ISAI 1:23 - Bawm Common Language Bible Version

²³ Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

ISAI 1:23 ပူးပေါင်းရင်းမြစ်များ

2 CHRONICLES 36:14

Chu lâwng khawm silo hen Juda tla lakah ruitu, bâwlpu tla leh mi zapi tla khawm nih an kiangkam ah mi phun tla tidân zûl hen milem tla an sawnh le, LALPA amah ngelchel nih a thenhlimhtir mi Biakin khawm an nawmh rawh.

EXODUS 23:8

Nawhnâk duh lah, mi tla chu nawhnâk nih an mit a châwtir na le, diknâk an ruat kho lo, chu nawhnâk nih chun mawh lo hâwi hen a siam na ruangah.

THUFING LASUIBU 17:23

Siatnâk ding ah lâirêlnâk diklo nih nawhnâk a lâk le, sikhawmsele lâirêlnâk dik nih a ti duh lo.

THUFING LASUIBU 29:24

Mifîr bawptu chu a rangah mêlma ṭhalo chem asi. Lâirêlnâk ah thudik a sim ni ah rêp hen a um lai le, a sim lo mi asi chun, Pathian nih siat a barh lai.

ISAI 1:17

Asi, thilsual ti bâng ule, thildik ti a sîn u. Diknâk ti hen um mi tla chu zauh ule, nehsawh hen um mi chu ṭangpi na u, mi ngâkṭah tla ṭanh ule, numei tla hum na u,” a ti.

ISAI 1:18

LALPA nih, “Tuah thu kan rêl lai. Nan sualnâk chu sen khawmsele, vûr hâwi a vâr hen ka nan ṭâwl na lai. Nanna buaih mi chu sen duk rê khawmsele, samul hâwi hen nan vâr lai.

ISAI 1:22

Jerusalem, veikhat chu tangkasa hâwi na si, sikhawmsele tu lam chu zei rua khawm na tlâklo rawh; uain ṭha hâwi na si le, sikhawmsele tu lam chun tî hâwi cho na si rawh.

ISAI 28:14

Tuah nannih mi zauhnawmh mang, Jerusalem ah hi bang mi tla tlûnah lâirêltu tla, LALPA thusim ngâi u.

ISAI 3:14

LALPA nih a mi le tla lakah upa leh ruitu tla chu lâirêl piak na ding hen a put na. Hi phiarnâk hi a siam: “Mi grep dûm tla nan va rawk le, mipâm thil nan lâk mi hen nan in tla nan khattir.

ISAI 30:1

LALPA nih thu a sim le: “Juda lakah lâirêltu tla chu ka lakah an hel ruangah an vânduai! Keimah siam lo mi thiltum an zûl le, keimah duh lo kâng hen remnâk ding ah min an rîn le, mi pakhat sual midang tlûnah an thang asi.

ISAI 33:15

Thu dik na sim hen thil dik na ti chun na him lai. Mipâm perpetnâk ah na thiltikhonâk mang lah le, nawhnâk lâk lah. Mi thah tumtu mawh thilsual ding ti tumtu tla sinah a bawp lah.

ISAI 5:23

Sikhawmsele nawhnâk ruangah misual chu dik hen na siam, midik lam chu a dik sual lebang lai ti hen na vêng rêt.

ISAI 65:2

Ka mi tla, lungkhung tak hen thil diklo ti hen anmah duh dân hen umtu tla chu lâwmh na ding ka râlring kumza.

JEREMIA 22:17

Sikhawmsele nangmah kawngkâ cho na ruat le; a sual lo mi rangah na thah le, na mi tla chu zângran ko hen na nehsawh na. LALPA nih a sim asi.

JEREMIA 32:32

Juda mi leh Jerusalem a mi tla, an lal leh ruitu tla, an bâwlpu leh an khuavâng tla hen thilsual an ti ruangah râwk ding hen ka tum rawh.

JEREMIA 4:17

a mi tla chu LALPA lakah an hel ruangah phâisen, mi nih an vêng mi hâwi hen Jerusalem chu an hual dak lai. LALPA nih a sim asi.

JEREMIA 5:5

Chu minung tla sinah chun thiltikhonâk hen ka kal lai le, ka sawnh na lai. An Pathian nih a duh dân leh LALPA nih ti ding hen a duh na mi chu an theih lai rawh,” ti ka ruat. Sikhawmsele an ektê hen LALPA thuneihnâk chu an duh lo le, a thu zûl ding an duh lo.

JEREMIA 5:6

Churuang chun tumun ah mi chakeibaknei nih a thah na lai le, ramkaro ah mi chingngia nih a sâm dip na lai le, keitê nih an khuapi tla ah seh ding hâwl hen a ṭawl lai. Chubang minung tla chu an suak chun, an sual a tam ruangah leh zeiliau zawng ah Pathian an hawitâk lemang ruangah sâm ver hen an um lai.

EZEKIEL 12:2

“Thikho mi minung, mi hel nâwngah um mi na si. Mit an nei le, sikhawmsele zeikhawm an muh lo; nâ an nei le, sikhawmsele zeikhawm an theih lo, mi hel an si ruangah.

EZEKIEL 22:27

Sawrkar rianṭuantu tla chu, chingngia nih ramsa an thah mi sâm diptu hâwi an si. Nei ding duh hen mi an thah na.

HOSEA 4:18

Uain cherkhet an din rawh chun, anna zuarnâk lakah anna lâwm le, zahkâinâk ngâk hen ningzaknâk an thîm dauh.

HOSEA 5:10

LALPA nih, “Juda ruitu tla nih Israel ram an rûn le, a ram an fîr piak mi thungâi ka thin a run. Churuangah tîlian tlung mi hâwi hen an tlûnah rêpnâk ka tawih awt.

HOSEA 9:15

LALPA nih, “An thilsual ti zawzawng chu Gilgal ah anna dawmh, chu mun thawk hen anmah ka hua na rawh. Thilsual an ti mi ruangah ka ram sungah mi ka suah na awt. An ruitu tla ka lakah an hel le, ka dâwt na awtlo rawh.

AMOS 5:12

Sual ṭihnungkâi tatak nan ti mi leh dân tam tak nan buar mi tla ka theih, mi ṭha tla nan nehsawh na le, nawhnâk nan lâk, mipâm tla khawm lâirêlnâk ah an dik mi khawm diklo hen nan tuah na.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

MIKAH 3:9

Israel lâirêltu tla, diknâk hua hen, diknâk chu diklonâk ah changtirtu, ka thu ngâi u.

MIKAH 6:12

Nan minei tla nih mipâm tla an mang na le, nan ektê hen mi âwkrâwl ver nan si.

MIKAH 7:3

Sual leikângah ti chu an thiam ver, rianṭuan ding leh lâirêl ding hen nawhnâk an hauh. Mi kuaih khotu nih a duh thu chu a simh na le, churawhchun a ti dân an ruat tawnh.

ZEKARIA 7:10

Nan lakah numei leh ngâkṭah tla, ramdang mi minung leh ṭangpi herh âuzawng um mi tla chu nâuneh lah na u,’ ka ti na.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

NUMBER 22:7

Churawhchun, Moab mi leh Midian mi ruitu tla chu siatbarh man put hen Balaam sinah an kal le, Balak thuchah tla an simh.

MATHAI 21:13

an sinah, “ ‘Ka in chu thlachamnâk in an ti lai,’ ti rîn asi; nannih lam nih chun rawkmang tla pûk ah nan siam dauh tâwn asi,” a ti.

MARK 11:17

Chun, an sinah chun, “ ‘Ka in chu phun kip rangah thlachamnâk in an ti lai,’ ti rîn asi lo mazei? Nannih lam nih chun rawkmang tla pûk ah nan siam,” ti hen, a sîntir na rawh.

LUK 19:46

an sinah, “ ‘Ka in chu thlachamnâk in an ti lai’ ti rîn asi; nannih lam nih chun rawkmang tla pûk ah nan siam dauh hi,” a ti.

LUK 24:27

Chun, Mosi leh khuavâng lasui thu thawk hen a dawmh le, Pathian lasui thu zawzawng ah amah thâwngthâng rîn mi vial chu anmah tla a simhfiang vima na.

DEUTERONOMY 16:19

An lâirêlnâk lakah khat leikâng ṭângṭawmnâk nei hen diklo tak hen lâi an rêl ding asi lo; nawhnâk khawm an ei ding asi lo, thilpêk nih mifing leh mi zumhkâi mit a châwttir le, diklo tak hen thu thlûknâk a siam tâwn.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.

1 SAMUEL 8:3

Sikhawmsele, an pa umdân hâwi hen an um lo; tangka lei an sunhsak dauh le, nawhnâk an lâk le, zumhkâi tak hen thu an thlûk lo.