nangmah zumh na kâilonâk ruangah ka thinthawknâk ka suah mi thu kei, LALPA nih na sinah ka sim mi asi ti na theih lai.

MIKAH 5:15

Ka thu ngâilotu phun zawzawng tlûnah ka thinthawknâk fâk tak hen phû ka lam awt,” a ti.

DEUTERONOMY 28:63

LALPA nih nan sul-le-lam a tluang tir hen zantir na ding a duh mi hâwitê hen nan lakah an veih na ding leh siatnâk nan tlûnah tlungtir ding a duh rûl rawh. Nan umnâk ram ah mi an ṭhial ving na lai.

DEUTERONOMY 32:43

“Phun tla, LALPA mi tla chu sawr u, anmah thahtu tla zawzawng chu a rêp na. A mêlma lehrûl a sam na le, a mi tla chu an sual a ngaihdam na,” a ti.

HEBRAI 10:13

Chunah chun Pathian nih a leido tla a kê tangah a siah na lânlo chu a ngâk kumza.

THUPHUANG 18:8

Churuangah ni khat lakah amah rêpnâk chu a hawng tlung lai le, amah lâirêl piaktu, Lalpa Pathian chu a rokual ruangah, anih chu râi tla, ngaihsiatnâk leh pâm nih a tlunh lai le,